Kabanata 80

Matapos kong palitan ng pantulog ang kambal ay si Dwayne naman ang nagpatulog sa mga ito. Dati ako ang gumagawa noon pero mula nang tumira kami dito sa bahay ni Dwayne ay nagpakatatay na siya nang husto sa mga kambal at talagang hindi niya iniiwan ang mga ito hangga't hindi siguradong maayos na ang mga tulog ng mga ito. Sigurado naman akong mabilis na makakatulog ang kambal ngayon dahil maghapon silang naglaro kasama ang mga kaibigan ni Dwayne.

Bumalik naman ako sa kwarto namin.

Nanghihinang naupo ako sa kama nang makapasok ako.

Napatingin ako sa side table kung nasaan ang family picture namin. Mukha kaming masayang pamilya sa larawan. Ito iyong pamilyang iniingatan ko pero hindi ko alam kung totoo ba talaga ang lahat.

Masaya naman kami pero binabagabag pa rin ako dahil sa mga nangyari kanina.

“Wife,” ani ni Dwayne nang makita niya ako. Ibinalik ko ang picture frame na hawak ko sa side table at tumingin sa kanya.

“Wife?” ulit ko sa sinabi niya.

Kumunot ang noo nito at pinakatitigan