Chapter 2

Noong ikasal sila, may pinirmahan silang kasunduan.Isang malinaw pero hindi patas na kasunduan.Nakasulat doon na habang kasal sila, sasagutin ng Mondragon Corporation ang lahat ng gastusin sa pagpapagamot ng mama niya.

Pero dahil nahihiya sila ng lola niya, ang regular na bayarin lang ang hinayaang nilang sagutin ng mga ito.Ang ibang gastusin ay sila na mismo ang naghanap ng paraan.

At may isa pang kondisyon ang asawa niya,may karapatan sila na tapusin ang kasunduan anumang oras nila gusto.Pero kapag si Stacey ang humiling ng hiwalayan, kailangan niyang magbayad ng isang billion.

Para kay Franco, maliit na halaga lang iyon.Pero para sa kanya, imposibleng halaga iyon.Gayunpaman, walang pag-aalinlangan niya iyong pinirmahan noon.Dahil mahal niya ito.Ang mapangasawa ang lalaking matagal na niyang hinahangaan ay parang pinakamasayang himala sa buhay niya.

Hindi niya inakalang balang araw, magiging patibong rin pala iyon. May malakas na tunog mula sa kabilang linya na nagpabalik sa kanya sa realidad.

“Tinatangay ng hangin ang bintana, Stacey. Papasukin na naman ng ulan ang bahay. Kukuhanin ko muna ang mga sinampay. Alagaan n’yo ang isa’t isa ni Franco.”

Pagkatapos noon, mabilis nang ibinaba ng lola niya ang tawag. Mahigpit na hinawakan ng babae ang kanyang namatay na cellphone.Tahimik na pinutol ng asawa niya ang gamot at gastusin ng mama niya.

At tama lang naman, dahil mag di-divorce na rin naman sila. Wala na itong obligasyon sa isang taong wala namang koneksyon dito. Binuksan niyang muli ang chat nila mag asawa.At maikli lang ang isinagot niya.

“Sige.”

Limampung araw na lang bago matapos ang tourism project ng Mondragon Corporation. Pagdating ng araw na iyon… wala na silang magiging ugnayan pa.

Sa master bedroom sa ikalawang palapag.

“Madam, desidido na si Sir Franco na makipaghiwalay sainyo. Wala ka ng karapatan na gamitin ang master bedroom, mag-impake ka na.”

May narinig siyang yabag sa may pinto. Lumingon si Stacey at nakita si Aling Flor na nakasandal sa pinto habang nakatingin sa kanya nang may pang aasar. Pagdating ni Aling Flor, nag-iimpake na si Stacey.

Pero natigilan siya sa isang itim na silk dress na may tag pa rin. Regalo iyon ni Franco at kahit minsan ay hindi niya ito nasuot.Ngayon, gusto na niyang itapon lahat ng alaala niya rito.Pero sa damit na iyon… hindi niya magawang bitawan agad.

Napansin ni Aling Flor ang pag-aalinlangan niya at napangisi.

“Tatlong taon kang tumira sa kwartong ito. Bukod sa mga walang kwentang lumang beads mo, ano pa ba ang naiwan mo rito?”

“Ah oo… nag-iwan ka pala ng iskandalo. Dahil sa’yo nag-away ang magkapatid. Habambuhay kayong pagtatawanan ng pamilyang to.”

Ang tinutukoy nito ay ang matinding alitan nina Kevin at ng kapatid nitong si Franco isang gulong halos sumira sa mga Mondragon.Tahimik na isinabit ni Stacey ang silk dress sa cabinet at inilagay ang atm card sa wallet niya.

Pagkatapos nilang ikasal, buwan-buwan siyang binibigyan ng asawa ng allowance. Pero bihira niya ito gamitin para sa sarili niyang interes. 

Sanay siya sa simpleng pamumuhay. Madalas, kapag may nakikita siyang bagay na na alam niyang bagay kay Franco damit, sapatos, necktie, cufflinks iyon ang binibili niya gamit ang perang nasa card.

Ngayon, halos isang milyon na lang ang natitira roon.Sapat para sa isang treatment ng mama niya at dadalhin niya iyon.Magsasalita pa sana si Aling Flor nang dumating si Auntie Rose at dire-diretso na kinuha ang maleta mula sa babae.

Hindi man lang nito pinansin si Aling Flor.

“Madam, nilinis ko na ang attic sa itaas. Maliwanag doon at maaraw, inakyat ko na rin ang mga libro at beads mo.”

Napangiwi si Aling Flor.

“Auntie Rose, masyado kang mabait. May mga tao kasi talagang malas sa bahay…”

“Aling Flor,” mahinahong putol ni Rose kahit hindi tumitingin dito, “ipinag-utos ni Sir Franco na tulungan si Madam sa pag-aayos, hindi sakop ng trabaho mo ang chumika rito.” masungit na sagot niya sa kasambahay.

“Hindi naman ako —” hindi pa man nakakasagot ang kasambahay ng putulin ni Rose ang sinasabi nito.

“Hindi ba may niluluto ka pa sa baba? Baka masunog na iyon at mapagalitan ka pa.”

Natameme si Aling Flor at tiningnan muna ng masama si Stacey bago umalis.Mabait at tahimik si Auntie Rose.Pero ngayon, parang marami itong gustong sabihin.

“Matagal na ako sa pamilyang to. Buhay pa noon si Madam nang kunin niya ako rito. Nakita kong lumaki ang magkapatid na Kevin at Franco.”

“Simula bata pa sila, hindi na talaga sila magkasundo. May mga sama ng loob na matagal nang nakabaon… at hindi nagtagal, naging galit na.”

Pagdating nila sa attic sa ikatlong palapag, tinulungan siya nitong ayusin ang mga damit.

“Tungkol sa magkapatid at sa pagkamatay ni Madam… kung may gusto kang malaman, itanong mo lang sa akin. Lahat ng alam ko ay sasabihin ko sa’yo”

Pagka alis ni Rose, tahimik na naupo si Stacey sa masikip na kama habang marahang hinihimas ang wedding ring niya.Naalala niya ang araw ng engagement party.

Parang demonyong galing impyerno si Franco noon habang hinila siya palayo kay Kevin sa harap ng lahat.

“Mula ngayon, akin ka na.”

Hindi siya inagaw nito dahil mahal siya.Kundi dahil gusto nitong maghiganti.At ngayong sapat na ang paghihiganti nito… kahit ang master bedroom ay ayaw na siyang patuluyin.

Kinuha ng babae ang annulment papers mula sa bag at binuksan sa huling pahina.Handa na sana siyang pumirma. Pero nang maalala niya ang maputlang mukha ng mama niya sa ospital at ang clause na titigil ang gastusin kapag nag hiwalay sila… nanginig ang kamay niya.Hindi niya magawang pumirma.Mabilis niya itong tinago sa drawer, nagsuot ng coat, at bumaba.