Chapter 11

NAKIKINIG lang si Yumi sa nagsesermong si Victoria. Pinagmasdan niya ang dalawang nag-aayos sa kanya, nakayuko lang ng mga ito. Noon lang niya ito nakitang nanigaw ng kasambahay at sa harap pa mismo niya.

"Hindi pa rin kayo tapos! Aba'y anong petsa na?! Aabutin pa ba kayo ng Pasko sa pag-aayos sa babaing iyan! Ang kukupad ninyo!"

"S-sorry po, Madam."

"Sorry? Dalawa na nga kayo rito--"

"Auntie, huwag po naman ninyo silang pagalitan," awat niya rito. Hindi na niya natiis ang sarili. "Ako po ang may kasalanan at tsaka'y tatlong oras pa po ang hihintayin natin."

Hindi nakasagot ang ginang, sumimangot na lamang ito. Manaka'y pinagmasdan nito ang gown na susuotin ng dalaga. "Hindi ko talaga type itong napili mong gown. Ang pangit! Cheap pagmasdan."

Makahulogang nagkatinginan ang tatlo. At napilitang tumayo si Yumi upang lapitan ang ginang. "Para sa akin po'y maganda iyan. Simple pero elegant ang dating."

Tumilos naman ang nguso ni Victoria, "Bakit kasi hindi mo na lamang pinili ang naiibig