الفصل الأول: زواج عقد

كانت الساعة الثانية بعد منتصف الليل في بغداد.

المطر يضرب زجاج سيارة الأجرة القديمة بينما ليلى الراشد تحتضن حقيبتها.

23 سنة، مترجمة، ومديونة لصاحب البيت بإيجار 3 أشهر.

"ست ليلى؟ انزلي هنا. الشارع مسدود" قال السائق.

نزلت ليلى وركضت تحت المطر. فجأة سمعت صوت صراخ واطلاق نار.

التفتت وشافت رجل طويل ببدلة سوداء غارق بدمه على الرصيف.

الملياردير زين المنصوري.

بدون تفكير سحبت منديلها وضغطت على جرحه.

"ابقى صاحي. لا تموت" همست.

فتح عيونه السوداء الباردة وباوع لها.

"منو انتِ؟"

"انا... انا بساعدك"

بعد 3 أيام في المستشفى الخاص، دخلت ممرضة الغرفة.

"الآنسة ليلى؟ السيد المنصوري يريدك. حالاً."

وقف زين المنصوري. 40 سنة، رئيس شركة المنصوري القابضة، وملامحه كأنها منحوتة من ثلج.

"سمعت انك انقذتيني" صوته عميق وبارد.

"اي نعم"

تقدم خطوة. "عندي عرض. زواج عقد لمدة 6 أشهر."

شهقت ليلى "ماذا؟"

"شركتي راح تخسر عقد بمليار دولار اذا ما تزوجت قبل نهاية الشهر.

اريدك زوجة بالاسم فقط. راتب 10 الاف دولار بالشهر. وبعد 6 اشهر ننفصل."

بلعت ليلى ريقها. 10 الاف دولار = تسدد ديونها وتنقذ امها المريضة.

"والشروط؟"

"القاعدة 1: ممنوع الحب. القاعدة 2: لا احد يجب ان يعلم."

مد يده. "موافقة؟"

كانت يدها ترتجف وهي توقع على العقد.

ما كانت تعرف ان التوقيع هذا راح يغير حياتها للأبد...

كان المكتب بارد. زجاج يغطي كل الجدران ويطل على بغداد كلها.

جلس زين المنصوري خلف مكتبه الخشبي الضخم. يقلب العقد بأصابعه الطويلة.

"ليلى الراشد" قرأ اسمها بصوت منخفض. "23 سنة. مترجمة. ديون؟"

رفعت ليلى راسها. "كيف عرفت؟"

ابتسم ابتسامة ما وصلت لعيونه. "انا زين المنصوري. اعرف كلشي عن كل الناس."

وقف ودار حول المكتب. عطره رجالي وثقيل.

"اسمعي. امك بالمستشفى. فاتورة العلاج 50 الف دولار. وصاحب البيت راح يطردكم باجر."

شهقت ليلى. "انت تتجسس علي؟"

"استثمار" صحح لها. "انا استثمر بيكِ."

وقف مقابلها. كان طويل جدا. "وقعي هنا. 6 اشهر. زوجتي قدام العالم.

بالبيت كل واحد بغرفة. ممنوع اللمس. ممنوع الحب. وبعد 6 اشهر 600 الف دولار كاملة."

"ليش انا؟" سالت بصوت مبحوح.

"لانك انقذتيني. ولانك ما عندك شي تخسريه"

مدت يدها المرتجفة ومسكت القلم. اول ما وقعت، حسّت كأنها باعت روحها للشيطان.

لكن ما كانت تعرف... ان الشيطان هذا عيونه بدت تدفى من يومها.

خرجت ليلى من الشركة ورجلها ترجف. العقد بيدها.

اتصلت بأمها بالمستشفى.

"يمه شلونج؟"

"الحمدلله بنيتي... الدكتور يكول لازم عملية باجر والا..."

"لا تخافين يمه. دبرتها"

اغلقت الخط ودموعها نزلت. باعت نفسها. بس علمود امها.

بالليل نقلوها لشقة زين الفخمة بالمنصور.

شقة كلها رخام وذهب. والخدم ينحنون لها "مدام".

دخل زين. خلع جاكيته. "تذكري القواعد؟"

هزت راسها.

"زين. غرفتك هناك. لا تدخلين مكتبي. ولا تطلعين بدون اذني."

صعد للطابق الفوق. ووقف عند الباب.

ليش قلبها يدق هيج؟ هاي بس صفقة.

لكن ريحة ليلى بعدها ببدلته...

"اللعنة" همس زين وسد الباب بقوة.

مرت اول ليلة ببيت زين المنصوري كأنها سنة.

الغرفة اللي انطاها الها ضخمة. سرير ملكي، شباك يطل على دجلة، وملابس جديدة بكل الالوان بقت بالدولاب.

"مدام تحبين عشاء؟" سالتها الخادمة.

هزت ليلى راسها. "لا شكرا... اريد انام"

بس ما كدرت تنام. كل ما تغمض عيونها تشوف وجه زين وهو مصاب ودمه على ايدها.

الساعة 6 الصبح.

دك الباب. "مدام. السيد ينتظرك للفطور"

نزلت ليلى لابسة فستان ابيض بسيط. زين جان كاعد على طاولة طولها 10 متر.

يقرا جريدة ومايباوع لها.

"صباح الخير" كالت بخجل.

رفع عيونه ثانية وحدة. "صباح" ورجع للجريدة.

الجو كان بارد ومحرج. بس الخدم يشتغلون بدون صوت.

فجأة رن تلفونه. "نعم؟" صوته تحول لثلج. "منو سرب الخبر للصحافة؟"

ضرب الطاولة. "اذا خلال ساعة ما لكيته مطرود"

سد التلفون وباوع لها. "انسي تسمعين شي من اللي يصير. فهمتي؟"

"فهمت" همست ليلى.

"زين" وقف. "اليوم عندنا مؤتمر صحفي. راح نعلن زواجنا.

المصممة راح تجي الساعة 10 تختارلك فستان. ابتسمي ولاتحجين هواي."

وراح. بدون ما يفطر.

بعد ساعة وصلت مصممة ازياء مشهورة. "يا الله شكد حلوة"

لبست ليلى 5 فساتين. واخر واحد كان احمر ملكي.

من شافت نفسها بالمراية انصدمت. هاي مو ليلى الفقيرة. هاي زوجة ملياردير.

بالليل. المؤتمر الصحفي.

فلاشات الكاميرات عمت عيونها. زين مسك ايدها بقوة.

"اقدم لكم زوجتي... ليلى المنصوري"

الكل صفق. ليلى ابتسمت ابتسامة مزيفة.

وبداخلها تخاف. خايفة من الفلوس، من الكذب، ومن الرجال اللي جنبها اللي قلبها بدا يدق بسببه.

وهي طالعة من المؤتمر، سمعت بنت تهمس: "منو هاي؟ من وين طلعت؟ اكيد طماعة"

توقفت ليلى. اول مرة تحس ان الفلوس توجع.

بالسيارة بالرجوع، ساد الصمت.

"سمعتيهم؟" كال زين فجأة.

"اي"

"لا تهتمين. بعد 6 اشهر ننفصل ويرجعون ينسونك"

كلامه وجعها اكثر من كلام الناس.

وصلوا البيت. قبل لا يصعد، وقف زين.

"ترا... شكرا على اليوم"

استدار بسرعة وصعد بدون ما يشوف ردها.

بقت ليلى بالسيارة. وحدها.

مليونير متزوجة. بس وحيدة اكثر من قبل.

صعدت ليلى لغرفتها. كل شي فخم بس بارد.

فتحت تليفونها. 200 رسالة من ارقام مجهولة.

"منو انتِ حتى تاخذين زين؟"

"وحدة فقيرة جاية عالفلوس"

سكرت التليفون ودموعها نزلت.

بالطابق الفوق، زين واكف يم الشباك. ايده بيها كاس ويسكي.

يشوف ضوء غرفتها بعدها شغال.

"ليش وافقتي؟" سأل نفسه. "كان اكو 100 بنت تتمنى العرض"

بس ولا وحدة منهم ضغطت على جرحه والمطر نازل.

سمع صوت خطوات بالممر. طلع راسه.

ليلى كانت رايحة للمطبخ. لابسة روب ابيض وشعرها مبلل.

التقت عيونهم ثانية وحدة. هي ارتبكت وركضت للمطبخ.

زين بقى واكف. قلبه يدق اسرع من العادة.

"بس صفقة" كرها لنفسه. "بس صفقة"

نزل للصالة وشافها تسوي شاي.

"ما تعرفين تنامين؟" صوته هادئ.

انفزعت ليلى. "اسفة... عطشت"

"لا تتأسفين. هذا بيتك" الكلمة طلعت منه بدون تفكير.

سكتوا ثانيتين. التوتر يملي المكان.

"**انتهى الفصل الأول**"