الفصل الثالث

قالت الأم : لا قالتلنا بس برده مستغربه عشان كده بسال عادي .. لما انتي وصلتي خلاص وقربتي تكملي سن الثلاثين اللي منعك عن الجواز

قالت سلافه بجدية تامة: معلش هو الجواز لـي سن عندكم؟ إيه الجمله اللي عمالين ترددوها دي ! لحد دلوقتي لسه ما متجوزتيش واللي معانك، و وصلتي سن الثلاثين ! اولا ده نصيب ماحدش يقدر يغيره ولا يعرف الغيب .. ثانيا ان الجواز عمره ما كان لـي سن معين ! كل واحد و واحده يتجوز وقت ما يحب ويلاقي الشخص المحترم والمناسب لي .. ثالثاً وده الاهم لسه لقيتش الشخص المناسب ؟.

هتفت مريم بتوتر من الجو الذي أصبح مشحونة حولها: كل واحد بقى و بياخد نصيبه ! اتفضلوا اشربوا العصير

قالت شقيقه العريس بفخر وهي ترفع أصابعها لتظهر دبله الخطوبه قائله : مش قصدي حاجه بس انا اهو قدامك عندي 20 سنه ومخطوبه وبدرس في الجامعه كمان وما فيش حاجه معطلاني يعني

كتمت ضحكتها بصعوبة سلافه نحو تصرفها ثم قالت بجديه: دي حياتك وانتي حره فيها .. تتجوزي تتطلقي براحتك جدا ؟!. زى ما أنا حياتي برضه وبراحتي وانا اللي هامشيها على مزاجي .. ثم إن معلش يعني هو الجواز وقت ما انا احب يعني اصحى الصبح مثلا اقول أنا لازم اتجوز عشان اريح الناس و اروح متجوزه في ساعتها بمزاجي انا.. ولا وقت ما ربنا يكرمني ويرزقني

لتقول أم العريس: يا حبيبتي الجواز ستره للبنت .. ولو لقيتي حد كويس اتكلي على الله و ان شاء الله ربنا هيكرمك .. الناس مابترحمش حد ,هيقولوا واحده وصلت لسن الثلاثين ولسه عانس ! وهيقعدوا ينسلوا عليها بالكلام عشان كده الجواز بسرعه احسن

سلافه بجديه: الجواز رزق يا طنط وانا رزقي لسه ما جاش !. و بعدين ان شاء الله اوصل لـي سن الـ 40 مش مهم السن المهم الاقي الشخص المناسب

حمحمت سلمي ونهضت تقدم إليهم بعض الفاكهة.

نفخت سلافه بضيق شديد من الوضع متحدثه: مش سامعين يعني صوت العريس من اول ما دخلتوا ؟!. ما فيش حد بيتكلم غير والدتك واختك بس ؟!.

حمحم العريس قائلاً بإحراج: لا ابدا مفيش حاجه .. سايبكم تتكلموا براحتكم وتتعرفوا علي بعض

نظرت إليه بحنق من المفترض يتعرفون علي بعض هو وهي ؟. ام هي وأهله الآن ؟!.. ثم هزت راسها له بالايجابي لتقول بابتسامه مصتنع: آه و بصراحه اهلك قايمين بالواجب وزياده ؟!. بس معلش ممكن انا بقى اللي اتكلم شويه و اسال شويه اسئله للعريس؟!.

ضغطت مريم والدتها بغيظ مكتوم فهي تعرف ماذا سوف تسأل ابنتها وهي غير راضية تماماً.. لأن فور انتهاءها من طرح الأسئلة يتم الغاء الزيجه والتعارف..

فتحوا فمهم أهل العريس باستنكار وتهكم من حديث سلافه التي لم تهتم لهم واكملت متسائلة باهتمام: ايه رأيك في عمل المرأة؟ و ممكن تعترض على شغلي بعد الزواج ولا لأ ؟؟.

كأنت الصيغه من ذلك السؤال هي معرفة إلى أي مدى يتحكم هذا الشاب في حياتها..!! ليقول العريس بهدوء: لا ابدا مش همنعك ولا اعترض علي شغلك بعد الجواز .. انا عارف أنك بتشتغلي دكتوره عيون غير عملتي ماجستير في كده .. مش هاجي بعد تعبك ده كله امنعك واقعدتك في البيت

ابتسمت سلافه براحه فـ ذلك الاجابه راحت بالها لتقول سوال أخري قائلة: طب بالنسبه لي استايل لابسي موافق عليه ؟؟ ولا ممكن تغيره وتقترح استايل لبس لي ثاني على ذوقك ..

كأنت سلافه محجبه وملابسها عاديه وبسيطة ليس واسعة ولا ضيقه .. و سالت هذا السؤال لأن يرغب بعض الشباب في تغيير طريقة واستايل ملابس الفتاة التي يريد خطبتها، لذا إجابة هذا السؤال سوف تحدد طريقة تحكم المتقدم لخطبتها هل من النوع الذي يفرض رأيه، هز رأسه برفض قائلاً بهدوء: لا خالص ده ذوقك انتي.. ولبسك انتي ما ليش دعوه بي

هزت راسها له بالايجابي بابتسامة عريضة لتقول سؤال ثالث: لو في مره اختلفنا في اتخاذ قرار لـ مشكلة معينة، هنتصرف ازاي؟

- مش فاهم قصدك ..؟؟

لتقول بتوضيح اكتر: يعني مثلا انت طلبت مني حاجه بس انا مش مقتنعه بيها ورفضه اقتراحك .. هيكون ايه الحل ساعتها ؟!..

كأن ذلك اكتر سؤال تنتظر إجابته سلافه بفارغ الصبر.. فـ إذا أجاب الشاب على هذا السؤال بأنه هو الرجل، ولا بد من تنفيذ كلامه، وأن هو الذي سوف يسيطر على جميع أمور المنزل، فهذا يشير على حب امتلاك وفرض رأيه وحبة لذاته.

وبالرغم كأن السؤال موجهة إلى العريس لكن سبقت تتحدث شقيقته الصغيرة : المفروض رايه هو اللي يمشي طبعا ..هو الراجل واكيد مش هيطلب منك حاجه عيب ولا غلط

أوضح أن الحلو لم يكتمل إلي النهايه مثل ما يقولوا ..بذلك الإجابة تراجعت قليلا في التفكير سلافه لأن العريس صمت ولم يتحدث من الواضح أعجب بحديث شقيقته

قالت سلافه مكمله تسأل : طب وعلاقتنا الاجتماعية واحدة أو لكل واحد حريته؟

فتح فمه ليقول لكن شقيقته قالت بضيق شديد: امال انتم بتتجوزوا بعض ليه ؟؟ ايه كل واحد لوحده دي اكيد طبعا الكلمه كلمته والشوره مشورته.. وبعدين هو احنا جايين نطلبك للجواز ولا جايين نعمل كشف هيئه نازله اسئله فية ليه؟ ده جواز يعني واحد بيتجوز واحده ويعملوا عيله مكبره الموضوع ليه

جزت سلافه على أسنانها بعنف هاتفة بجدية: طب لما هو جواز حضرتك ليه مدخله نفسك في اللي ما لكيش فيه اخوكي اللي هيتجوز يعني مفروض هو اللي يجاوب مش انتي

قالت ببرود: انا وهو واحد و ماما كمان وبعدين هو مشتكيش لاني نفس إجابته اللي انا قلته مش صح يا ابراهيم

هز رأسه لها بالايجابيه بتوتر ابتسمت سلافه بتهكم وقالت: اه لا كده البدايه مبشره وأستاذ ابراهيم اخوكي تعب نفسه وجاي ليه؟ لما هو ما لهوش رأي! كأن كفايه انتي والست والدتك تيجوا تخطبوا له وهو يهز في راسه ويقول حاضر ذي دلوقتي مش صح برضه يا استاذ ابراهيم

نظر لها بإحراج لتقول بعصبية أخته: ما تحترمي نفسك انتي بتتكلمي عنه كده ليه احنا طول عمرنا أنا و ماما بالنسبه لاخويا كل حاجه وهو بياخذ راينا وبيقتنع بي ! عاوزه تفرقينا وتعملي ما بيننا وبينه مشاكل من الاول ولا ايه..

ثم تطلعت فيها بسخرية مقصده لاستفزازها: وبعدين واحده زيك داخله على سن الـ 30 بتتامري على ايه ؟؟. اللي يتقدم لك قولي حاضر وعدي ليلتك بدل ما تفضلي جنب امك

نهضت سلافه بحده قائله بغضب شديد: انا محترمه غصبا عنك و عن الست والدتك اللي سامعه قله ادب من اول ما دخلتي و ما قلتلكيش عيب لما عيله صغيره زيك تغلط في الاكبر منها ..كفايه ان انا سامعه قله ادبك من اول ما دخلت وانا ساكته عشان محترمه انك في بيتي !

احمر وجه أخت العريس بشراسه وحقد من حديثها حين أكملت سلافه بلهجة ساخره: وبعدين ما اسمعش بـ يقتنع بـ رايانا اسمها اخوكي ما لوش كلمه ولا راي .. اعتقد رايي أنا بقي دلوقت وصلكم اكيد مش موافقه ارتبط بواحد ما لوش شخصيه واخته هي اللي بتمشي رائها عليه كفايه قله ادبك معايا دلوقت!, واحنا لسه على البر وما تكلمش ؟ امال بعد الجواز هيكون ايه الوضع .. شرفتونا

دلفت الداخل وغير متهمه بنظرات الجميع .. من أهل العريس بغضب وغيظ.. و والدتها مريم بتوتر وإحراج من أفعال ابنتها مثل العاده تحرجها أمام الناس وترحل بكل برود وثبات

_________________________________

جلست سلافه أمامه التسريحه بـ غرفتها وبدأت تفك غطاء الرأس.. لتنظر إلي المرايا بأمتعاض وهي تقع نظرها فجأة على مرأه معلقة بطول الحائط أمامها أخري لتصدم بدخول والدتها وخلفها سلمي شقيقتها تصيح بحده: ارتحتي كده أهم مشيوا ..برده عملتي اللي في دماغك يا سلافه وطفشتي الناس! معاني حظرتك قبل ما الناس يجوا بلاش تعملي اللي بتعملي كل مره واسئلتك المستفزه اللي ملهاش لازمه دي .. ارتحتي انتي كده صح