الفصل الرابع

أخذت نفس عميق لتقول بهدوء: انا نفسي افهم ليه كل ما عريس يمشي تبقى متاكده وتتهميني ان انا السبب كاني ببقي قصدي اخليه يمشي !! انا مش رافضه فكره الجواز خالص .. انا رافضه بس اتجوز انسان ما يحترمنيش ايه الصعب في كده ؟؟.

لترد مريم بهدوء وهي تحاول ان تجعلها توافق: يا بنتي انا خايفه عليكي العمر بيجري.. كل البنات اللي في سنها و اصغر منك كمان اتجوزوا وجابوا عيال كمان والعريس اللي كأن متقدملك شكله ابن حلال وشغلته كويسه و هيحافظ عليكي

ألتفتت إليها باستهزاء وقد اشتعل غضبها اكثر: شكله كويسة وهيحافظ عليا !! كل ده عرفتيه من مقابله واحده يا ماما .. وبعدين كل حاجه كانت واضحه قدامك مش شايفه قله ادب اخته

مريم بغيظ متحدثه: وانتي مالك ومال اهله خليك في هو ؟!. هو انتي هتتجوزي أهله ولا هو ؟!..

نهضت سلافه بحده قائله بضيق شديد: يعني ايه ماله ومال اهله ،غلط يا ماما نفكر بالطريقه دي ؟ دلوقت بقي 95 في المئه من المطلقات بيكون السبب الرئيسي هو الاهل في فشل الجواز .. عشان للاسف بنفكر بالطريقه دي زي حضرتك ! مالناش دعوه باهله وخلينا فيه هو ؟. طب ازاي؟. اكيد مش هيجي عليا علشان اهله وحتى لو جاء مره ولا مرتين بس بعد كده في النهايه هما اهله !

لتقول سلمي محاولة تسترضيها: هم يعني هيباتوا معاكي .. ما انتي اخرك هتشوفيهم مره ولا مرتين وقت الزياره كل شهر ولا اسبوع وخلاص

نظرت سلافه إليها باستهزاء لتقول بعدم اقتناع: ده على اساس ان هم مش هيقعدوا يوسوس في ودنه ويقولوا له اعمل ايه وما تعملش ايه .. انا مش فاهمه انتم بتتكلموا معايا في ايه ؟. واحد مش كويس مجرد بس قلت عليه ومتاكدة أن اهله مش بيحترموني وانا رفضت فين المشكله؟. ما هو في النهايه تبعهم وهيبقى زيهم واللعن معايا .. يا ماما دول غلطته فيا قدامه وهو كل اللي فيه نازل عليه صمت

سلمي بتوتر: تلاقيهم مكانوش يقصدوا ولا حاجه يا سلافه .. ما تكبريش الموضوع

سلافه بجدية: برده انا مقتنعه إني اخذ واحد كويس هو و اهله .. مش هاخذ واحد كويس واهله مش محترمين؟!..

جزت مريم على أسنانها بغيظ متحدثه بعصبية: برده اللي في دماغك في دماغك .. طب واخرتها هتفضلي كده من غير جواز ؟. عشان شويه حجج فارغه .. مين يصدق لحد دلوقتي داخل على الـ 30 اهو ولا حتى قراتي فاتحه ولا خطوبه ؟!.

تنهدت سلافه بضيق شديد ولم تجيب لترحل والدتها للخارج بغضب منها.. نظرت إليها سلمي بعدم اقتناع علي حال شقيقتها لـ تقترب منها وتجلس أمامها قائله بابتسامة هادئه: يا سلافه يا حبيبتي احنا خايفين عليكي وعاوزين مصلحتك .. جربي مره حظك حتى و وافقي علي فتره خطوبه ولو مش مرتاحه افسخيها على طول.. وبلاش تحكمي على الحاجه لسه ما جربتهاش ؟!.. انتي مجرد بس اول مقابله بتروحي حكمه عن العلاقه ان الجواز هيفشل لو كملتي ؟.

سلافه بتصميم : عشان انا بعمل الصح واللي مقتنعه به و ببص لـ قدام .. ما فيش حاجه اسمها حد هيتغير بعد الجواز ؟. ولا المقوله اللي جابت معظم الجوازات في الارض" خذي على عيبه بكره هيتغير" ولا زي ما ماما لسه قائله مش مهم اهله المهم هو .. وليه اصلا اكمل في حاجه انا متاكده منها بنسبه كبيره انها هتفشل ؟. ليه اخاطر بتجربة هتخسرني نفسي وهتقلل من احترامي وكرامتي ؟!...

هتفت سلمي بغضه حاولت اخفاءها : عشان ما فيش حد كامل يا سلافه .. ما فيش حياه هادئه و ما فيهاش مشاكل و وجع راس .. ومعظم المتجوزين كده ما فيش حياه من غير خساره ..

قالت سلافه دون مقدمات: يبقى بلاش الجواز احسن طالما هيجي بقله كرامه واهانه ..

أغمضت سلمي عينيها بانكسار وقالت بمرارة: لو كل واحده عملت كده زيك يا سلافه يبقى ناس كثير مش هتتجوز .. يا حبيبتي هي الحياه كده ومع الوقت والطبع هتتعودي قلتلك ما فيش حد كامل

تنهدت بضيق ويأس فلا أحد حتي الآن يفهم ماذا تريد ولا يشجعها : انا عارفه ان ما فيش حد كامل المواصفات يا سلمي كلنا مليانين عيوب حتى انا .. بس انتم فاهمين اختياراتي غلط .. انا مش عاوزه واحد يعيشني في فيلا ولا قصر ولا كل يوم نسافر بلد شكل ونقضيها فسح وخرجات .. فاهمه كويس الفرق بين الواقع والخيال !! فاهمه ده كويس وان الحياه مش وردي كده ولا الجواز كده ؟؟. ولا انا عاوزه كده ؟؟. انا عاوزه اعيش مع واحد يحترمني واحترمه ! اعيش معاه من غير اهانه وضرب وقله قيمه ! عاوزه قبل ما يحترمني قدام الناس يحترمني بيني وبينه ! مش عاوزه اعدي كده إهانته شئ عادي ؟؟. علشان هي فعلا مش حاجه عاديه دي كرامتي ؟؟.

تجمعت الدموع بألم في عيون سلمي فـ مثل ما يقال "جاءت على الجرح" لتكمل حديثها سلافه بابتسامه ساخره: إيه ما استاهلش كل ده ؟. هو انا لما احافظ على كرامتي ابقى بغلط ؟. ناقصه ايه عشان الاقي كده ؟. ايه الصعب في كده اصلا ؟. بالعكس طلباتي بسيطه جدا

حمحمت سلمي تلحق دموعها قبل أن ينكشف أمرها قائله: اه يا حبيبتي صعب لازم شويه تنازلات ذي ماما قلتلك .. وبعدين اديكي اهو كل شويه ترفضي عريس شكل عشان مش لاقيه اللي انتي عاوزاه ؟!.

هزت راسها لها بعدم تصديق من ردها لتقول: ليه كل ما اقول لحد كده يصعب عليا الأمور ..

كانكم بتقولي لي ما فيش راجل دلوقتي بيحترم الست !.

سلمي بعدم اقتناع: طب سيبك من الكلام ده وفكري في كلامي وافقي نعمل خطوبه زي ما قلتلك.. وانا وماما وطنط زيزي نحاول مع أهل العريس ونتاسف لهم على اللي حصل منك

لتقول سلافه بقوه و عزيمه: لا يا سلمى انا حد غاليه قوي علي نفسي ومش هتنازل عن حق من حقوقي .. وحقوقي اقلها هي حد يحترمني ؟!.

بعد مرور وقت رحلت سلمي

لتفتح سلافه درج التسريحه وأخذت نوته صغيره ورقها فارغ وكتبت فيها كـ الاتي..

قانون رقم 1- ما تحاولش تغيري من نفسك عشان حد خليكٍ زي ما انتٍ واكيد هيجي لك يوم تلاقي اللي يتقبلك زي ما انتٍ.

_________________________________

نهضت جليله بابتسامة عريضة واقتربت منه محتضنا إياها بقوة، طابعًا قبلة علي وجنتيه قالت بـنعومه: حمد لله على السلامه يا حبيبي .. ادخل خذ دش يفوقك انا جهزت لك كل حاجه جوه

هز رأسه بطاعه دون حديث ودلف للمرحاض, خرج بعد مده رحيم مرتدي بنطلون اسود بيتي وعاري الصدر وبيده يجفف شعر بفوطة صغيره ..

لاحظت خروجه من المرحاض جليله, أقتربت منه بدلال ثم أمسكت يده و اجلسته على الأريكة.. و بطريقة لطيفة وابتسامة هادئة أخذت الفوطة وبدأت في تجفيف شعره، جعلت رحيم في حالة من التخدير، نعم تخدر جميع خلايا جسده كأن مستسلم لها تماماً.. هكذا حال رحيم أمامها هي بالذات ليس غيرها, فـ جليله علي الرغم أنه لم يفوز بـ قلبها لكن تعرف جيدا وبطريقة مريبه جدآ حاله وما به حتي أكثر من نفسه ؟؟ تعرف جروحة.. اسراره..اوجاعه.. كل شئ عنه ! حتي هو يرتاح بالتحدث معها !

افاق علي صوتها الرقيق وليس اصتناع: هاه بقي قولي ايه اللي مضايقك و مزعلك كده ؟.

كأنت جليله تجلس فوق ركبته وهو حاوطها بتلقائية حتي لا تقع ارض، تطلع فيها لا يصدق:

عرفتي منين ان انا فيه حاجه مضايقاني؟!.

رفعت وجهها ببطء تقابل نظراته، تحاول أن تكتشف مدى حبه ولو قليلاً ؟. لكن في النهايه لم تجد وهي موافقه علي ما يعطي إليها حنان وعطف وليس حب !، فوجدت ملامحه هادئة وابتسامته صافية بقدر صفاء عينيه والتي كانت ترمقها بحنين وحب من ناحيتها هي فقط: حبيبي انا اكثر واحده لازم تحسي بيك