الزوجة الصامتة

فتح نوح عينيه ببطء وجد نفسه بالفراش

نظر الي تلك التي تجلس بين أحضانه زوجته الحبيبه سلمي نظر مطولاً إليها..

وجدها نائمه كالاطفال اهدابها الطويل علي وجهها الابيض التي يكسوه الحمره الخفيفه في وجنتيها شفتاها التي تشبه حبة الكرز

شعرها الناعم الطويل .. احس بفخر ان تلك الحوريه إليه وحده فقط لا غيره وكأنها خلقت من أجله فقط!

نظر الي ساعته أعلي الطاوله جانبه بفزع: نهااار اسود هو انا نمت كل ده .. سـلــمــي اصحى ..انتي يا هانم

اتنفضت سلمي من بين أحضانه بخضه وقالت: ايه.. في إيه؟؟

هدر بحده وهو ينهض يتمتم بخفوت بصوت ارعبها:انا قلت لك ايه امبارح اضبطي المنبه على الساعه سبعه عندي اجتماع مهم في الشركه ..و الساعه دلوقتي ٩ فين المنبه اللي قلت لك اظبطى انتي نائمه على ودانك

اعتدلت في جلستها بخمول ونظرت إليه بتوتر وعدم تذكر:انت قلتلي اظبطلك المنبه مش فاكرة انك قلت لي حاجه زي كده ..

اقترب منها وقبض يده علي ذراعيها يجذبها بقوة حتي نهضت من قوه القبضه صائحاً بغضب: يعني انا بكذب .. انتي حماره ما بتفهميش ما تركزي شويه معايا.. على طول كده نائمه على نفسك .. اعمل ايه دلوقت اول مره أتأخر على شغلي بسببك

تألمت بشده ناظره إليه قائله بأسف: مش قصدي يا نوح جايز قلت لي فعلا بس انا نسيت

زاد بغضب غير واعي متأملاً ملامح وجهها المتألمة بعينين ثاقبه حادة: انتي لسه مصممه ان انا ما قلتلكيش حاجه .. ما انتي إللي مخك ما بقاش فيكي

صاحت بألم شديد والدموع تلمع عينها : آه ذراعي يا نوح ما قلت لك مش فاكره في ايه الدنيا اتهدت ..

نظر بغضب مما جعل الدماء تفور بعروقه فهو يكره الصوت العالي اندفع نوح يصفعها بقوة علي وجهها وهو يجز علي اسنانه قائلاً : انتي كمان هتردي عليا و بتزعقي لي يا زباله ...

_________________________________

بداخل قصر كبير .. وبتحديد إلي غرفه مكتب واسعه يجلس ذلك الشخص الموجود بها بعينيه وحاجبيه المعقودين ووسامته وشبابه ملامحه تتجسد برجولته الطاغيه ليتنهد وهو يتأمل ألبوم الصور بين يديه تجمعه هو ومعه فتاه جميله تضحك بشدة وهو يتطلع إليها بعشق..



فى عينيه غيم الدموع يبغى سبيلا للفرج وفى يدي تلويحة وداع لم يحظى به..فالأصعب من الفراق هو فراق دون وداع.. كأنت صوره الفتاه أبنه خالته وفي وقت سابق كأنت خطيبته قبل أن يفرقهم القدر .. وفي ذات اليوم جاء والدها أنهي ذلك الخطوبه وإرسال الي منزل رحيم الشبك والهدايا وأنة قد فسخ الخطوبة بشكل نهائي وسوف تخطب لـ شاب أخري.. هذا كل ما قاله وقتها جوز خالته بكل قسوه غير متهم بقلبه الجريح !!..

وبعد ذلك علم أن والدها زوجها لـ شاب أغني منه وقتها كان رحيم يدرس وليس معه مال كثير عكس الآن و كان أيضا لا يعمل لذلك والدها اكتسب أقرب فرصه وانهي كل شي.. يعلم منذ البداية والدها لم يحبه ولا كأن راضي علي الزواج حينها ....

فظل ساكن فى عشقه الاول والجريح والأكثر ألماً مع وجوده فى تلك الحياة دون حبها.. أشتاق لذكرياته الجميلة معها..أشتاق لعشق كان لى جنة فصار عند الفراق جحيماً.. بة جُرح لا يبرأ وضيق فى الأنفاس يقتله ببطئ .. والاصعب والمثير للشفق أنه متزوج من امرأة حسناء كامله من كل شئ بمعني الكلمة..

قطع أفكاره دلوف والدته إلى الحجرة فأسرع بإغلاق الصندوق الخاص بذكرياته بالتحديد عند رؤيته لملامح والدته هياتم المتجهمة والتى بادرته قائلة بغضب: بتدارى ايه انا شفت خلاص وعارفه اللي في الصندوق صورك مع الهانم ريم خطيبتك القديمه .. مش قادر لحد دلوقتي تنساها؟؟. اتجوزت وانت كمان اتجوزت وخلفت وبرده لسه بتفكر فيها .. طب ذنبها ايه مراتك !



نظر لها رحيم باستنكار وتهكم وقال بمرارة:دي مشاعري يا ماما مش بيدي .. وبعدين ما تعمليش نفسك الام اللي تهمها مصلحه ابنها وبتراعي مشاعر جليله من أمتي ده .. احنا هنضحك على بعض انتي وافقتي ان انا اتجوزها عشان والدها بيشتغل مساعد وزير وبيخلص لنا شغل أوقات كتيرة

قالت هياتم بحزم: انت ابني الوحيد وأكيد خايفه على مصلحتك .. رحيم مش هنبقى كل يوم في نفس الموال ! وبعدين انا كان في ايدي ايه وما عملتوش ليك؟. لما طلبت مني نروح نخطبلك ريم انا وافقت صح ولا لا ؟؟. يعني مش انا السبب في فراقكم .. ولا انا اللي غصبت عليك تروح تتجوز جليله

نهض بحسره وألم ناظرا خلف شباك المكتب بشرود: عارف يا ماما السبب جوز خالتي الله يرحمه و يسامحه على اللي عمله فينا.. وبعدين مكنش ينفع افضل كده من غير جواز بعد ما ريم اتجوزت وسابتني! نظرات الناس ليا كانت بتقتلني .. و ما كانش قدامي ساعتها زوجه مناسبه غير جليله .. وبعدين انا كنت صريح معاها و عرفتها ان انا كنت خاطب وبحب قبلها وهي وافقت مقابل اديها احترامها

وارعاها واصونها و وماجيش علي كرامتها في يوم

ثم ابتسم بسخرية مريره: واديني اهو بقى لي 8 سنين عايش دور الزوج المخلص اخذت ايه ؟. غير وجع القلب !!..

جلست مقابل له و وضعت هياتم رجل فوق رجل متحدثه بحزم: اسمعني و بطل هبل ..و اللي أنت فيه ده مش هيجيلك منه غير وجع الراس ..انت اللي تاعب نفسك ,خلينا في شغلانه احسن إيه اخبار المستشفى الجديده ايه لو في ايه عطله خلي مراتك تكلم ابوها ولا تحب انزل اشتغل معاك ثاني ؟!. مش عاوزه في اي وقت حد ياخذ مكانا في السوق !!

نظر لها بعدم رضي لتقول هي ببرود: ايه ؟ مالك بتبصلي كده ليه مش عيب ندخل المصلحه في الشغل.. كل شيء مباح في البيزنس يا حبيبي !

تنهد بضيق ظاهر فـ هو يعلم أن والدته أصرت عليه ان يدخل كليه طب عندما علمت أن أبنت مريم الكبري سلمي ضرتها دخلت كليه طب, حقدت عليها بغيره وقتها أن ابنتها ليس افضل من ابنها ودخل رحيم الجامعه وأصبح دكتور جراحه كبير و معه الآن اكبر مجموعه مستشفيات وصيدليات ومراكز طبية بإسمه وإسم والدته !. والآن بنات مريم الاثنين التحقوا بكليه طب ...

رغم أن رحيم في البداية لم يحب الطب ودخل سبب بناءً على طلب والدته فقط لأجل حقدها من مريم زوجت زوجها الأول.. لكن لا يولمها يعرف أنها أصابت بنفس السهم الذي أصاب بـي .. وهو سهام الحب!

ليقول رحيم بهدوء: ما تخافيش كل حاجه ماشيه تمام .. بالمناسبه انا الجمعه اللي جايه هروح ازور طنط مريم واخواتي! واشوف لو عاوزين حاجه ؟!..

نهضت بغضب شديد تصيح بعنف: قلت لك بدل المره الف ما تقولش اخواتي .. العيله دي مالناش دعوه بيها تنسى انك ليك صله قرابه بيهم !وبعدين تروح لهم ليه اصلا

اقترب منها قليلا فقال بجدية: ماما اهدي لو سمحت .. انا ولا حابب اروح ليهم ولا اشوفهم.. ولا هما بيطقوني ولا انا بطقهم احنا زي الغرب عن بعض ؟؟. بس اعمل ايه دي وصيه بابا الله يرحمه وهو على فراش الموت وصاني ازورهم ان شاء الله حتى كل سنه مره بس مقطعش رجلي عنهم ممكن يحتاجوا مساعده في اي وقت ! خليني اروح اعمل الواجب ان شاء الله خمس دقائق وخلاص تمام ..عن أذنك

لم يمنحها الفرصة للإعتراض حيث قال كلماته وانصرف على الفور ليسمعها وهي تبتسم هياتم بمكر وقالت بخبث: طلعلها صح ؟؟. انا مش فاهماك بصراحه ..طالما مش بتستريح غير في حضنها يبقي تاعب نفسك ليه ؟!..

_________________________________