بلوت حياتي

هيثم: بس يا ستي وصلنا.

فريدة: شكرا يا هيثم تعبتك معي.

هيثم: لا تعب ولا شي حنا أصحاب برضو وغمزها 😉

فريدة في نفسها: "الله قال حنا صحاب معقول خلاص هيثم بدا يناظرني بنظرة ثانية غير الأخوات، خايفة أصحى وأكون في حلم جميل"

هيثم: انتي يا بنت وين رحتي؟

فريدة: هااا هنا... ايه حنا صحاب.

هيثم: أحلى صحاب.

فريدة: سلام يا هيثم.

هيثم: سلام يا فري 😉

فريدة نزلت ومبسوطة مرة، هي كذا مفكرة ان هيثم يكن لها مشاعر وصداقتهم هي البداية للحب.

أما هيثم فهو مبتسم ابتسامة خبث وقال: أما نشوف سي عُمر وش مشاعره تجاهك يا هبلة انتي.

وعُمر اللي راح بيته غير عن العادة، عُمر كان دايماً الولد اللي مقضيها سهر في الـ Nahit Club، عُمر دخل غرفته وهو في قمة الغضب. غرفة عُمر كانت غرفة غريبة وفريدة من نوعها زيه، كانت غرفته دورين، الدور اللي فوق نصه مكتبة مليانة كتب والنص الثاني فيه الجيم حقه، وتحت فيه سرير وحمام وممر وغرفة تغيير ملابس، وكانت غرفته تطل على المسبح والحديقة وفيه باب يطلع منه للحديقة، كانت غرفته مساحتها كبيرة جداً لدرجة ان عنده غرفة جلوس فيها كنبة كبيرة وأربع كراسي!!! وفيه مكتب صغير جنب باب الحديقة فوقه مكتوب جملة "I am the king of this life" (أنا ملك هذه الحياة).

عُمر كان في قمة غضبه من هيثم وتصرفاته الغريبة وطلع يفش غضبه كله في الملاكمة، هي أكثر شي يحبه. عُمر لعب ملاكمة كثير وقت الغضب، لعب كم ساعة وهو مو حاسس بالوقت، كان جواته بركان يغلي، مو متعود ان ممكن بنت هو اللي يجري وراها مو هي، وكمان قلبه حبها وهي، ومتضايق من هيثم وهو حاسس ان نية هيثم مو زينة تجاه فريدة، وعمر كان غيران على فريدة مرة، هي خلاص صارت ملكه بس هو ما يقدر يجبرها على حبه.

شهد دخلت غرفة عُمر وقالت: انا سمعت ان أخوي في البيت وما صدقت قلت أجيب قهوة وأسهر معه للصبح.

شهد: انت يا زفت انت وين تعال هنا.

عُمر طالع لشهد من فوق: زفت يا بنت احترمي نفسك هو انا الكبير ولا انتي؟

شهد: بسم الله الرحمن الرحيم استر من عندك يارب.

عُمر: شفتي عفريت؟

شهد: لا انت تلعب ملاكمة ليه مين مزعلك... عُمر على فكرة انا ممكن أجي في وقت ثاني بس والله لا تفش عصبيتك فيني.

عُمر: استني يا زفتة.

شهد: حاضر.

عُمر نزل لشهد بس هي كانت خايفة منه مرة وهو نازل كذا بعد الملاكمة، عُمر يقرب منها بس هي ترجع ورا.

عُمر حضنها: مالك يا شهد؟

شهد وهي في حضنه: انت كويس يا عُمر؟

عُمر: ايه كويس مالك خايفة؟

شهد: خفت تكون معصب وتفش عصبيتك فيني انت وانت معصب محد يقدر يسيطر عليك.

عُمر: للدرجة ذي انا شين وانا عصبي؟

شهد: اذا تبغى الصدق ايه والغريبة بقى ان انت بالنسبة للناس هادي وكيوت وكل شي وتحب المزح بس اللي يعرف عصبيتك يخاف منك وانت هادي وانت عصبي كمان.

عُمر: يااااه طيب ما نشرب القهوة سوا.

شهد: يلا يا قلبي.

وقعدوا سوا شوي.

عُمر: شهد هو انا ممكن أسألك سؤال؟!!

شهد: اسأل يا عُمر.

عُمر: انتي لسا تحبينه؟

شهد ناظرته بصدمة: هو مين؟!!!!

عُمر: يوسف يا شهد.

شهد بعدت نظرها عن عُمر بحزن: ايش اللي ذكرك يا عُمر ضميرك صحي ولا ايه؟

عُمر: لسا زعلانة مني؟ يوسف كان يستاهل.

شهد: لا ما كان يستاهل وطول ما الكلب اللي اسمه هيثم ذا جنبك بتظل عيونك بعيد عن الحقيقة وانا منتظرة اليوم اللي بشوفك فيه ندمان على اللي سويته.

عُمر: هو انا بجد ظلمت يوسف؟

شهد: بيجي اليوم اللي بتعرف فيه انت ظلمته ولا لا بس لازم هيثم ما يكون جنبك.

عُمر: هيثم صديق كويس ومخلص يا شهد.

شهد: ههههه صديق كويس؟ الأصحاب الكويسة يا عُمر تعودك على الـ night club والأشياء الشينة ذي؟ من يوم ما مشيت مع هيثم وانت تغيرت... بس بتندم في يوم يا عُمر... بفضل جنبك يا عُمر لين ما تعرف انك كنت غلط.

عُمر: يعني انتي لسا تحبين يوسف بالرغم من انه بعيد عنك؟!!

شهد: كنت مفكرة ان مقولة البعيد عن العين بعيد عن القلب لكن لا، كل لحظة يوسف بعد فيها عني انا حبيته أكثر وبفضل أحبه وبيظل قلبي يوجعني لين ما أطمن عليه وأشوفه... أدعي ربي انك تعرف الحقيقة قريب... سلام.

عمر حط ايديه الثنتين على راسه: انا بديت أشك اني ظلمتك يا يوسف وهيثم ضحك علي، يارب وين الحقيقة؟

فريدة في غرفتها مبسوطة وتطالع السقف وبدأت ترسم أحلام وردية لحياتها مع هيثم وهي تفكر هو ممكن فعلاً يكون لسا يحبها، فريدة نامت بسعادة.

*في الصباح*

فاطمة: يلااا يا فريدة بتتأخرين.

فريدة نايمة وهي في أحلامها الوردية: خليني أنام خمس دقايق بس أكمل الحلم.

فاطمة: حلم ايش يا آخرة صبري انتي؟

فريدة: قفلي النور واطلعي برا يا ماما.

فاطمة: حاضر ياختي وخليك تنطردين انتي الحرة الساعة صارت 8:00 ودوامك 9:00.

فريدة انتفضت من مكانها: ايش 8:00 يا لهوووي يا ماما بتأخر ذا المواصلات لحالها كفاية.

وفريدة لبست وخلصت كانت الساعة 8:40.

فريدة: نهاري أسود بتأخر على ثاني يوم دوام ليه يا ماما ما تصحيني بدري؟

فاطمة: أصوت وألم علي الناس ويقولون انجنيت.. يا بنتي أصحي فيك من ساعة وكل شوي 5 دقايق كمان جننتيني.

فريدة: بمشي من غير ما أفطر وكله بسببك يا بطة... وعندنا مديرة رخمة مافيه شي اسمه أكل في الشغل أبقي تعالي خذيني من المستشفى بقى يا بطة.

فاطمة: مليت من لمك من المستشفيات.

فريدة: شوف لسا ترغي معي بتأخر يا عالم.

وطلعت فريدة من بيتها وهي متوترة مرة قطع طريقها...

*عُمر.*

عُمر كان متعمد يمر من قدام بيتها عشان تركب معه ويوصلها، لسا مو متحمل فكرة انها ركبت مع هيثم وهو لا.

عُمر: متأخرة ليه يا بلوة حياتي؟

فريدة: انت تطلع من وين كل مرة يا بلوة حياتي انت؟

عُمر: انه القدر يا عزيزتي يجمعنا معاً.

فريدة: يا خفة دمك على الصبح.

عُمر: اركبي أوصلك...

فريدة: لا باخذ مواصلات.

عُمر: على راحتك مع الزحمة يا باشا يبقى مبروك عليك الطرد سلام.

فريدة: خلاص استنى بركب.

عُمر: هههه طب اركبي بسرعة لا أمشي.

فريدة ركبت: امشي بسرعة لا أنطرد من ثاني يوم.

عُمر: ماشي راحت عليك نومة؟

فريدة: ايه راحت علي نومة 🥺 وما أفطرت عااااا.

عُمر: مين الغريب اللي يفطر على الصبح ذا؟

فريدة: انا لو ما أفطرت أتعب وآخرتي المستشفى.

عُمر: ايه فاكر.

فريدة: وش تقول؟

عُمر: ولا شي قربنا نوصل ما راح تتأخرين.

فريدة: أوك.

وعُمر وصل فريدة وهي راحت دوامها وبعد أقل من نص ساعة وصل لمكتبها كيس.

فريدة: ايش ذا؟

العامل: ذا مرسول لحضرتك.

فريدة: تمام وبعد ما مشى يا ترى من مين؟

بعد ثواني وصلت لها رسالة من رقم غريب فتحتها

"افتحي الكيس فيه فطور افطري عشان لا تتعبين وفيه بيبسي وشوكولاتة ما أدري تحبينهم ولا لا بس جبتهم وخلاص، عُمر"

فريدة ابتسمت بعد القراءة، بعد ما فتحت الكيس ردت:

"لا يا باشا ينخاف منك برجر مرة وحدة؟ أكلتي المفضلة وأعشق الشوكولاتة مرة بس البيبسي ماشي حاله ما أحب المشروبات الغازية بس يلا بشربها برضو وشكراً لك يا عُمر بجد"

عمر رد: "طيب سجلي الرقم بقى"

فريدة: "ايه صحيح عرفت رقمي من وين؟"

عُمر: "بلا فخر ذي حاجة سهلة بقولك في الوقت المناسب"

فريدة: "هههه ماشي"

عُمر: "طب افطري بقى لا زينب تمسكك"

فريدة: "معك حق سلام لا ذي حرمة شريرة"

عُمر: "ههههه" وفي نفسه: شريرة؟ أبغى أشوف شكلك لما تعرفين انها أمي 😂🤭

هيثم دخل مكتب عُمر: الجميل يفكر في مين عشان يضحك الضحكة اللي من القلب ذي؟

عُمر بنظرة غضب: ممكن أفهم ايش اللي انت قلته عني لفريدة ذا وكمان اللي سويته امس ذا؟

هيثم بطيبة مزيفة: سويت ايش يا عُمر؟ كنت أنصحها نصيحة من أخ خايف على أخته أكيد انت بتسوي كذا لو صار مع شهد كذا.

عُمر: بس كيف تقولها كلام زي ذا انت غبي يا هيثم ثم انت تتكلم معي عنها بطريقة شينة وتقولها انك معتبرها أختك فيه أحد يناظر أخته بالطريقة ذي؟

هيثم: مالك يا برو انا غلطان اللي أشاركك كل كبيرة وصغيرة انا آسف يا برو.

عُمر: خلاص يا هيثم بس حسّن من نفسك اتفضل اطلع بقى.

هيثم طلع: جا اليوم اللي بنتقم فيه منك يا عُمر ان ما حرقت قلبك ما يكون اسمي هيثم.

وعدى أسبوع وهيثم بدا يقرب من فريدة وهي مبسوطة من كذا ومحاولات عمر من التقرب منها ما تنفع، هي عقلها متعلق بهيثم اللي صار يقرب منها ويوهمها بحبه وبدأ يكلمها شات ومكالمات لين ما كلمها في يوم وقال:

هيثم: فريدة انا أحبك وأبغى أتزوجك.

فريدة: بجد يا هيثم؟