بارت2

رفعت ميرال رأسها ببطء وهي بتقول بتوتر:

ميرال: "أنا... أنا آسفة، والله ما كنت واخدة بالي."

نزل آدم بعينيه على الكتب اللي وقعت على الأرض، وانحنى جمعها بهدوء، وبعدها ناولها ليها.

آدم: "المرة الجاية ابقي بصي قدامك وإنتِ ماشية."

أخذت الكتب بسرعة وهي محرجة.

ميرال: "حاضر... شكرًا."

هز رأسه بهدوء ومشي من غير ما يقول كلمة تانية.

فضلت ميرال واقفة مكانها ثواني وهي بتبص في أثره.

ليان قربت منها وهي كاتمة ضحكتها: "قولتلك... ده المعيد آدم."

ميرال نفخت بضيق: "إيه البرود ده؟! حتى ما قالش ولا كلمة عدلة."

ضحكت ليان: "أهو ده طبعه... جاد جدًا، ومبيحبش الهزار."

رفعت ميرال كتفها وقالت: "وأنا مالي بيه أصلًا؟"

---

بعد دقائق...

دخلت البنتين المدرج، وكان الطلبة قاعدين في أماكنهم.

ميرال همست: "الصف الأخير فاضي... يلا."

أول ما قعدوا...

دخل آدم المدرج.

سكت المكان كله في ثانية.

وقف قدام الطلبة وقال بصوت هادئ لكن فيه هيبة:

"صباح الخير."

رد الطلبة: "صباح النور."

بدأ يشرح، وكانت طريقته واضحة جدًا، لكن أي حد يتكلم كان يبصله نظرة تخليه يسكت فورًا.

بعد نص ساعة...

ميرال همست لليان: "بصي... أنا جعانة."

ليان وسعت عينيها: "اسكتي... هيسمعك."

ميرال طلعت شوكولاتة صغيرة من شنطتها وقالت: "آخر واحدة... والله."

وقبل ما تفتحها...

سمعت صوته.

آدم: "الطالبة اللي في آخر صف... وقفي."

اتجمدت ميرال في مكانها...

ورفعت رأسها ببطء...

واكتشفت إن آدم كان بيبصلها مباشرة.

وقفت ميرال مكانها وهي ماسكة الشوكولاتة، وبصت حواليها لقت الطلبة كلهم باصين عليها.

بلعت ريقها وقالت بخجل:

ميرال: "أنا... أنا يا دكتور؟"

رد آدم بهدوء:

آدم: "أيوة... حضرتك."

وقفت وهي بتحاول تخبي الشوكولاتة ورا ضهرها.

رفع آدم حاجبه وقال:

آدم: "إيه اللي في إيدك؟"

ردت بسرعة:

ميرال: "ولا حاجة."

بصلها ثانيتين، وقال:

آدم: "يعني أنا شايف غلط؟"

ضحك بعض الطلبة بصوت خافت.

بصتلهم ميرال بضيق وقالت في نفسها: "الله يسامحكم."

مدت إيدها بالشوكولاتة وهي مكسوفة.

ميرال: "دي شوكولاتة... أصل أنا جعانة."

عمّ الهدوء المدرج كله.

حتى ليان حطت إيدها على وشها وقالت: "يا نهار أبيض..."

أما آدم، ففضل باصصلها لحظات، وبعدها قال:

آدم: "المحاضرة ساعة ونص... تقدري تستني لما تخلص."

هزت رأسها بسرعة.

ميرال: "حاضر."

رجعت قعدت وهي بتهمس لليان:

"فضحت نفسي."

كتمت ليان ضحكتها وقالت:

"أنا قولتلك بلاش."

بعد انتهاء المحاضرة...

خرج الطلبة من المدرج، وكانت ميرال ماشية وهي بتتكلم مع ليان.

ميرال: "والله أنا مش فاهمة... هو زعلان من الشوكولاتة ولا مني؟"

ليان ضحكت:

"أنتِ أول طالبة أشوفها تتقفش وهي هتاكل شوكولاتة."

فجأة...

سمعوا صوت من وراهم.

"آنسة ميرال."

وقفت مكانها، ولفت ببطء...

ولقت آدم واقف قدامها.

قلبها دق بسرعة وهي بتقول:

"أفندم يا دكتور؟"

بصلها بهدوء، وقال:

"محتاج أتكلم معاكِ دقيقة."

اتوترت ميرال، وبصت لليان اللي كانت فاتحة بوقها من الصدمة.

~~~~~~~~~~~~~~~~~~~~~~~~~~~~~~~~

يا ترى آدم عايز منها إيه؟ وهل هيعاقبها... ولا في سبب تاني؟ 🤍

~~~~~~~~~~~~~~~~~~~~~~~~~~~~~~~~~~

بقلمي /Mirna El Sayed

احذر عدوك مرة وصديقك ألف مرة فإن انقلب الصديق فهو أعلم بالمضرةأحضر الناس جوابا من إنْ آلْآبْتْسْآمْةْ لْآ تْڪْلْفْ شْيْئْآً، وْلْڪْنْﮬ̲̣̐آ تْعْنْيْ آلْڪْثْيْرْبكَ، أجدُ السلامَ والراحةَ التي أبحثُ عنها.فمن انت ڪي تقف حياتي من بعدك آصَنّعَ خِيْرَآً فْيْ ﻛَلَ مـَﻛَآنّ فْلَآ تْعَلَمـَ مـَتْﯽ سُيْرَدِ آلَيْﻛَ ﮩڐآ آلَخِيْرَ.فُعَـلَتُ بّـيّ كَلَ هِذٌآ وُآنٌتُ تُحًـبّـنٌيّ فُمِـآذٌآ .. ؟؟ لَوُ كَنٌتُ تُكَرَهِنٌيّ.جڒٍء مْنْ أمْنْيُآتْيُ .. أنْ يُڪوُنْ ڪلُ مْنْ أحبُﮩمْ ڊآئمْآ بُځيُر