الفصل ٧

الفصل السابع

— مرة تقول أسماء، ومرة عم إبراهيم.. انت سخن ولا بتخرف؟ وسع خليني أخرج وأعرف إيه اللي جرى لي.

قبل ما تطلع، حست بدوار قوي وكادت تقع.. وفجأة ظهر فهد، مسكها بسرعة وحطها على السرير وقال:

— ليه قومتِ؟ انتِ لسه تعبانة.

بصت له ملك، لمحت ملامحه، ومسحت عينيها وقالت:

— انت.. السيد اللي كان هناك صح؟ ولا أنا بحلم؟

ابتسم فهد:

— آه أنا.. نسيتي وعدي لك؟

ضحكت وهي بتتأمله، وبعدين كشرت فجأة وسألته بخوف:

— يعني هشغل خادمة عندك زي ما اتفقنا.. بس.. انت عملت معايا حاجة وأنا نايمة؟

 

عند فهمي وليلي

كان فهمي بيقول لها:

— انتِ كذبتِ الكذبة الكبيرة.. ومكنتش أعرف إن كل حاجة مسجلة باسم أبو ملك، ومن بعده باسمها هي.

قامت ليلي وهي غضبانة، لبست هدومها بسرعة وقالت:

— السبب إنك غبي! قلت لك تخليها تمضي على ورق على بياض، وانت روحت بعتها وقبضت الفلوس..

اتعجب فهمي وسألها:

— رايحة فين؟ مش جوزك مسافر..

ردت وهي بتلحق نفسها:

— أيوة.. من يوم ما سابت البلد، وهو هيتجنن عليها.. مش مصدق إنها هربت، وبلغ عن اختفاءها وله سنه كامل وهو بيدور عليها.

صرخ فهمي:

— نعم؟ وانتِ سبتِ الحال كده؟ لازم أروح أجيبها النهاردة.. بعد سنه أكيد هتكون اتكسرت ومش هتجرأ تفتح بوقها.

سألته ليلي:

— ليه؟ ترميها في داهية؟ يلا سلام.. الساعة ٦ الصبح، لازم أرجع قبل ما حد يحس بغيابي.

رمت قبلة في الهواء وكأنها تودعه، ورجعت البيت فعلاً. ولما وصلت، لقت بنتها واقفة عند الباب بتسألها بقلق:

— كنتي فين؟ بابا جه وسأل عليكي كتير.

تغير لون وشها شوية، بس دخلت بكل ثقة ودلع، وقربت من أبو هبه وقالت:

— حمد الله على السلامة يا راجل! كنت فاكرة إنك نسيت إن ليك بيت وأهل.

نظر لها بتركيز وسألها:

— كنتي فين من بدري من الفجر؟

سحبت إيده ودخلته الغرفة معاها، وقالت:

— تعالى بس أقولك على كل حاجة.

— قولي لي أولًا: كنتي فين؟ — رد عليها بإصرار.

طلعت من جيب عباءتها زجاجة عطر ومشروب، وضحكت:

— تاتا تاه! كنت حاسة إنك جاي قريب، ولأنك وحشتني قوي، رحت عند «فتحي» جارتنا — جوزها راجع من السفر وجاب لي الزجاجة دي — قالت لي: «هترجعك زي الشباب، وهشغلك موسيقى ونرقص سوا». اشتقت لك قوي، وأنا كمان وحشني أيامنا الحلوة.

ابتسم لها:

— وأنا كمان وحشتني يا ليلى. أروح أجيب كاسات نشرب منها؟

— لا عندي طريقة أحلى وأمتع — همست له، وخلعت ملابسها ونامت على بطنها — رش المشروب على ضهري، وامسح عليه بإيدك، وشوف هتكون المتعة إزاي.

ما قدرش يصبر، وعمل زي ما قالت له، واستمر بينهم الحال كده لوقت طويل...

 

عند فهمي

كان ماشي في الطريق لبيت اعتماد، وعقله كله في إزاي يخليها توقع على الورقة. وهو بيتذكر المرة اللي فاتت: لما رفضت، أجبرتها اعتماد تشرب مشروب خلّاها تعب وتغيب عن الوعي. قال لنفسه:

— المرة دي مش هتنازل أبدًا عن توقيعها! عملت كل ده عشان كل حاجة تبقى لي — صحيح استمتعت بمرات عمها شوية، بس خلاص راحت عليها. المحامي قالي إنها لو معاها بطاقة شخصية وتعرف تقرأ وتكتب، تقدر تعمل توكيل، فأخده وأبيع كل حاجة وأقبض الفلوس، وأسافر بعيد ومحدش يلاقيني.

وصل لبيت اعتماد، وفجأة لقى الدور كله مولع بالنار، والناس بتجري هنا وهناك. أول ما حاول يقرب، مسكوه رجال الشرطة وقبضوا عليه فورًا.

 

سألته ملك وهي تنظر إليه وتكشر:

— أوعى تكون عملت فيا حاجة.. أقسم بالله العظيم ما يكفينى عمرك.

ابتسم فهد، أمسك يدها وغمز بعينه:

— أعمل إيه يا مصيبة؟ انتِ اللي جيتي من بلدك بهالحال، والدكتور قال إنك شربتي حاجة سخنتك وتعبتك.

كانت ملك على وشك أن تفضحه وقالت:

— بلد إيه.. آه تقصد بلدي.. بس أنت اللي خليتني..

وقبل ما تكمل كلامها، جاءت أسماء واقتربت منها وحضنتها:

— حبيبتي ملك.. انتِ كويسة؟ آسفة إني تأخرت عليكِ.

نظرت لها ملك بتساؤل:

— وانتِ مين؟ وعرفتي اسمي إزاي؟ أنا ما كنتش عارفة حد..

ضغط فهد على يدها بقوة عشان تسكت، فصرخت:

— إيه.. إيدك بتوجعني.. هو انت ماسك إيد بهيمة؟

ضحك فهد وفكر في نفسه: لازم أهديها بطريقة غير مباشرة قبل ما تتكلم قدام فارس. وكلم أسماء بطريقة تلميح:

— واضح يا أسماء إن بنت خالتك لسانها طويل زيك، ومش بتعرف غير الرغي وبس.. شايف إن نرجعها مكان ما جات يكون أحسن.

شهقت ملك بخوف وقالت:

— لا.. مش عايزة أرجع.. أنا شاطرة على فكرة، وأعرف أعملك أكل عمرك ما دقت زيه.

وقف فهد قدامها بجدية:

— انتِ لسان وبس.. ومن يوم ما جيتي ما شفتش منك حاجة. لو عايزاني أصدقك، روحي حضري الفطار مع أسماء.. ولو الدكتور فارس عجبه الأكل، وقتها نقرر تقعدي أو تمشي.

قامت ملك من على السرير بسرعة:

— هتشوف.. يلا يا أسماء، وريني المطبخ فين بدل ما أخليهم يقلبوا على أمي.

وقبل ما تخرج، وقفها فارس وكلم فهد:

— إيه يا عم.. خلي عندك رحمة! البنت لسه فوقت من الإغماء، وتخليها تروح المطبخ على طول؟ كده صعب..

ثم التفت إليها وقال:

— ارتاحي انتِ شوية.

اقتربت ملك منه، وظن إنه هتشكره، لكنها فاجأته بسؤال:

— هو انت بتتكلم عني أنا ولا عن حد تاني؟

ابتسم فارس بزهو، وهو فاكر إنه عمل معروف:

— طبعاً انتِ.. مش انتِ اللي كنت تعبانة؟

سألته مرة تانية بتركيز:

— يعني انت قلت لي «بت» صح؟ ولا أنا بتخيل؟

استغرب فارس السؤال ورد:

— آه.. كان قلبي عليكِ، مش عايزك تقومي وانتِ تعبانة.

شهقت ملك وقالت:

— «بت».. لما تقول «بت»؟ انت متأكد إنك دكتور؟ في دكتور يقول لمريضته «يا بت»؟ وسع الطريق يا أخ انت!

اتصدم فارس وقال:

— آه.. يا مجنونة.. والله العظيم فهد عنده حق فيكِ.

طلعت له لسانها:

— جن ييجنك ويطلع عليك وانت نايم..

ومسكت يد أسماء وقالت:

— يلا يا ست.. اسمك إيه؟ نعمل الفطار ونثبت للباشا الوسيم إني شاطرة.

كان فهد بيموت من الضحك، وكتم نفسه بصعوبة، وبعدين سأل فارس بصوت عالي شوية:

— هي مين البت دي؟

سمعت ملك صوته من بعيد وردت عليه:

— اسمعك كويس يا أخ انت.. إياك تقول «بت» تاني، مفهوم؟ وإلا ما هتفطرش!

اتجنن فارس وطلع يجري وراها، وفهد ما زال يضحك. وقف فارس قدامها وقال:

— مين اللي مش هتفطر؟ انت فاكرة نفسك إيه؟ مجرد خادمة.. ومش عشان قلب فهد أبيض تروحي تقللي أدبك كده.

اقتربت منه ملك وسألت بجدية:

— انت بتتكلم بجد؟ والكلام ده كله لي أنا صح؟ ولا سمعي تقيل؟

نظر لها فارس وما عرفش يرد، وضحك وقال:

— لا.. سمعك مية في المية.. وواضح إنك لسانك طويل ومش بتعرفي تعملي حاجة غير الكلام.. رجعيها مكان ما جات يا أسماء.

نزلت دموع ملك من الخوف وقالت:

— أرجوك لا.. عشان خاطري.. أنا بهزار والله يا باشا.. قول «بت عفريت أزرق» على عين اللي جابني، وهخليك تاكل وتشبع.. متزعلش مني.

اقتربت من فهد اللي كان واقف يتفرج، ولما شاف دموعها، احتار في أمره وقال في نفسه: مجرد كلام هزار من فارس وخافت.. ترى إيه حكايتك يا ملك؟

قالت له وهي قريبة منه:

— انت بتحب تفطر إيه؟ أنا بخدم نفسي من زمان وشاطرة.. ومش مشكلة أكون خادمة، بس.. أوعى..

قاطعها فهد — عارف إنها عملت المستحيل عشان تحافظ على شرفها وخايف ترجع تضيع — وربط على كتفها وقال:

— اعملي اللي تعرفيه يا ملك.. بس بسرعة، كفاية رغي.. احنا هنموت من الجوع.

مسحت دموعها وقالت:

— عيوني.. بس بلاش تقول كلمة «الموت» دي.. أرجوك.

دخلت مع أسماء المطبخ، وسألتها وهي بتجري ناحية الثلاجة بحماس:

— عندك إيه نعمل؟

وقفت أسماء وقالت:

— قبل ما تبدأي، لازم أبلغك بتعليمات الباشا فهد.

سألتها ملك:

— مين الباشا فهد؟

نظرت لها أسماء بغيظ، بس فرحت في نفسها إنها مش عارفة اسمه — يعني مش جاية وراه زي غيرها من البنات — وردت:

— انتِ مش عارفة اسم الشخص اللي هتخدميه؟ دي مشكلة كبيرة.

ركزت ملك شوية وقالت:

— تقصد الباشا الوسيم.. تمام، احكي.. أنا سامعة لكِ.

بدأت أسماء توضح الشروط:

— أولًا: متقوليش لحد جاية من فين ولا إيه اللي حصل معاكِ، وخصوصًا قدام الدكتور فارس.

— تانيًا: متعترضيش على أي كلمة يقولها.. ولو اتعصب أو زعل، قولي «حاضر» وبس.