الفصل ٦

بصله فهد بغضب عشان يغير الموضوع، وقام واشاور على نفسه:

— بص عليا كويس.. ده شكل حد بيحب؟ ولا حد يعيش قصة حب؟ مفيش بنت تستاهل إن الواحد يحبها.. ولا تنفع تكون للحب. البنات ثلاثة أنواع: نوع رخيص بتبيع نفسها عشان الفلوس، ونوع خاينة تكون معاك ومع غيرك، ونوع بتلعب دور الشرف لحد ما تتجوزها وبعدين تبان على حقيقتها.. اشرب يا عم النكد وخلينا في حالنا.

ضحك فارس على كلامه ورد:

— أولًا: انت شاب وسيم، والف بنت تتمناك.. بس أكيد قبل كده، وخلّوك تكره الفكرة كلها. وتانيًا: شغلك خلاك تتعامل مع النوعيات دي ففكرت إن الكل زيهم.. بس نسيت نوعين تانيين: البنت البريئة اللي مهما رماها الزمن في الوحل تفضل نظيفة، والزوجة اللي بتعشق جوزها وبتخاف على بيتها.. والنوعين دول كتير يا فهد، بس انت اللي مش شايفهم.

في بيت اعتماد..

وقفت هدير عند الباب وصرخت فيهم عشان يسكتوا الكل:

— مفيش حد يطلع برة! انتوا مجانين ولا إيه؟ هتروحوا فين؟ هتناموا فين؟ هتعيشوا إزاي؟ أنا عارفة إن كل واحدة فيكم كانت ضحية.. جت هنا لأن واحد حبها وغدر بيها وهرب، أو صدقت إن الدنيا حلوة وشغلت في برامج تافهة عشان تكسب فلوس، لحد ما اتفتح الطريق واتقفلت وراها الأبواب.. وكل واحدة منا وصلت هنا بعد تهديد وضرب، وبقينا تحت رحمتهم.

سكتت شوية وكملت بثقة:

— بس النهاردة الحال اتغير.. احنا اللي ناخد حقنا، ومش هنسيبهم ياخدوا تعبنا ببلاش. وكمان.. ورا اعتماد ناس قوية، وعندهم كل حاجة عنا من يوم ما اتولدنا لحد ما جينا هنا.. فالصح نفكر بعقل.

ونادت على واحدة منهم:

— يا سالي.. هاتي اللابتوب بتاع اعتماد، ابعتي رسالة مستعجل للي يهمه الأمر: «ماتت اعتماد، واحنا مش عارفين نعمل إيه».

وقف قدامها مهاب وزعق:

— عايزة تبيعيني يا هدير وتخلصي مني؟

ضحكت هدير وردت بذكاء:

— أبيعك إيه يا عبيط؟ هما لو جوا، مش هيعرفوا مين اللي قتلها.. الكل هيشك في الشاب اللي جه وأخذ نغم، خصوصاً إن الكاميرات كانت مسجلاه وهو بيهددها. وحتى لو جابوا سيرة، انت مش هتكون أول واحد في بالهم.. هم اللي بيديروا كل حاجة من وراها.

وبصت لسالي تاني:

— مستنية إيه؟ ابعتي الرسالة.. يجوا، ونحط احنا الشروط دي المرة.

سألها شاب بخوف:

— ولو اتأخروا علينا نعمل إيه؟

خادمة الفهد

الحلقة الخامسة

الكاتبة: صفاء حسنى

تنهدت ليلي وابتسمت بكل وقاحة وقالت:

— هي أصلاً ما مسكتنيش يا فهمي.. يوم ما اتهمتها إن شباب بيدخلوا عندها، استغربت إنها ما كدبتنيش زي عادتها، وجريت على شقتها ساكتة.. كنت فاكرة إنها هتشتم وتغلط، لكن لا، سابتني أفرح بالأمان، وبعدين جت في الوقت اللي أنا مستريحة فيه.

سكتت شوية وكملت بضحكة خبيثة:

— يوم ما كنت داخلة لعندك، وهي خارجة وقفتني، وقالت بصوت عالي يسمع كل الجيران: «ليلتك سعيدة يا مرات عمي.. يا محترمة يا بنت الأصول.. يلا بتصوني العشرة وتصوني عرض اليتيم».

شهقت ليلي لما افتكرت الموقف، وحاولت تغير الحديث:

— انتِ يا بت.. مش المفروض تكوني في شغلك؟ ولا عايزة تضيعي الطريق؟ امشي من هنا!

ضحكت ملك وردت بكل هدوء:

— والله بجحتك.. ما رديتش على حد، وفهمتي الكل إني أنا اللي بجيب الشباب لشقتي.. واستغليتي سذاجة بنتك عشان تشهد عليا. ولما حاولت أتكلم، منعتني.. بس ربنا كبير. صورتك معاه وأنتِ في حضنه، وصورك وأنتِ داخلة عليه.. مش بس صور، ده فيديو كمان! وصدقيني، مش محتاجة أعرف ليه بتعملي كده.. بس ورحمة أمي اللي في تربتها، لو سمعت إنك جبتي سيرتي تاني.. هفضحك للكل. ولا يفرق معايا لا عمي ولا هبه.. الكل يعرف الحقيقة.

ضحكت ليلي بكل بجاحة ووشها مكشوف، وقالت:

— اعلي ما في خيرك يا ملك.. اعملي اللي تعرفيه، أنا مش بخاف. وآه، كان معي حبيبي.. وكنت عايزة أغطي عليا، لكن لو نطقتي كلمة.. مش أنا اللي هتضر، لا.. عمك هو اللي هيتخرب بيته، وسمعته تروح في الأرض، ووقتها تتلقي أنتِ وعمك وبنت عمك في الشارع.. البيت والورشة باسمي أنا. اتكلي على الله.. وريني شطارتك. وجهزي لي أكلة قوية ترم العظم، على ما أخلص شغلي وأرجع لك.. ولو عايزة أنتِ كمان، مفيش مانع.. نغطي على بعض ونكون في الجانب الآمن.

كانت ملك مصدومة.. حست إن كل اللي عملته ضاع، وإن مرت عمها ما عندها لا دين ولا ضمير وممكن تعمل أي حاجة. سابتها ومشيت، وهي ما تعرفش إن ده كان غلطة كبيرة.. وليلي مش هتسيبها في حالها بعد ما كشفت سرها.

 

في بيت اعتماد..

كان الكل بيعترضوا على كلام هدير، وكل واحد بيقترح رأي.. لحد ما صرخ شاب اسمه مراد:

— أنا عندي رأي تاني!

ردوا عليه:

— قول يا مراد.. احنا كلنا إيد واحدة.

ابتدى يقول:

— ده مش رأيي.. ده كان رأي نغم.

اتعجب الكل وسألوا:

— نغم مين؟ البت اللي كانت بتتعبنا؟

ضحك مراد:

— والله طلعت هي اللي بتفهم أكتر منكم كلكم!

قاطعه واحد بزعل:

— بلاش هبل.. مش عايزين نضيع وقت.

كمل مراد:

— فاكر يا مهاب؟ لما ربطتها اعتماد وحبستها عشان ما عجبهاش كلامها، شتمتها وعضتها..

ضحكت هدير:

— وده يوم ما يتنسى.. كانت بتقول لها: «يا بومة يا عجلة يا معفنة.. متلمسي جسمي أنا.. وحياة أمي لأربك عالنص». وعضتها جامد، لحد ما اعتماد أمرتكم تحبسوها.

قال مراد:

— وهي وقتها قالت لك يا مهاب.. تفتكر إيه؟

فلاش باك..

كانت نغم واقفة قدامه وهي مقيدة، وقالت بكل عزة نفس:

— انت فاكر نفسك راجل؟ لما تقف تتفرج وهم بيحبسوني؟ لو فيكم نخوة، كنت حطيت منوم للعجلة دي، وسرقت الصندوق اللي تحت سريرها، وقسمته بين الكل.. عشان ده حقكم وتعبكم، تفتحوا بيت أو مطعم أو شغل نظيف. لكن انتوا بتحبوا الذل.. والله العظيم ما استسلم، وهخرج من هنا.. ربنا يبعتلي اللي ينقذني، وغور من وشي!

رجعنا للحاضر..

تنهد مهاب وقال:

— عشان كده كنت عايز أهربها.. كلامها دخل قلبي، ونفسي أشوفها تاني وأقول لها: أنا راجل.. وتخلصت من البومة زي ما كانت بتقول.

سأله مراد:

— إيه رأيكم ننفذ كلامها؟ نشتري مطعم وبيت كبير، ونعيش بعيد عن كل ده..

رد مهاب بسرعة:

— بلاش كابريه.. المطعم أحسن، نعرف نرتب أمورنا فيه ونكسب عيشنا بشرف.

سألتهم هدير:

— طيب نعمل إيه دلوقتي؟ واحنا ملناش مكان نروحه غير هنا..

ابتسمت بنت اسمها وردة وقالت:

— أنا عندي الحل.. أعرف فيلا كبيرة لشاب عربي، كان بيجي ليها دايماً.. المفتاح معي، وهو من زمان مجاش. نروح عليها كلنا، وناخد الصندوق معانا.

اقترح شاب تاني:

— ونعمل حريق هنا.. نقطع السلك الكهربائي ونقرب زجاجة كحول منه.. النار تاكل كل حاجة، ومحدش يعرف إيه اللي حصل، ولا يوصلوا لينا.. وكل ذكرى سيبة هنا تروح مع الدخان.

اتفقوا الكل.. جابوا مكروباص يكفيهم، شالوا الصندوق اللي كان مليان ذهب وفلوس، وأشعلوا النار. في نص ساعة، البيت كله كان رماد، وجثة اعتماد اختفت وسط اللهب.

وصلوا للفيلا الكبيرة، كل واحد منهم نام في مكان على الأرض من التعب، واتعاهدوا إن محدش يخون التاني.. لأنهم عاشوا نفس العذاب، والبداية الجديدة لازم تكون مع بعض.

 

في بيت فهد..

هرب فهد من أسئلة فارس وقال بسرعة:

— تصبحوا على خير..

ضحك فارس:

— إهرب يا فهد.. الساعة ٦ الصبح، يلا نام وأنا كمان تعبان.

ناموا كلهم.. وعلى الساعة ١٠ الصبح، قامت ملك مفزوعة، بصت حوليها وقالت:

— فين أنا؟ هل الزفت اعتماد حبستني تاني؟

لقت نفسها لابسة بنطلون وتشيرت نظيف.. خافت تكون حد قرب منها، ومسحت جسمها بسرعة وقالت:

— لو حد عمل فيا حاجة.. السنة السودة تكون عليه!

خرجت من الباب، وفجأة قابلت فارس داخل بالعلاج.. صرخت في وشه:

— وسع الطريق! انت كمان ناقصني؟ وايه اللي جابك هنا؟.. بردو انتوا شباب حلوين، بس مش هينفع.. وسع كدة قبل ما أعمل مصيبة!

اتعجب فارس وقفها:

— انتِ إيه؟ مين اللي متنيل؟ ومين اللي جابني؟ مش انتِ بنت خالة أسماء صح؟

شهقت ملك:

— مين أسماء دي؟.. وسع يا أخينا، ابوس إيدك.. أو قولي لي هربني من هنا.. امبارح كان شاب طويل وسيم وعدني، بس واضح إنه مش قد كلمته.

فهم فارس إنها مش قريبة لعم إبراهيم زي ما قالوا، وسألها بذكاء:

— الشاب اللي وعدك.. تقصد فهد؟ وهربك من فين؟

 

تابع..