الفصل الثلاثون ...هي قتلت مين بالظبط؟... الاثنين يا أخويا

(أم أمل) لا مؤاخذة لم أخد بالي عنواني شارع المحور عمارة الزامك نمرة عشرة

(وكيل النيابة) احكي كل اللي حصل بالتفصيل الممل كلي آذان مصغية اتفضلي

(أم أمل) إمبارح كنت قاعدة اتعشى جرس الباب ضرب قامت سيدة فتحت

(محسن بيه) مين سيدة؟ بنتك

(أم أمل) لا طبعا أنا معنديش غير أمل سيدة دي الشغالة حضرتك

(محسن بيه) آه كملي

(أم أمل) فتحت وسمعت صوت أم معاذ على الباب وتطلب من سيدة اني اسمح لها بالدخول بصراحة اتخضيت لكن قولت لسيدة تخليها تتفضل

(محسن بيه) اتخضيتي ليه ممكن أفهم!

(الأستاذ رامي) تسمحلي أوضح نقطة لحضرتك

(محسن بيه) اتفضل

(الأستاذ رامي) في القضية اللي مع عادل بيه يوسف أم معاذ هي أم القتيل المتهمة بقتله أمل

(محسن بيه) مش حضرتك من شوية قلت أن أمل متهمة بقتل أخوها هل معاذ ده أخوها من أم اخرى غير هذه السيدة

(أم أمل) لا أمل ومحمد ولادي معاذ جوز أمل

( محسن بيه) موجها كلامه للسيدة نادية هو فيه أيه معاذ جوزها وهي قتلت مين بالظبط جوزها ولا أخوها

(أم أمل) الاثنين يا أخويا قتلت الاثنين

(وكيل النيابة) ينظر مستغربا للأستاذ رامي

(الاستاذ رامي) الموضوع شائك يافندم ولازم حضرتك تضم ملف القضيتين لبعض لاتضاح الرؤية وتكلم مع عادل بيه يوسف

(وكيل النيابة) نكمل التحقيق ده الوقت ولما يوصل عادل بيه يضم هو القضيتين لانه ماسكهم من البداية وأكيد هيكون ملم بيهم أكثر بس لازم أخلص التحقيق ده الوقتي حضرتك فاهم

(الأستاذ رامي) تمام يافندم

(وكيل النيابة) بس لو سمحت فهم موكلتك لا تشتت النيابة وتجاوب على قد السؤال

(الأستاذ رامي) سمعتي يا حاجة

(أم أمل) حاضر

(وكيل النيابة) وبعد ماسمحتي لأم معاذ بالدخول أيه حصل

(أم أمل) سلمت عليا وخدتني بالحضن وقعدت تتكلم وتعاتبني وتقولي ليه مبتسأليش عليا وسألت على أمل وطلبت فنجان قهوة

ندهت سيدة وطلبت منها تعمل القهوة لأم معاذ

جرس الباب ضرب

سيدة قالت افتح ياستي قلت لها افتحي لقيت أم معاذ وشها أصفر وقالت لسيدة لا بلاش متفتحيش وراحت قايمة ماسكة فيا جامد وهي خايفة وبتترعش

استغربت الموقف وقلت لسيدة افتحي نشوف مين خصوصا اللي على الباب فضل حاطط ايده على جرس الباب مش عاوز يشيلها سيدة راحت تفتح

وأم معاذ تترعش أكثر وتصفر أكثر لدرجة كان هيغمى عليها

(وكيل النيابة) وسيدة فتحت

(أم أمل) مين دلوقت بيقاطع الكلام مش حضرتك

وكيل النيابة ينظر بنفاذ صبر للأستاذ رامي

(الأستاذ رامي) كملي ياحاجة خلينا نروح

(أم أمل) فتحت الباب بس سمعتها بتزوم كده أكن حد مكتفها سألتها مالك يابت مين على الباب

ولقيت أم معاذ سبتني وجريت على جوة دخلت أوضة أمل مش عارفة ليه المهم قومت أشوف مين لقيت رجل مكتف سيدة ورجل حاطط ايده على بُوقها كنت لسه هصرخ لقيت سيدة عضت الرجل في ايده قام ضربها بالمسدس اللي في ايده الثانية ولقيت سيدة وقعت على الأرض محطتش منطق ذهلت ولم استطع الكلام

الرجل دخل وفي ايده المسدس رماني على الكنبة وقالي مسمعش لك صوت وساب الرجل الثاني معايا ودخل يدور في الشقة وجاب أم معاذ وخرج للصالة بها وقال للثاني هي دي قاله آه

لكن أم معاذ سهت الرجل اللي ماسكها من كتفها وزقته جامد وقع فوق الثاني وجريت وقعدت تصرخ والرجل ضربها بالنار وانا اغمى عليا وبس ولما فوقت لقيت أم معاذ قاعدة تعيط وتقولي منك لله أنت وبنتك أمل ولقيت الدم نازل من رجلها كثير قوي فقلت لها أحمدي ربنا انك لم تموتي وجريت جبت الفون طلبت الأستاذ رامي يلحقني بس ده كل اللي حصل

(وكيل النيابة) وأم معاذ مقلتش لك دول مين

(أم أمل) لا لأنها نزفت كثير ودخلت في غيبوبة ولما وصل الأستاذ رامي شالها الإسعاف وانتم جيتم

(وكيل النيابة)

أستاذي اعتذر دورك في التحقيق

(الأستاذ رامي) عادي يافندم حقك اتفضل

(وكيل النيابة) اسمك وسنك وعنوانك

(الأستاذ رامي) رامي عبد السلام سني خمسين سنة اسكن الدقي شارع عبد المنعم رياض

أم أمل تمصمص شفتيها وتعوج بُقها وتحدث نفسها خمسين سنة لسه صغير أومال شكلك بيدي أكثر ليه

(محسن بيه) بتقولي حاجة يا مدام

(أم أمل) هو أنا نطقت

وكيل النيابة ينظر للأستاذ رامي قائلا

أيه معلوماتك عن الجريمة

(الأستاذ رامي) السيدة نادية باعتبارها موكلتي طلبتني ولما رديت عليها لقيتها منهارة وبتعيط وتصرخ هديتها وطلبت منها تحكى ماحدث ثم طلبت منها عدم لمس اي شيء والجلوس بمكانها حتى أصل لها ثم طلبت الإسعاف لإنقاذ أم معاذ ثم طلبت قسم الشرطة التابع لسكن أم أمل وابلغت عن الحادث ثم ذهبت للوقوف بجانب موكلتي السيدة نادية

وعندما وصلت استغربت عدم وجود أي إنسان حول المكان عند سماع طلقات الرصاص وكان استنتاجي ان المسدس كاتم للصوت لذلك لم أجد مخلوق حول البيت ولم يتجمع أهل الشارع الا بعد وصول الإسعاف وسيارة الشرطة هذا ما حدث يافندم

وكيل النيابة وقع سيادتك على أقوالك

(أم أمل) وأنا مش هوقع

ينظر لها وكيل النيابة قائلا واضح خبرة سيادتك في هذه المواضيع

وقعي وخدي بطاقتك وانصرفي

(أم أمل) شكرا لحضرتك مش جاي معايا أستاذ رامي

(وكيل النيابة) انتظري الأستاذ رامي بره

(أم أمل) حاضر حضرتك

(وكيل النيابة) استاذ رامي من فضلك اعطيني ملخص للقضية السابقة لحين وصول زميلي سيادة المستشار عادل بيه يوسف

(الاستاذ رامي) حاضر يافندم وظل معه وقت كبير وأم أمل تنتظره بالخارج متأففة

وعندما خرج من عند وكيل النيابة صرخت فيه كل ده يا رامي جعلت كل من كان بالطرقة ينظر لهما مستغربا وتضايق الأستاذ رامي منها وتركها وانصرف

داخل غرفة النيابة

(محسن بيه) وصلني يا بني بالمستشفى أطمن على الست المصابة حصل لها أيه

صوت فون أرضي يرن والسكرتيرة في الغرفة الملحقة بمكتب مدير المستشفى ترد

(السكرتيرة) أيوة مين معايا

(محسن بيه) عرفها بنفسه وطلب يكلم مدير المستشفى

(السكرتيرة) حاضر يافندم ثواني أوصل سيادتك بالدكتور عمر

الو دكتور عمر سيادة وكيل النيابة محسن بيه على الخط الأرضي يا فندم

تمام دكتور ارفع السماعة حضرتك من عندك

(وكيل النيابة) يتناقش في الحالة مع مدير المستشفى طيب الحمد لله ممكن نيجي نأخد أقوالها أمتى؟

(مدير المستشفي) بكرة الصبح بإذن الله

(محسن بيه) تمام بكرة إن شاء الله بس ياريت محدش يدخل عندها الا إذا كنت واثق فيه سواء دكاترة أو تمريض مع السلامة دكتور عمر

فون وكيل النيابة يرن ويرد ألو حمد الله على السلامة سيادة المستشار عادل باشا

(عادل بيه يوسف) أنا لسه واصل من شرم الشيخ حالا إذا عندك وقت أفوت عليك نتكلم شوية قبل ما أروح

(محسن بيه) لا سيادتك تروح ترتاح وبكرة الصبح عندي ميعاد مع مدير المستشفى المحجوز فيها أم معاذ بعد محاولة قتلها النهارة

(عادل بيه يوسف) ينزعج ويرد قائلا فيه حد حاول يقتل أم معاذ لا إله الا الله محمد رسول الله دي ست مسكينة ليه كده؟ الصبح إن شاء الله هاجي معاك المستشفى بلغني اسم المستشفي والعنوان وهتروح الساعة كام ماشي طيب مع السلامة محسن بيه نتقابل هناك ويكلم نفسه ياترى هل محاولة قتل أم معاذ مرتبطة بالقبض على ابنها ولا جد في الأمور جديد؟