الفصل الثلاثون

حازم (بغضب حاد وصراخ): احترم نفسك يا جدع أنت ولم لسانك! دي بنت عمي وعرضي، وهي كلمة واحدة.. تيجي تقول الكلمتين اللي عندك وقبل ما توصل تكون مشيت برة البوابة، لو الكلام مش عاجبك استنى لبكرة وغور!

— مازن (بتهدئة ماكرة): خلاص يا عم أسف متتحمقش أوي كدا وعصابك تطق.. مسافة السكة وجايلك علطول.

أغلق مازن الهاتف، وارتسمت على وجهه ابتسامة شيطانية خبيثة، وتحرك بسيارته بسرعة جنونية نحو الفيلا.

بعد مرور حوالي ساعة.. داخل فيلا عبد الله المرشدي:

وضع حازم كوباً من العصير المثلج على الطاولة بعصبية أمام مازن وقال:

— حازم: آدي العصير اللي طلبته.. عاوز حاجة تانية؟ قولي بقا في إيه أنجز!

— مازن (وهو يتلفت حوله بريبة): مالك متنرفز ومشدود كدا ليه يا حازم؟ هدي أعصابك شوية يا راجل مش كدا!

— حازم: مازن.. أنجز وخلصني! شربت شاي، وشربت قهوة، ودلوقتي عصير، وبقالك ساعة قاعد ومقولتش كلمة واحدة مفيدة في الموضوع المهم اللي جيت عشانه!

— مازن (وهو يحاول تمطيط الوقت): ما تخلي حد من الشغالين اللي عندكوا يجيب لنا أكل بالمرة.. أمال هما بياخدوا فلوس على إيه؟

— حازم: أولاً.. مسمهمش شغالين، اسمهم مساعدين واحترم نفسك.. ثانياً، مفيش أي مخلوق هنا في الفيلا، كلهم واخدين إجازة النهاردة عشان الفرح.

— مازن: طيب آخر طلب بقا عشان ندخل في الموضوع.. اعملي ساندوتش لاني جعان جداً وميت من الجوع!

— حازم (بضيق وزفير حاد): وأنت مكلتش في بيتكم ليه قبل ما تشرفني؟ ولا في حد عاقل في الدنيا بيشرب شاي وقهوة وعصير وبعدين يقولك أنا جعان وعاوز آكل؟

— مازن: كنت ناسي والله وجعت فجأة.. يلا بقا بسرعة أعمله قبل السنيورة ما تيجي من السفر، ولا أنت عاوزها تيجي تلاقيني قاعد هنا في وشها؟

— حازم: حاضر.. بس قسماً بالله ده آخر طلب ليك النهاردة، وبعدها هطردك برة الفيلا لو طلبت حتى بق مية.. أنت فاهم؟

دخل حازم المطبخ بضيق وجهز له الطعام على عجالة، ثم عاد ووضعه أمامه بعنف قائلاً:

— حازم: خد اطفح وخلصني!

— مازن: مش عارف أنت متعصب عليا ليه كدا.. ده أنا حتى ضيفك وفي بيتك يعني!

— حازم: تقيل والله.. ضيف تقيل ورزل بشكل مش طبيعي، اخلص وكل بقا!

تحرك مازن بخبث، وأخرج حبة دواء صغيرة مطحونة بدقة من جيبه دون أن يلاحظ حازم، ووضعها بمهارة في كوب العصير الخاص بحازم وهزه، ثم دفعه نحوه قائلاً بمكر:

— مازن: طب خد اشرب العصير ده وروق أعصابك شوية.. أنا مبحبش عصير المانجا ده بصراحة ومش قادر أكمله.

— حازم (بقلة صبر): أنت حر.. هشربه أنا عشان أخلص من قرفك.

تناول حازم الكوب وشربه دفعة واحدة لينهي النقاش، وجلس مازن يتحدث ويتحدث في مواضيع تافهة ومشتتة ليمدد الوقت، وخلال دقائق معدودة، بدأ حازم يشعر بثقل شديد في جفنيه، وغلبه النعاس المفاجئ والدوخة الصاعقة التي شلت تركيزه.

— حازم (بثقل وتلعثم): طيب.. يلا.. مش أكلت؟ يلا امشي بقا أنا مش فايقلك خالص.. ومش قادر أفتح عيني.. نتكلم بعدين الوقت اتأخر...

— مازن (وهو يقف بملامح شيطانية باردة): ارتاح أنت يا حازم ونام.. ارتاح خالص وأنا هخلص مشواري وأمشي علطول.. بس قولي صحيح، هو الحمام فين هنا؟

— حازم (بنعاس شديد وهو يغلق عينيه ويسقط على الكنبة): ده لسه.. لسه هيروح الحمام.. اللهم طولك يا روح...

سقط حازم في نوم عميق يشبه الغيبوبة المؤقتة بفعل المخدر القوي الذي وضعه له مازن.

خارج بوابة الفيلا..

وقفت سيارة حسام، والتفت إلى عاليا بابتسامة:

— حسام: طيب.. انزلي ادخلي يلا، وأنا هستناكي هنا بالسيارة تحت لحد ما تطلعي غرفتك وتنوري النور وتشاوريلي من البلكونة زي الأفلام القديمة عشان أطمن إنك جوة وبخير.

— عاليا (بضحكة ناعمة): ههههه خايفة من فرط التعب والجهد إني أنسى ومأشاورش وأدخل أنام علطول، زي فيلم ظرف طارق كدا وحوار أحمد حلمي!

— حسام (بقهقهة): هههههه ندلة وتعمليها وتسبيني واقف في البرد! يلا اطلعي بسرعة وبلاش كسل.

ودعته ودلفت من الباب الحديدي، وفتحت باب الفيلا الرئيسي بمفتاحها لتجده موارباً، فاستغربت قليلاً. دخلت لتجد الصالة هادئة جداً وحازم نائماً بعمق على الكنبة وبجواره بقايا طعام وعصير.

— عاليا (في نفسها بشفقة): يا عيني.. أكل ونام مكانه! هو ده بقا اللي حازم مستنيني وصاحي عشان متخافيش؟ ده نايم في سابع نومة وسايب باب الفيلا مفتوح للغريب والقريب! حسبي الله ونعم الوكيل.

أغلقت باب الفيلا خلفها جيداً بهدوء، وصعدت درجات السلم نحو غرفتها بالأعلى وهي تجر حقيبتها مجهدة، فتحت باب غرفتها ودخلت، انارت الاضواء وهمت لتغلقه خلفها.. لتفاجأ بظلام الغرفة الدامس ويد خشنة قوية تدفع الباب بعنف خارق من الداخل!

صعقت عاليا، وانطلقت من حنجرتها صرخة مدوية رعباً هزت أرجاء الفيلا، تلاها صرخات متتالية ومقاومة مستميتة وجلبة وصوت تكسير وعنف شديد في الداخل!

كان حسام يقف في الحديقة الخارجية ينتظر إشارة النور، فجأة شق سكون الليل صوت صراخ عاليا المرعب! انتفض قلبه وصرخ باسمها: "عالياااا!"، ولم يأتيه أي رد سوى صوت ارتطام قوي.

اندفع نحو باب الفيلا الرئيسي وظل يدفعه بكل قوته وكتفه مرات ومرات، لكن الباب كان قد أُغلق بإحكام من الداخل بواسطة عاليا.

لم يضع حسام ثانية واحدة، وتوجه بسرعة الصاروخ نحو مواسير الصرف والشرفات الجانبية، وبدأ يتسلق بمهارة وجنون يدفعه الخوف على حبيبته، إلى أن نجح في الوصول لشرفة غرفتها، ودفع الزجاج بقدمه ودخل فورا.. ليسقط قلبه في قدميه من بشاعة المنظر!

كانت عاليا ملقاة على الأرض غارقة في دمائها، وبعض ثيابها ممزقة نتيجة المقاومة الشرسة، وبجوار رأسها بركة دماء تتزايد بكثافة، وأثار مزهرية كريستال ضخمة مهشمة ومنثورة حولها. اقترب منها حسام وهو في حالة صدمة شلت عقله، جثا على ركبتيه ودموعه تنهمر كالأمطار، ورفع رأسها برفق وهو يصرخ بصوت مبحوح: "عاليا! ردي عليا يا عمري!"عاليااا.. وفجأة، فُتح باب الغرفة ودخل حازم يتطوح ويترنح يميناً ويساراً كالسكران، ونظر إليهما بعينين غائبتين تماماً وعلامات الدهشة وعدم الاستيعاب تكسو ملامحه من أثر المخدر!

نظر حازم إلى حسام وإلى الدماء، واخيراً نطق بصعوبة بالغة وثقل في لسانه:

— حازم: أنت.. أنت عملت إيه فيها؟!

نظر إليه حسام من وسط دموعه وصدمته، ويحاول استجماع أعصابه المنهارة وصاح بصراخ:

— حسام: أنا؟! أنا لسه داخل من البلكونة حالا ومعملتش حاجة! الاسعاف.. المستشفى بسرعة يا حازم البنت بتموت!

التقط حسام هاتفه بمرارة واتصل بالإسعاف، بينما اتصل حازم بالشرطة بتركيز مشتت. وخلال دقائق معدودة، عادت العائلة فجأة من الفرح بعد أن شعروا بالقلق، ليدخلوا الفيلا فيجدوا الأبواب مفتوحة تماماً وآثار دماء واضحة على الأرضية. اندفعوا للأعلى بقلوب موجوعة وتتبعوا الأصوات الصاخبة القادمة من غرفة عاليا.

داخل الغرفة:

كان حازم يحاول الهجوم على حسام وهو يترنح ويصرخ:

— حازم: أنا هقتلك مش هسيبك عايش! إزاي تعمل فيها كدا وتمد إيدك عليها يا ندل؟!

— حسام (وهو يدفعه بعيداً): سيبني في حالي يا حازم أنا معملتش حاجة وملمستهاش! عاليا.. ردي عليا وحياتي عندك وفوقي عشان خاطري!

— حازم: أنت لسه هتعملي فيها بريء وبتحبها وخايف عليها؟ أنا جيت الغرفة ولقيتك واقف جنبها وهي غرقانة في دمها!

— حسام (بعصبية وغل): قلتلك ميت مرة أنا كنت تحت وسمعت صوت دوشة وصريخها فنطيت من البلكونة عشان أنقذها! ولما أنت كنت في البيت وموجود، مدخلتش تساعدها ليه من الأول؟ كنت فين وصوتها جاب أخر الشارع يا ندل؟!

ودخل عليهم الحاج عبد الله ونادية وليلي، لتدوي صرخات الأم المروعة وهى ترى ابنتها غارقة في دمائها، وسقطت ليلى على ركبتيها من الصدمة والرعب، وغزت علامات الذهول والكسرة وجه عمها عبد الله، وزوجته تبكي بنحيب.

وصلت سيارة الإسعاف وقوات الشرطة فوراً، ونقلوا عاليا بسرعة البرق للمستشفى لمحاولة إيقاف النزيف الحاد قبل فوات الأوان. وداخل الغرفة، اتهم حازم حسام رسمياً أمام الضابط بأنه الفاعل، بينما اتهم حسام حازم بأنه هو من استغل غياب الأهل واعتدى عليها، وأصبح الموقف غامضاً ومبهماً تماماً ولا أحد يعرف الحقيقة.

— ضابط المباحث (بصرامة وعينين صقريتين): خدوهم الاثنين وع على الحجز فوراً! لحد ما نشوف حالة المجني عليها والطب الشرعي، وهتفوق وتقول مين فيهم ولا لأ!

—