الفصل الخامس والعشرين

التفت إليه حازم بعصبية شديدة وعينين تشتعلان غضباً، ودفع يده بعنف قائلاً:

— حازم: تاني يا مازن؟! تاني برضه جاي تقرفني بالزفت ده؟ قلتلك أنا بطلت ونظفت جسمي وحياتي تماماً، وأنت كمان لازم تفوق وتبطل القرف ده! هتفضل عايش مغيب لحد إمتى كدا ومضيع نفسك؟

— مازن (بسخرية): بطلت إيه يا عم؟ هو في حد بيدخل السكة دي ويعرف يبطل ويخرج منها؟ أنت هتعملهم عليا ما أنا حاولت مليون مرة ومعرفتش وفشلت!

— حازم: آه بطلت بجد وبعزيمتي، ومستحيل في يوم أرجع أسلم عقلي وصحتي للزفت والموت ده تاني.. كفاية عليا أوي الخساير اللي خسرتها بسببه لحد دلوقتي!

— مازن: بصراحة أنا مش فاهمك خالص ودماغك دي غريبة.. حد عاقل يسيب صاروخ وكتلة جمال زي ليلى دي؟ البنت كانت تحت رجليك وتموت فيك يا معلم وتنفذ أوامرك!

— حازم: ليلى إيه وزفت إيه دي كمان؟! أنا عمري في حياتي ما حبيتها ولا شوفتها كست أصلاً.. كنت دايماً بعتبرها زي أختي ومش أكتر.. أنا مبحبش ولا هحب في حياتي غير عاليا!

— مازن: أوف! البت الرقيقة اللي كانت لابسة فستان أسود في الحفلة زمان دي؟ فعلاً أحلى وأرق بكتير.. أمال متجوزتهاش ليه وضيعتها طالما بتموت فيها كدا؟

— حازم (بحدة): ما تحترم نفسك شوية وتلم لسانك وأنت بتتكلم عنها! بقولك بحبها وبحترمها.. وبعدين ما أنا كنت خاطبها وبتاعتي، بس أنا اللي غبي وندل وضيعتها من إيدي بغبائي وبسبب الزفت والبودرة اللي أنت خليتني أتعاطاها وأمشي وراك فيها.. بسببه ارتبطت بليلي أختها وعاليا ضاعت مني للأبد، ومبقتش حتى طايقة تبص في وشي ولا تسمع اسمي.. وحقها طبعاً تعمل كدا، أنا غبي.. غبي وضيعت حبيبتي!

— مازن (بضحكة خبيثة وحقيرة): يا ابن الإيه! الاثنين الأخوات ورا بعض؟ طب ما أنت سيبت ليلى وفركشت خلاص، ارجع بقا لعاليا وبدّل بينهم.. حلوة اللعبة دي والتبديل! بلاها سوسو خد نادية هههههه!

— حازم (بقمة الغضب وهو يقف): فوق بقا لنفسك يا أخي وفوق من قرفك! أنا غلطان أصلاً إني قاعد مع واحد زيك وبفضفضله!

تحرك حازم ليغادر، فمسكه مازن من كتفه وقال بمكر:

— مازن: استني بس ومتتجنش كدا.. واللّي يقولك على طريقة جهنمية ترجع بيها حبيبة القلب عاليا لحضنك وتجبرها تسيب حسام وتجيلك؟

رجع حازم خطوة للخلف، ولمعت عيناه بلهفة وضعف أمام الفكرة، وقال بصوت مرتعش:

— حازم: بتتكلم بجد؟ طريقة إيه دي؟ أنطق وقول في إيه!

— مازن (وهو يهمس في أذنه بمكر وشيطان): اسمع يا سيدي.. الخطة كالآتي: (......)

اتسعت عينا حازم برعب وصدمة من بشاعة الفكرة، وتراجع للخلف وصاح بعصبية:

— حازم: أنت بتقول إيه يا مجنون؟! لا طبعاً مستحيل! أنت اتجننت رسمي وعقلك طار أكيد عشان تفكر في قذارة كدا!

— مازن (بمكر وثبات): والله أنت حر.. فكر في الموضوع براحتك وهتلاقي في الآخر إن معايا حق وده الكارت الوحيد اللي هيرجعها ليك.. ولو مش هتعرف تعمل كدا بنفسك وتتجرأ، أنا موجود وفي الخدمة ورجالتي جاهزين.

— حازم (بغضب عارم): اسكت خالص اقفل بقك القذر ده.. أنا ماشي!

تركه حازم وغادر المكان وعقله يكاد ينفجر، لكن رغم رفضه الظاهري لبشوع للفكرة، إلا أن كلمات مازن بدأت تسيطر على تفكيره وتأخذ حيزاً كبيراً في عقله الباطن.. كان يرفضها بضميره، لكن عقله المريض بالحب والندم يفكر فيها ويزنها. ضرب المقود بعنف وقال بوجع: "الله يحرقك يا مازن قلبت دماغي وشوشتني.. الله يسامحك على الفكرة دي!".

بعد مرور يومين.. في شوارع القاهرة:

كان حسام يقود سيارة عمله وعاليا تجلس بجواره بعد ان انتهيا من تفحص شقة جديدة دخلوها وعاينوها منذ قليل، فسألها بلهفة:

— حسام: ها.. إيه رأيك في الشقة دي والتقسيمة بتاعتها يا عاليا؟

أجابت عاليا بغير اكتراث وهي تنظر من النافذة إلى الشارع :

— عاليا: لأ.. مش عاجباني خالص الشقة دي يا حسام.

ضرب حسام مقود السيارة بقلة حيلة وصاح بذهول:

— حسام: عالياااا!.. دي خامس شقة نشوفها ونعاينها الأسبوع ده وبرضه مش عاجباكي! ممكن أفهم إيه السبب العجيب المرة دي؟ الشقة في منطقة راقية وتشطيبها سوبر لوكس!

— عاليا (بهدوء): واسعة أوي وكبيرة بزيادة.. هتعب جداً في التنظيف والترتيب لوحدي.

— حسام (بتعجب واستغراب): نعم؟! واسعة وتنظيف؟! أنتي بتهزري طبعاً وبتتحججي!

صمت حسام حتي وصلا منزل عائلته وفضل ان يناقشا الامر هناك..

— عاليا: لا بتكلم بجد ومش بهزر.. أنا مش هقدر أنظف كل المساحة الكبيرة دي لوحدي وهتعب.

— حسام: عاليا.. هو أنتي بتعرفي تعملي حاجة في شغل البيت أصلاً ولا بتلمسي قشة في بيتكم؟ أنا عارف إن عيلتكم والفيلا عندكم...

قاطعته في الحال بنبرة حازمة ومحبة:

— عاليا: عارفة إن عندنا في الفيلا دادة ومساعدين كتير.. بس للعلم بقا، أنا اللي بنظف أوضتي بنفسي ومبحبش حد يلمس حاجتي، وفي يوم الإجازة بنزل المطبخ وبساعد دادة في الأكل وبسأل.. ولو أنا مش بعرف أعمل كل شغل البيت دلوقتي، هتعلمه عشان خاطرك وعشان مفيش أي ست تانية هتعملك حاجة غيري ولا تمد إيدها في شغل بيتي، إلا بقا تنظيف السجاد والحاجات الثقيلة دي هنجيب حد يعملها عشان نكون متفقين من الأول.. أهو بقولك وبوضحلك!

اقتربت منه قليلاً بدلال ودلع، ونظرت في عينيه بحب خالص مكملة:

— عاليا: وطبعاً.. حبيبي وسندي هيساعدني في البيت ويقف معايا ولا إيه رأيك بقا؟

ابتسم حسام بهيام تام وتلاشت كل ضغوطاته، وقال بصوت يملؤه العشق:

— حسام: طبعاً يا قلب وعيون حبيبك.. ده أنا أشيلك جوه عيوني وألف بيكي الدنيا كمان!

جذب يدها برقة، وطبع قبلة حانية دافئة على جبهتها نبعت من أعماق قلبه: "ربنا يخليكي ليا يا أغلى ما في حياتي".

في تلك اللحظة بالذات، دخلت منة فجأة إلى البلكونة حيث كانوا يجلسون في بيت حسام لتجلب شيئاً، فشهقت في دهشة مضحكة ووضعت يديها بسرعة على عينيها وصاحت:

— منة: إيييه ده! هو أنا جيت في وقت غلط ولا إيه يا جماعة؟ ههههههه أخرج وأقفل الباب؟

— حسام (بضحك وهو يجذب منة): تعالي تعالي هنا يا هبلة وماتستعبطيش.. ما هي مراتي وعادي جداً يعني أهدي! تعالي احضرينا وشوفي .. تعالي يا ماما شوفي بنتك!

كانت الأم تتابع المشهد الدافئ من بعيد عبر باب الصالة المفتوح، وسمعت كلمات عاليا الصادقة عن رغبتها في خدمة زوجها وحماية بيتها بنفسها دون الاعتماد على خدم، فحمدت ربها في سرها وشعرت بارتياح عارم لأن ولدها وجد شريكة حياته الحقيقية التي تحبه لذاته وتفهمه، وفهمت على الفور نبل تفكير عاليا وحرصها.

وفي نفس المساء.. داخل فيلا عبد الله المرشدي:

كانت ليلى تقف في ركن مظلم بالصالة، ممسكة بهاتفها وتتحدث بصوت منخفض ضاحك مع شخص مجهول:

— ليلى: طيب خلاص.. اتفقنا، هستناك هناك في نفس المكان والميعاد ومتتأخرش.

— الشخص عبر الهاتف: (..........)

— ليلى (بضحكة عالية خبيثة): هههههههه لا والله؟ بيتكلم بجد؟

— الشخص: (..........)

— ليلى: مصدقاك يا كداب وعارفة ألاعيبك.. بس قول لي، لو عرف بالموضوع ده والسر هيعمل إيه يعني؟ هيخرب الدنيا؟

— الشخص: (..........)

— ليلى: لأ طبعاً مش خايفة خالص.. وهخاف من إيه وليه أصلاً؟ أنا حرة في تصرفاتي وحياتي، وأنت عارف كويس إنه مبقاش يهمني في حاجة ولا تفرق معايا نظرته!

— الشخص: (..........)

— ليلى: آه.. الموضوع ده انتهى من زمان وبقا ماضي، إلا بقا إذا كنت أنت اللي لسه عندك رأي تاني وعاوز... طيب خلاص نقفل ونكمل كلامنا بعدين عشان مفيش حد يحس.. لا مش هتأخر، باي.

أغلقت ليلى الهاتف بابتسامة نصر، والتفتت لتعود أدراجها، لتصعق وتتجمد دماؤها في عروقها وهي تجد حازم يقف أمامها مباشرة في الظلام وعيناه تشعان شرراً وشكاً قاصماً! تراجعت خطوة وقالت بنبرة حادة تحاول إخفاء رعبها:

—