الفصل السادس والعشرين

ليلى: خير يا حازم؟! واقف كدا في الضلمة ومستخبي ليه وخضتني؟ في حد عاقل يقف وراء الناس بالطريقة دي كأنه شبح؟!

— حازم (بصوت رخيم مريب وعينين متسعتين): كنتي بتكلمي مين يا ليلى؟ وبتقولي له إيه بالظبط وعن أنهي سر وتهديد؟! أنطقي!

— ليلى (بضحكة ساخرة مستفزة بعدما استعادت ثباتها): وأنت مالك أصلاً؟! أكلم مين ولا مكلمش مين؟ ومن إمتى الاهتمام المفاجئ ده والغيرة والحمشنة دي يا ابن عمي؟ مش إحنا فركشنا وكل واحد راح لحاله؟

— حازم (بحدة وهو يخطو نحوها): أنتي ناسبة ولا بتستعبطي إنك بنت عمي وشرفك من شرفي؟ وحقي الكامل أخد بالي منك ومن تصرفاتك الغريبة والمريبة الفترة دي واعرف أنتي ناوية على إيه!

اقتربت ليلى منه بخطوات واثقة، ونظرت مباشرة في أعماق عينيه بتحدٍ أكبر وقوة جعلته يتراجع وجدانياً، وقالت بنبرة مسمومة هامسة:

— ليلى: عارف يا حازم؟ لولا إني عارفاك كويس وحافظة دماغك القذرة، كنت صدقت تمثيلية الخوف والحنية دي! ولو دي عاليا الواقفة مكاني المغفلة كانت صدقتك وجريت وراك.. بس أنا ليلى، وفاهمة دماغك بتفكر في إيه وعاوز توصل لإيه بالظبط ومستحيل تخدعني!

— حازم (بتحدٍ وعينين تلمعان بقلق): وبتفكر في إيه بقا يا ست ليلى علامة العصر؟ قولي كدا وسامعك!

ضاقت عينا ليلى بمكر وألم غائر، وقالت وهي تلمس صدره بسبابتها ببطء:

— ليلى: أنت خايف.. اممم، خايف مني ومن اللي ممكن أعمله فيك وفيها! بتفكر ومحتار ومش عارف أنا هعمل إيه بالظبط ومرتبة لكم إيه في دماغي.. (وابتسمت بشر): وحقك تخاف وترتعش كمان يا حازم.. ما هو اللي يكسر لوح الزجاج بإيده ويجرح غيره، لازم يعمل حساب ومتاكد إنه هيكون أول واحد يتجرح ويسيل دمه من الشظايا!

تركت حازم واجماً مكانه، وتحركت بخطوات راقصة متجهة نحو غرفتها بالأعلى، وهي تغني بصوت مرتفع ومستفز ملأ أرجاء الفيلا الساكنة:

"أنا مش مبيناله.. أنا ناوياله على إيه!

ساكتة ومستحلفاله.. ومش قايلاله ساكتة ليه!

خليه يشوف بعينيه.. إيه اللي ناوياله عليه..

هخليه يخاف من خياله.. لو أغيب يوم عن عينيه!"

وقف حازم في مكانه والبرودة تسري في جسده، يتابع صعودها وعقله يردد كلمات أغنيتها ككابوس، متسائلاً: من هذا الشخص الغامض على الهاتف؟ وما هي المصيبة التي تخطط لها ليلى لتدمر حياته وحياة عاليا؟!

وقف حازم في مكانه والذهول يشل أطرافه ونبرة ليلى الحاقدة وأغنيتها المستفزة ما زالت تتردد في أذنيه كصوت النواقيس، تنهد بضيق شديد ومرر يده في شعره بعصبية وهو يحدث نفسه بخوف:

— حازم (في نفسه): مستفزة وباردة بشكل مش طبيعي! إيه الجبروت ده؟ صبرني يا رب على العيلة دي.. بس والله العظيم عندها حق، أنا اللي كسرت وبدأت، وأنا أول واحد دمه بيسيل من الشظايا.. إيه العذاب ده!

وفي تلك اللحظة، دلفت عاليا إلى الصالة متجهة نحو المطبخ، ففوجئت به يقف في الظلام يبرطم ويكلم نفسه وعلامات الجنون والاضطراب واضحة تماماً على ملامحه، فنظرت إليه بشفقة ممزوجة بتهكم وقالت بصوت مسموع:

— عاليا: ربنا يشفيك ويهديك يا حازم.. ده أنت اتجننت رسمي وخالص بقا!

التفت إليها حازم بعينين حمرواوين وصرخ بنبرة حادة يملؤها التوتر والإنهاك:

— حازم: ادخلي جوه يا عاليا! ادخلي غرفتك وسيبيني في حالي.. هي ناقصاكي أنتي كمان؟ ما كفاية عليا واحدة حرباء في البيت ده!.. الله يحرقك يا مازن ويخرب بيتك على الأفكار اللي رميتها في دماغي دي!

في الأعلى، بدلت ليلى ملابسها سريعاً واستعدت للخروج لمقابلة الشخص الغامض، وفي طريقها للهبوط على السلم البديل، سمعت صوت عاليا ووالدتها نادية تتحدثان في غرفة المعيشة الفرعية بصوت منخفض. توقفت ليلى وتسحبت بخطوات برقة أفعى، واستمعت بإنصات شديد للحوار:

— الأم: ها يا عاليا.. عملتوا إيه في معاينة الشقة الأخيرة؟ جبتوها ولا لسه التردد شغال؟

— عاليا (بتنهيدة حزن): لأ يا ماما.. مأخدناهاش ورفضتها.

— الأم: ليه بقا كدا وعشان إيه؟ ما تخلينا نخلص يا بنتي من الحيرة دي! مش كنتوا جيتوا عيشتوا معانا هنا في الفيلا وخلاص والمساحة واسعة؟ ولا حتى عمك عبد الله لما قال إنه هيجيب الشقة دي ليكم كهدية فرح ورفضتي تماماً؟ أنتي حتى رفضتي تعرضي الموضوع أو الفكرة على حسام!

— عاليا (بجدية ونبل): أقول لحسام إيه بس يا ماما؟ لو قولتله عمي هيجيب الشقة هدية أو نعيش في فيلا عيلتي، هو كدا كبرياؤه هيوجعه ويحس إنه متكتف وعاجز، لاهيكون مرتاح في عيشته ولا هيحب يزعلني ويرفض.. وأنا أصلاً كرامتي لا تقبل إني أعيش هنا وحازم يبقى في وشه كل يوم ويضايقه بكلمة تلميح كدا ولا كدا، ولا هقبل إن ليلى تلقح عليه بنظرة سم برضه! إحنا هنجيب شقة على قدنا، إن شاء الله تكون أوضة وصالة، وإن شاء الله نكبر ونتوسع سوا خطوة بخطوة.. إحنا لسه في بداية حياتنا يا ماما.

— الأم (بإعجاب وفخر): ربنا يكملك بعقلك وبأصلك يا بنتي.. طيب إيه بقا مشكلة الشقة والفيو بتاعها المرة دي طالما رفضتيها؟

— عاليا: والله يا ماما الشقة تحفة حقيقية، فيو يجنن ومساحة ممتازة ومنطقة هادية وفيها كل الخدمات.. بس أكيد سعرها تمليك رقم خيالي وفوق طاقته الحالية، فـ لأ.. محبتش إني أحرجه أو أخليه يضغط نفسه في الديون، أفرضي إمكانياته المادية الحالية مش هتغطي الرقم ده؟ لا طبعاً، إحنا اكيد هنلاقي حاجة تانية مناسبة وبسعر كويس.

— الأم: وحسام عرف السبب الحقيقي ده منك؟

— عاليا (بسرعة): أكيد لا طبعاً! أنا قولتله الشقة مش عجباني وبس، وأوعي يا ماما وحياتك يعرف غير كدا عشان جرح مشاعره.. أنا حتى بفكر اقترح عليه نأجر شقة في الأول مش لازم تمليك، عشان يبقى أسهل لينا لو حبّينا نغيرها ونوسع بعدين لما أحوالنا تتظبط.

لمعت عينا ليلى بشر وحقد خلف الباب، وعرف الشيطان طريقه لعقلها وعرفت ماذا عليها أن تفعل لتدمير هذه المثالية. أخرجت هاتفها وسجلت الحوار كاملاً بصوت نقي، ثم أرسلته فوراً في رسالة خاصة لحسام عبر الواتساب، ظناً منها أن هذا المقطع سيفجر كبرياءه كرجل شرقي ويفتعل المشاكل والشكوك بينهما ويريها كاذبة ومخادعة.. لكن هيهات!

في مساء اليوم التالي..

بدت علامات القلق والتوتر الشديد واضحة على وجه عاليا، كانت تدور حول نفسها بخطوات متسارعة في حديقة الفيلا، ممسكة بهاتفها وتتحدث بعصبية وضيق مع صديقتها مي:

— عاليا: يعني إيه يا مي؟ فيها إيه يعني لما أقلق؟ بقولك مش بيرد عليا خالص ولا كلمني طول اليوم النهاردة! وأنتي عارفة حسام كويس، مش بيفوت ساعة واحدة إلا ويكلمني يطمن عليا كل شوية وبيرد على رسايلي فوراً.. ولو مشغول جداً في الموقع، أول ما بيخلص بيكلمني يعتذر.. أكيد في حاجة خطيرة حصلت معاه، أنا مش قادرة أقعد وقلقانة، أنا هروحله البيت حالا!

— مي (عبر الهاتف): ....................

— عاليا: أه هروح دلوقتي حالا، لأ مش هستنى للصبح أبدًا، قلقي هيقتلني!

— مي: ....................

— عاليا: هروح دلوقتي يعني هروح.. لأ خليكي أنتي في بيتك وأنا هبقى أطمنك أول ما أوصل.. ثواني! اقفلي كدا يا مي بسرعة.. ده عربيتة داخلة من البوابة وهو هنا أهو!

أغلقت الخط واندفعت نحو السيارة بلهفة شديدة وخوف حقيقي، وما إن ترجل حسام حتى استقبلته بلهفة قائلة:

— عاليا: كنت فين يا حسام؟ قلقتني عليك جداً وحرام عليك! أنت كويس؟ فيك حاجة؟