الفصل الثامن

حازم: أنتي مالك أنتي كمان وغوري من وشي دلوقتي مش ناقصك!

واستدار وخرج يضرب الباب خلفه بعنف، لتظل ليلى واقفة بمفردها مذهولة ومتوجسة.

في مقر الشركة الاستثمارية الكبرى --

دخل عبد الله ومعه عاليا التي كانت تتأمل المكاتب والموظفين بنوع من الشغف الجديد. توجه بها إلى مكتب مستقل أنيق وواسع مجهز بالكامل.

— عبد الله: ودا بقا مكتبك الخاص يا لولو.. خطوة مبروكة عليكي. هروح مكتبي دلوقتي وأبعتلك مع السكرتارية كام ملف مهمين ومشاريع قديمة وجديدة تشوفيهم وتدرسي الفكرة وتفهمي وضع الشغل والأرقام ماشية إزاي.. ولو احتجتي أي حاجة أو وقفتي في نقطة، مكتبي مفتوحلك تعاليلي فوراً.. ولو الواد حازم جه هنا أو ضايقك بكلمة واحدة، قوليلي وأنا هعرف أتصرف معاه وأربيه من جديد.. وبالمناسبة يا عاليا، أنا عاوزك كدا علطول؛ قوية، وعينك قوية، وتعرفي تاخدي حقك وتوقفي أي حد عند حده.

— عاليا (بامتنان): ميرسي جداً يا عمو ربنا يخليك ليا، اتفضل حضرتك ومتقلقش عليا خالص، أنا قدها.

انصرف عمها، وجلست عاليا خلف مكتبها الفخم تنظم أوراقها وتتنفس براحة. وفي هذه اللحظة رن هاتفها برقم حسام، ففتحت الخط بابتسامة:

— عاليا: ألو.. صباح النور.

— حسام (بنبرة مشاكسة ضاحكة): ألو.. صباح الفل والياسمين، إيه يا كسلانة لسه نايمة في سابع نومة والنهار طلع؟

— عاليا (بفخر): نايمة إيه وبتاع إيه يا بشمهندس! أنا قاعدة حالا وورا مكتبي الخاص في الشركة وببدأ شغلي!

— حسام (بإعجاب وصدمة مضحكة): هوبا بقا! إيه النشاط والطاقة دي كلها من أول يوم! وبقينا سيدات أعمال ومزيونات ومشغولين وبتاع!

— عاليا: ههههههه طبعاً يا فندم أمال إيه؟ مش أنت لوحدك البشمهندس الناجح الشاطر في الدنيا دي، إحنا جامدين أوي برضه وعندنا طموح ههههه.

— حسام: طبعاً طبعاً وجامدين جداً ومفيش كلام.. طيب يلا يا ستي مش عاوزه أعطلك عن ب بداية إمبراطوريتك، هشوف الشغل والموقع هنا في إيه ونتكلم تاني نطمئن.

— عاليا: تمام يا فندم، لا إله إلا الله.

— حسام: محمد رسول الله، مع السلامة.

بعد مرور ساعتين من الاندماج في القراءة وفهم آليات العمل، انفتح باب مكتب عاليا فجأة بدون إذن أو خبط، ودخل حازم وعلامات الضيق مرسومة على وجهه، ورمى أمامها ملفاً ضخماً وثقيلاً على المكتب بعنف:

— حازم (برسمية وتحدٍ): خدي الملف ده.. وعاوزك تعمليلي دراسة جدوى كاملة عليه وتقرير مفصل من مجاميعه لكل نقطة فيه.

— عاليا (بهدوء وثبات وهي تنظر للملف ثم إليه): تمام.. عاوزه وواجب تسليمه إمتى بالظبط؟

— حازم (بلؤم وخبث): عاوزه النهاردة.. قبل ما تمشي من الشركة يكون على مكتبي.

— عاليا (بدهشة واستنكار): النهاردة؟! أنت بتتكلم بجد؟

— حازم بتهكم وابتسامة باردة: اه النهاردة.. في مشكلة عندك ولا إيه؟

— عاليا: أصل النهاردة أول يوم شغل ليا زي ما أنت شايف، وفي عندي ملفات أساسية تانية عمو بعتهالي لسه بطلع عليها وبفهم الدنيا والسيستم ماشي إزاي وعمو قال لي...

— حازم (مقاطعاً بسخرية واستهزاء): أنا عاوز الملف يخلص ويتسلم النهاردة يعني النهاردة.. ولو أنتي مش قد الشغل ده والمسؤولية وضغط الشركات، اقعدي في بيتكم واطبخي أحسن لك يا "آنسة" عاليا.. وبعدين إيه "عمو" دي؟ الكلام ده والدلع ده في البيت هناك، هنا في الشركة اسمه "سيادة رئيس مجلس الإدارة" أو "البشمهندس عبد الله"، فاهمة؟

نظرت إليه عاليا بنظرة حادة طويلة جعلته يرتبك داخلياً، ثم سحبت الملف نحوها وقالت بكل برود وثقة:

— عاليا: تمام.. حضرتك اتفضل على مكتبك وسيب الفايل هنا، وشوف شغلك.

خرج حازم من المكتب وعلى وجهه ابتسامة خبيثة وانتصار صبياني؛ فهو يعلم يقيناً أن هذا الملف معقد ويحتاج لأسبوع كامل من مهندس وخبير مالي لإنهاء دراسته، ويظن أنه عقد لها الأمور تماماً في أول يوم ليرجع بعد قليل ويوبخها أمام الموظفين على التقصير ويثبت لوالده أنها مجرد فتاة فاشلة لا تصلح لشيء.

بعد مرور ساعة كاملة.. انفتح الباب مجدداً ودخل حازم بدون استئذان:

— حازم (بتعجل مستفز): ها.. خلصتي؟ أنا مستعجل والوقت بيجري والمشروع واقف عليكي.

— عاليا (وهي تركز عينيها في شاشة الكمبيوتر وتكتب بسرعة): شغالة عليه اهو ومقصرتش.. لما أخلص خالص هبعتهولك مع السكرتيرة لمكتبك.. وبعدين مش الأصول والذوق برضه تخبط على الباب وتستأذن الأول قبل ما تدخل مكتب حد؟

— حازم (بضيق وعناد): وأنا لسه هستنى وأخبط؟ أنا قاعدلك هنا ومستني الملف.. ماشي يا ستي، هبقى أخبط بعد كدا عشان متزعليش.

— عاليا (وهي ترفع رأسها وتنظر له بحسم): لا بقولك إيه يا حازم.. روح اقعد في مكتبك وتابع شغلك هناك، أنا مبعرفش أركز وأشتغل وفي حد رخم واقف فوق دماغي وبيراقبني.

— حازم (بيدين في جيبه وكبرياء مجروح): ماشي.. شوية كدا وراجعلك تاني أشوف الهانم عملت إيه.

وانصرف غاضباً. وفور خروجه رن هاتفها مجدداً وكانت صديقتها مي:

— مي (ببهجة): ألو.. إيه يا لولو يا قمر، طمنيني أخبارك إيه في أول يوم شغل ومعترك الحياة؟

— عاليا (بتنهيدة طويلة وصوت مجهد): محتاسة.. محتاسة ومضغوطة أوي يا مي! حازم دخل عليا ورمالي حتة مشروع وملف معقد وعاوز تركيز أسبوع كامل، وعاوزني أخلصه وأعمل دراسة جدوى في ساعتين وبس!

— مي (بدهشة وصدمة): نعم؟! دا عقاب ده ولا إيه النظام؟ هههههه بيثأر لنفسه الواد ده ولا إيه؟

— عاليا: شكله كدا بالظبط.. هو أصلاً مش طايق يشوفني ناجحة أو واقفة على رجلي وبواجهه هههههه.. يلا اقفلي دلوقتي خليني أشوف المصيبة دي هعمل فيها إيه وهتتحل إزاي.

— مي: ربنا معااااكي يا حبيبتي ويقويكي.. وربنا ع الظالم والمفتري دايماً!

— عاليا: ياااارب يا مي، مع السلامة.

بعد مرور ساعة أخرى.. انفتح الباب ودخل عمها عبد الله وعلى وجهه علامات الود:

— عبد الله: إيه يا عاليا يا حبيبتي؟ مشغولة في إيه كدا ومركزة وعينك مطلعش من الورق؟

— عاليا: اتفضل يا عمو.. معايا ملف ومشروع كبير بشتغل عليه وبقفل أرقامه؛ لأن حازم جابهولي وعاوزه النهاردة ضروري، أنا قربت أخلص خلاص شوية صغيرة وأكون معاك.

— عبد الله (بعقد حاجبيه واستغراب): ملف إيه ده اللي حازم عاوزه النهاردة؟ وريني كدا الفايل ده أشوفه.أخذ عبد الله الملف وتصفحه، وفجأة تلون وجهه بالغضب العارم وعينه تكاد تخرج من مكانها:

— عبد الله بحدّة: حازم جايبلك المشروع ده بالذات وعاوزه النهاردة؟! وفي أول يوم شغل ليكي في الشركة ومن غير تدريب ومقدمات؟!! ده مشروع استثماري ضخم ومتشابك!

— عاليا: اه يا عمو.. وجالي هنا في المكتب مرتين يستعجلني ويضغط عليا بشكل مش مريح.. ممكن بس تجيب الملف ثواني أكمل الحتة الأخيرة دي عشان الوقت؟

سلمها عبد الله الملف وهو يتنفس بضيق، وحدث نفسه بصوت خفيض وعينين تتوعدان: "ماشي يا حازم.. بقا ده شغلك معايا ومع البنت؟ عاوز تورطها وتعقدها في الشغل من أول يوم عشان تطفش وتقول أنا فشلت؟ ماشي.. حسابك معايا تقل."

— عاليا (بدون أن ترفع رأسها): بتقول حاجة يا عمو؟ سامعاك بتوشوش.

— عبد الله (مغيراً نبرته): لا أبداً يا حبيبتي مفيش.. عوزاني أساعدك في النقط المالية دي أو أبعتلك خبير من الإدارة؟

— عاليا (بثقة واعتزاز): لا ياعمو تسلملي، أنا تقريباً خلصت وفهمت الفكرة كلها وبقفل آخر حاجة في الجدول اهو.

— عبد الله (بذهول وعدم تصديق): بجد يا عاليا؟! خلصتيه