الفصل الرابع

*4*

*"ماهو معذور بردو ينغرم فيها"*

💙🥰

---

وبعد الفطار انطلق عزيز إلى شارع المعز، وراحوا يحتسون مشروب عصير القصب. وتناولت ياسمينة حلوى غزل البنات في مرح، وراحوا يتصورون في جميع الأماكن الأثرية ويتمشون في الشوارع القديمة في سعادة.

جلست ياسمينة على أحد الأسوار الحجرية مربعة في مرح، وراح يلتقط لها عزيز العديد من الصور وهو يقوم بعمل زووم إن على ملامح وجهها وعيناها وابتسامتها الساحرة، برغم الحزن الساكن عيناها.

جلس عزيز أمامها وهو يريها ما قام بتصويره، وراحت تتطلع بينما يتطلع هو لها في حب وإعجاب شديد.

تطلعت له ياسمينة للحظة لنظرته وابتسمت، وهي تتراجع وتنظر بعيدًا وتقول:

_ هتوديني فين تاني؟

_ انتِ اللي هتوديني ل فين تاني بجمالك ده.

نظرت له رافعة حاجبيها بثقة لهذا الغزل الصريح وقالت:

_ انت بتعاكسني بقا؟

_ غصب عني... مش قادر أقاوم كل الجمال ده.

_ شايفني حلوة للدرجة دي؟

_ ما عندكيش فكرة قد إيه انتِ حلوة.

_ عندي ونص.

قالتها ياسمينة في ثقة ودلع وشقاوة وقفزت في شقاوة.

بعد ذلك انطلقا إلى حي الزمالك، حيث اقترحت عليه ياسمينة أن يتناولا الغداء هناك في مطعم لبناني. اعتادت أن تذهب إليه مع والدتها، وهناك طلب منها عزيز أن يتناول الطعام على ذوقها، حيث إنه أول مرة يجرب بالفعل الطعام اللبناني.

وبالفعل طلبت ياسمينة له ولها كباب وشاورما وتبولة، وجلسا يتناولان في حماس واستمتاع، حتى سألته ياسمينة:

_ عرفت إنك بجانب طبعًا إنك صاحب أراضي السوق وعمارات كتير في المنطقة اللي ساكنة فيها خالتو... ما شاء الله يعني... إنك كمان فاتح صالة جيم.

_ فعلًا، بس الأرض والعمارات مش ملكي لحالي. ملكي وملك أخويا وأخواتي البنات وأمي، ومشارك فيها عمي ومراته وبنته. أما أنا فاللي بدير الأملاك دي وباخد بالي من مالهم، باعتباري البكري وكنت الايد اليمين لوالدي الله يرحمه.

_ مممم فهمت.

_ إنما الجيم ده خاص بيا.

_ إزاي؟ أنا سمعت إن بنت عمك بتديره معاك.

_ مش شريكة، هي شغالة فيه في القسم الحريمي ولعدد ساعات معينة بس.

_ آها، اسمها سميرة؟

_ سمر.

_ سمر آه افتكرت، هي خطيبتك؟

رفع عزيز وجهه لها على الفور وهي تتأمله في تساؤل ماكر منتظرة الإجابة، الذي راح يقول في نفي:

_ لا، هي مش خطيبتي ولا عمره حصل. دي زي أختي الصغيرة.

ابتسمت له أحلام وقالت:

_ مالك مكبر حالك كده؟ لما خالتو قعدت تقول: هقول لأستاذ عزيز يجيب لي حقي، افتكرتك راجل كبير في السن زي العمدة وشيوخ الحارة اللي بيطلعوا في التليفزيون. لقيتك شاب صغير... بس ليك هيبة كده وكلمة تمشيها على الكل، وزوق وچنتل مان لاحترامك الستات خصوصًا خالتو.

ابتسم عزيز وهو يقرب وجهه في غزل قائلًا:

_ أمال انتِ فاكرة إيه؟ لازم حد يكمل مسيرة أبويا في المنطقة عشان يفضل الحي ليه كبير، ومحدش ييجي على الضعيف ولا ياكل حق حد.

تطلعت له ياسمينة في إعجاب أكبر ثم قالت:

_ طيب بما إن شكلي قعدتي في منطقتك هتطول، ممكن أشترك عندك في الجيم مع سمر بنت عمك، عشان حاسة حالي من جمال أكل خالتو وكل شوية أضرب مع البنات كبدة وحاجة ساقعة مليت شوية.

_ بالعكس انتِ جسمك جميل جدًا.

_ نعم؟

قالتها ياسمينة في تعجب لتغزله في قوام جسدها، ف راح يوضح ما يقصده في سرعة قائلًا:

_ قصدي إنك سكر محلي محطوط عليه كريمة، كعبك محني والعود عليه القيمة.

وراح يغني، فنظرت ياسمينة حولها وهي تحاول تسكته في حرج ضاحكة. وراح يشغل باقي الأغنية على هاتفه ونهض وأوقفها وهو يردد ويغني لها باقي الأغنية مع صوت المطرب على الهاتف. وياسمينة تضحك، وراح ينظر لهم الزبائن في سعادة لسعادتهم، بل وراحوا يشركوهم الغناء بشكل مرح وسعيد.

*☕_ʚଓ ◞𓂃܀*

دخلت والدة سمر إلى امرأة أخرى في نفس عمرها تقريبًا وهي تقول في ضيق وعاقدة حاجبيها:

_ يرضيكي كده يا أم عزيز؟

_ خير يا أم سمر، تعالي اتفضلي تقعدي.

جلست والدة سمر وتطلعت لها وقالت:

_ طالما عزيز هيلف على واحدة تانية غير بنتي، بتعشمي بنتي ليه وتكسري بخاطرها؟

عقدت أم عزيز حاجبيها وهي تردد:

_ هيلف على واحدة تانية؟ إيه الكلام اللي انتِ بتقوليه ده؟

_ بنتي الصبح لقيته مركب في عربيته بنت غريبة. وأصلًا بقاله شهر تقريبًا بيطلع كل يوم بدري في نفس الوقت ده. ومن شوية عرفت إن البنت تكون قريبة ست انتصار، بنت أختها تقريبًا.

وعرفت إنهم اتقابلوا مرة في السوق من شهر، ومن وقتها وهي معشة معاه ومش بتفارقه. وفضل وراها لحد ما خرجت النهاردة، ولحد دلوقتي معاها.

_ والله ولا أعرف أي حاجة عن البنت دي، وأنا فعلًا مستغربة بقا يصحى بدري ليه اليومين دول ويقولي رايح مصلحة مهمة.

_ مصلحة مهمة؟

قالتها أم سمر في سخرية وعدم رضا ثم قالت:

_ طيب الحال ده ما يعجبنيش، ولا هيعجب أبوها. البنت من غير حاجة واقف حالها ولا مديها ريق عدل، وكمان رايح يعرف واحدة تانية عليها. بيعمل كده وبنتي لسه ما دخلتش دنيا معاه، أمال لما يتجوزها هيعمل فيها إيه؟

_ امتى هتقرمي بنتك تربية؟ إيده بوحده عرفها امبارح برده يا أم سمر. ثم انتِ عارفة عزيز ومربياه، ملوش في شغل الشمال وحوارات البنات. هو تلاقيه بس هيمشي معاها شوية نزوة يعني وبعدين هيرجع لعقله.

_ وإن ما رجعش، والبنت دي قدرت تاخده من بنتي؟

_ انتِ عارفة محدش في الدار ده كله يقدر يكسر كلمتي. سمر لعزيز وخلاص، عارفين من زمان.

_ طيب عقلي ابنك وخليه يصرف نظر ويعجل في خطوبة بنتي، وبعدها ندخلهم ونقطع عرق ونسيح دم.

_ ييجي بس، أنا ليا كلام تاني معاه.

*☕_ʚଓ ◞𓂃܀*

بعد ذلك انطلقا إلى حديقة الأزهر وراحوا يتمشون جانبًا إلى جانب وسط الطبيعة الخضراء. واشترت ياسمينة لعبة البابلز وراحت تلعب بها، وتنفخ البابلز في وجهه وهو يضحك في سعادة ويقوم بالتقاط المزيد من الصور معها، حتى إنهم راحوا يلتقطون صور سيلفي في مرح.

ثم جلسا على الحشائش والأعشاب الطبيعية، وراح يقطف عزيز زهور الياسمين ويقوم بوضعها في شعرها بجانب وجهها ويتطلع لعيناها بحب. ثم أخذ زهرة ولف الساق وراح يرتديها وكأنه خاتم الزواج.

تطلعت له ياسمينة في حب، وتطلع لنظرتها وقبل يداها ثم قال:

_ تتجوزيني؟

ابتسمت ودمعت عيناها وقالت:

_ بس أنا لسه في ثانوي.

_ هستناكي.

_ وورايا جامعة.

_ هفضل معاكي... لحد ما تكوني مراتي على سنة الله ورسوله.

_ بس انت لسه ما تعرفنيش كويس ولا أنا أعرفك.

_ أنا بحبك، وقلبي بيدق بحبك من أول يوم شوفتك فيها.

ابتسمت ياسمينة في خجل، وابتسم لابتسامتها وقرب رأسها وهو يضع زهرة أخرى بجانب وجهها، وهي تتطلع له مبتسمة لطريقته معها.

*☕*ʚଓ ◞𓂃܀*