الفصل العاشر

الفصل العاشر

وهو قلبي في عشقها

آية بدوي

••••••♡••••••••

🍂 ابتسم للحياة تبتسم لك 🍂

إلياس: "أهلًا، أخيرًا وصلتي."

انتفض جسدها برعب، ودقت أنفاسها بعدما سمعت صوت إلياس الذي خرج لها من العدم. وجهت نظرتها له بخوف، ولكن حاولت أن ترسم القوة حتى لا يشك بها أكثر.

سارة: "وأنت مالك أنا وصلت ولا لأ؟"

إلياس: "كان لازم أستناكي، أصل هعرف منك ليه رميتي جوان في البسين وحاولتي تقتليها."

سارة: "أنت اتجننت؟ وأنا هرمي جوان ليه؟"

إلياس: "ما هو ده اللي أنا بسألهولك، عملتي كده ليه؟"

سارة: "أنت أكيد اتجننت، أنت عارف بتقول إيه؟"

إلياس: "آه عارف أنا بقول إيه، بس واضح إنك إنتِ اللي متعرفيش مين أنا، وتبقي جوان بالنسبة لي إيه."

أيهم: "في إيه؟"

سارة بخوف: "الحقني يا أيهم، الراجل ده اتجنن."

أيهم: "في إيه يا إلياس؟"

إلياس: "بسألها ليه حاولت تغرق جوان في البسين."

جمال: "أنت بتقول إيه؟"

اقترب منهم جوان وأمل التي نظرت نحو سارة بصدمة، بينما التفتت عينا أيهم الغاضبتان نحو سارة التي ابتلعت ريقها بفزع حقيقي، ولكنها تماسكت وأظهرت القوة.

سارة: "أنت كداب، أنا مستحيل أعمل كده."

إلياس: "لا، عملتي كده."

أمل: "عندك دليل على كلامك؟"

سارة: "أنتِ بتقولي إيه يا خالتو؟ أنا مستحيل أعمل كده."

أيهم: "جاوب يا إلياس، عندك دليل على كلامك؟"

سارة: "أيهم..."

إلياس: "أكيد عندي، مش في كاميرات؟"

التفت الجميع نحو سارة التي تراجعت بذعر وهي تراقب عيني أيهم التي تحولت إلى كرتي نار وهو يتقدم لها.

أيهم: "أنتِ مجرمة، إزاي حاولتي تقتليها؟"

سارة: "لا، وأنا معملتش كده."

أمل: "إزاي قدرتي تعمليها يا سارة؟ إزاي؟ أنا كنت عاوزة أجوز ابني لوحدة مجرمة زيك؟"

سارة بصراخ: "لا، أنا معملتش كده."

استيقظت بفزع وهي تنظر حولها، دقات قلبها من قوتها آلمتها. نظرت إلى الغرفة وإلى النافذة التي كان الضوء يشع منها، وأدركت أنها كانت ترى كابوسًا ليس أكثر. مررت يدها على وجهها تزيح تلك الغمامة عن عينيها.

سارة: "لازم أخلص منها قبل ما تعمل هي."

••••••••••

على طاولة الإفطار...

دخلت ريم وجلست بجوار رغد، نظر إلى عنقها ليرى تلك القلادة، فابتسم بداخله بفرحة كبيرة، والتفت إلى والده وقال:

جاسر: "عمي، بابا، أنا عاوز أطلب إيد ريم."

نظر الجميع نحو ريم التي أنزلت رأسها بخجل شديد، بينما نظر محمد إلى فهد وقتًا.

محمد: "أنا عن نفسي موافق."

جمال: "وأكيد أنا كمان موافق، هو أنا هلاقي أحسن من جاسر لريم؟ ولا أنت إيه رأيك يا فهد؟"

فهد: "مفيش رأي بعد رأيك يا عمي، أنا عن نفسي موافق، بس طبعًا لازم ريم توافق الأول."

جمال: "طبعًا يا ابني، ريم، أنتِ إيه رأيك؟ موافقة؟"

ريم بخجل: "اللي تشوفوه."

أيهم: "أنا شايف إنك لسه صغيرة."

اصفر وجه جاسر ورمق أيهم بنظرة نارية، بينما التفتت ريم إلى أيهم بذعر، ابتسم الآخر وقال بصوت مازح:

أيهم: "إيه؟ بهزر."

جاسر بغيظ: "ده أنت رخم."

أيهم: "اخرس يا واد."

ضحك جمال على تعبير الاثنين، وفي تلك الأثناء دخلت جوان فرحب بها الجميع بسعادة.

جمال: "حمد الله على السلامة يا حبيبتي."

جوان: "الله يسلمك."

محمد: "أنتِ كويسة دلوقتي؟"

جوان: "أحسن كتير."

توقفت أمام مقعدها الذي وجدت به سارة التي ابتسمت بتكلف وقالت:

سارة: "حمد الله على السلامة."

جوان: "الله يسلمك، ممكن مكاني؟"

سارة: "مكانك إزاي يا جوان؟ هو إحنا في حضانة يا بنتي؟"

جوان: "آه، سوري بقى، بس أنا لما بحب مكان مبسيبوش، بعتبره بتاعي."

دخل إلياس وألقى التحية على الجميع، لتلتفت له سارة برعب، بينما الآخر نظر إلى جوان وقال:

إلياس: "أنتِ واقفة ليه؟"

جوان: "مستنية سارة تقوم عشان مكاني."

أمل: "تعالي يا حبيبتي جنبي هنا."

سارة: "حاضر يا خالتو."

إلياس: "خلصي فطار وأنا مستنيكي، عندنا مشوار."

جوان: "مشوار إيه؟"

إلياس: "هقولك بعدين."

أيهم: "مش المفروض تستأذن قبل ما تقرر إنك تطلع معاها؟"

جمال: "أيهم كفاية بقى."

أيهم: "كفاية إيه؟ جوان زيها زي رغد وريم وملك."

إلياس: "ومين قالك إني مستأذنتش؟"

أيهم بحدة: "استأذنت من مين؟"

إلياس: "من يوسف أخوها، وعارف. عاوز حاجة تانية يا حضرة الضابط؟"

جوان: "إلياس كفاية، أنا هاجي دلوقتي."

إلياس: "مستنيكي."

•••••••••••

دخل إلى غرفة والدته التي كانت ما تزال منذ موت شقيقته تنظر إلى الصورة التي تجمع والدته مع شقيقته ديما.

يوسف: "ماما."

يسرى: "إيه يا حبيبي؟ تعال."

جلس على الفراش ووضع رأسه على قدمها، لتبدأ في تمرير يدها على شعره الذي كان مشعثًا غير منتظم، والهالات السوداء تحتل ما حول عينيه.

يسرى: "مالك يا حبيبي؟"

يوسف: "مفيش يا حبيبتي، خلاص هانت، هننزل قريب مع جوان وتالا."

يسرى: "ياريت يا يوسف، نفسي أشوفهم أوي، حاسة إني مش هلحق."

يوسف بغضب: "أوعي تقولي كده تاني، أنتِ سامعة؟ أنتِ هتفضلي معايا."

يسرى: "بس دي سنة الحياة، أوعدني يا يوسف لو متّ متقعش، خليك قوي عشان جوان وتالا، عاوزينك تشد حيلك، سامع؟"

يوسف: "بطلي بقى، أنتِ مش هيحصلك حاجة أبدًا، أنتِ هتفضلي معايا."

يسرى: "هفضل يا قلب أمك."

•••••••••••

دخل أحد القصور التي لم تكن بعيدة عن قصر المنشاوي، دخلت جوان برفقة إلياس الذي اختاره بعدما طلب منه يوسف البحث عن مكان لكي يستقروا به.

وأثناء تفحص جوان للمكان، لاحظت وجود حركة غريبة هناك، وعددًا من السيارات السوداء بجوار السور الخلفي للقصر.

إلياس: "جوان، إيه رأيك؟ هو أفضل مكان أنا شفته لحد دلوقتي."

جوان: "إلياس، في حاجة غريبة، هي العربيات دي تبعك؟"

إلياس: "عربيات إيه؟"

أشارت جوان إلى عدد من السيارات التي خرج منها عدد كبير من الرجال الملثمين، لتتسع عينا الاثنين بخوف، بينما أسرع إلياس وطلب من رجاله الذين سحبوا كل الأسلحة في حركة سريعة أثارت انتباه حراس قصر المنشاوي الذين أسرعوا في الإبلاغ عن الأمر.

دخل إحدى الغرف وأشار لها قائلًا:

"خليكي هنا، دي أوضة سرية، مش هيقدروا يوصلولها."

جوان: "إلياس، أنت خايف؟"

إلياس: "أنا معاكي."

ارتفع صوت الرصاص في أرجاء المكان، بعد أن صوب ذاك ورجاله ودخلوا في اشتباك مباشر مع المهاجمين.

التفت إلياس إلى جوان وأدخلها إلى الغرفة وقال بعد أن أغلق الباب:

"أوعي تتحركي من مكانك، سامعة؟ المسدس اللي معاكي، وأي حد يدخل اقتليه، سامعة يا جوان؟ متتردديش."

كان في طريقه إلى العمل مع جاسر وفهد، ليتفاجأ بقائد الحراس الذي أسرع له قائلًا:

"أيهم بيه، في حركة غريبة حصلت، رجالة إلياس بيه اتحركوا كلهم في اتجاه واحد."

أيهم: "أنهي اتجاه؟"

الحارس: "غرب، بس واضح إن في حاجة كبيرة، لأنهم استعدوا بأسلحة قبل ما يتحركوا."

جاسر: "إزاي؟"

أيهم بذعر: "جوان!"

انطلق وخلفه فهد وجاسر بالإضافة إلى عدد ليس بقليل من حراسه، الذين تفاجأوا بتلك المجزرة التي حدثت أمام أحد القصور القريبة من القصر.

وسرعان ما اشتبك رجال أيهم مع المهاجمين الذين سقطوا الواحد تلو الآخر بعد وصول الدعم من رجال الشرطة التي حاصرت المكان.

أسرع أيهم إلى الداخل وهو يبحث عنها، ولكنه تفاجأ بإلياس الذي كان مستندًا على أحد الجدران في الطابق الأول للقصر، ويضع يده على خصره الذي كانت الدماء تخرج منه بغزارة.

أيهم: "إلياس، أنت كويس؟ جوان فين؟"

إلياس: "ج... جوان... في الطابق التاني... أول أوضة على إيدك الشمال... في أوضة سرية بعد المكتب... انتبهلها كويس."

أيهم: "جاسر! جاسر! تعال بسرعة."

جاسر: "يا نهار أسود! إلياس! جوان فين؟"

أيهم: "هات المسعفين هنا بسرعة وخليك معاه."

نهض وأسرع إلى الأعلى، ودقات قلبه تتعالى مع كل درجة يصعدها حيث تكمن محبوبته.

توقف أمام الغرفة التي كان بابها مفتوحًا، وتوقفت قدماه على ذلك المشهد المفزع.

مرر عينيه على تلك الدماء الملطخة في كل مكان.

أيهم: "جوان...".