الفصل الاحد عشر

:

الفصل الحادي عشر

ليث

للكاتبة آية أحمد

•••••••••••••

🍂 ابتسم للحياة تبتسم لك 🍂

كان يصعد كل درجتين معًا حتى يصل لها، عقله الذي بدأ في تصوير مشاهد مروعة له عن وضعها في الأعلى، وقلبه يكاد يخرج من موضعه من شدة خوفه عليها.

لم يتخيل أيهم يومًا أنه قد يشعر بهذا الخوف والذعر على أحد ما، نظر إلى الغرفة التي كان بابها محطمًا، وثقلت أنفاسه التي بدأت في التسارع، وقد أدرك أنهم وصلوا لها لا محالة.

وضع قدمه ببطء وهو في انتظار أن يرى جثتها أمامه، ولكنه تفاجأ بجثتين أمامه ملقيتين على الأرض، وهناك الكثير من الدماء تملأ المكان.

التفت على صوت شهقات ناعمة وبكاء جعل عقله يغيب، نظر نحو مصدر الصوت ليجدها جالسة أرضًا ممسكة بمسدس وعيناها مثبتتان على الدماء التي انتشرت على أرضية المكتب.

جوان: "أ. أي. هم."

عندما نطقت اسمه بصوتها الباكي أسرع نحوها حتى يطمئن قلبه أنها بخير، أخذها بين يديه بقوة بينما بكت الأخرى بصوت عالٍ وهي تردد أنها أصبحت قاتلة.

أيهم: "جوان اهدي، كان لازم تعملي كده يا حبيبتي، إنتِ مش غلطانة، جوان ركزي معايا."

جوان: "لا.. لا.. أ. أنا قتلتهم.. قتلتهم."

أيهم: "جوان بس إنتِ مقتلتيش حد، كانوا هيموتوكي، اسمعي، اهدي يلا قومي معايا لازم نمشي من هنا."

فهد: "أيهم، جوتن فين؟"

أيهم: "معايا."

فهد: "طيب اتحركوا بسرعة، لازم تطلعها من هنا قبل ما حد يشوفها واسمها يتدمر."

أيهم: "هنخرج إزاي؟ الشرطة في كل مكان."

فهد: "متقلقش، أنا أمنت البوابة اللي ورا، اطلعوا منها على طول، في عربية مستنياكم هتوديكم المستشفى اللي فيها إلياس."

جوتن: "إلياس ماله؟ حصل له إيه؟"

أيهم: "مش وقت أسئلة، قومي معايا يلا."

أمسك يدها وأسرع في الخروج من المكان الذي أشار له فهد حتى وجد نفسه في إحدى السيارات المصفحة وقائد حراسته من يقودها.

أيهم: "عرفت أي معلومات عن المهاجمين؟"

فريد: "أيهم باشا، لحد دلوقتي لا، بس متقلقش هعرفهم."

نظر إلى جوان التي كانت متمسكة به بكل قوتها وكأنه سيهرب منها، رفع يده وأحاط كتفها برفق.

أيهم: "جوان، إنتِ كويسة؟"

جوان: "أ. أنا عاوزة يوسف."

أيهم: "ما أنا موجود معاكي، منفعش يعني؟"

جوان: "بس.. أنا عاوزة يوسف."

مال وهمس لها في أذنها بصوت لم تسبق أن سمعته من أحد قبلًا:

أيهم: "من هنا ورايح مفيش غير أيهم."

••••••••••

كان جمال يجوب الغرفة بقلق على أبنائه، بينما البقية لم يكونوا أفضل حالًا منه.

نظر له محمد بقلق بينما كان الآخر يكاد يجن، لم يسمح لهم الحراس بالخروج من باب القصر بينما أصوات سيارات الإسعاف والإطفاء تملأ المكان.

أمال بصوت باكٍ: "ابني لو حصل له حاجة مش هسامحك، سامع؟"

رغد: "ماما أرجوكي، مش وقته."

أمال بغضب: "لا وقته، بسبب السنيورة بنت أخوه ابني هيضيع مني، ومش ابني بس حتى جاسر وفهد معاه."

محمد: "أمال، أنا مقدر خوفك على ابنك، بس جوان ملهاش دخل باللي بيحصل."

أمال: "لا ليها، مش سامع الحراس قالوا إيه؟"

جمال: "اسمعي كويس، أيهم ابني، ابني البكر يعني أول فرحتي، وإنتِ مش هتخافي عليه قدي، ولو مكتوب له يموت هيموت حتى لو هو في حضنك، ومتنسيش يا هانم إن أيهم ضابط يعني وارد جدًا يتصاب في أي مهمة، ومع ذلك إنتِ ساكتة.

جوان واحدة من العيلة، عشان لو كانت رغد أو ريم أو مالك كان هيبقى نفس الموقف، والتلاتة هيقفوا عشانها ويفدوها بروحهم."

أمال: "وأنا المطلوب مني أضحي بابني عشان بنت أخوك؟"

جمال: "محدش قالك ضحي بابنك، إنتِ سمعتي فريد قال إيه كويس، أيهم كويس هو وجاسر وفهد، بس بيشوفوا الوضع مع الشرطة يعني مفيش أي إصابة فيهم، واللي مصاب أصلًا واللي دافع عن بنت أخويا زي ما بتقولي هو إلياس الغريب.

وآخر مرة هسمعك بتتكلمي عن جوان بالشكل ده تاني."

جمال تابع قائلًا:

"اهدي وبطلي ترمي ودنك لكلام مش هينفعك في حاجة، اسمعي، أنا مدرك كويس إن ده مش كلامك ولا ده تفكيرك."

انتهى من جملته ورمق سارة التي أنزلت رأسها بخوف وهي تستشعر كراهية جمال لها.

بعد لحظات من ذلك الحوار المشحون دخل جاسر وفهد إلى القصر.

محمد: "إيه يا ولاد؟ إنتوا كويسين؟ وفين جوان وأيهم؟"

جاسر: "متقلقش يا عمي، جوان وأيهم كويسين، بس طلعوا على المستشفى عشان إلياس."

جمال: "إصابة إلياس خطيرة؟"

فهد: "تقريبًا آه."

جاسر: "لولا وجوده كانت جوان دلوقتي ميتة، الحمد لله إنه كان معاها."

محمد: "الحمد لله، جمال هتتصل بيوسف؟"

جمال: "أتصل أقول له إيه؟ مقدرتش أحمي بنتي وهي في بيتي، رغد قولي لحد من الخدم يجهزلي أوضة الضيوف."

نظرت له أمال بندم، إنها المرة الثانية التي ترفع فيها صوتها عليه أمام الجميع.

نظرت إلى سارة التي كانت صامتة ولامت نفسها على السير خلف كلماتها السامة، تدرك جيدًا أن ابنة شقيقتها غيورة وحقودة، ومع هذا كانت تنصاع خلف كلماتها.

أمال: "جمال استنى، عاوزة أتكلم معاك."

جمال: "مفيش كلام بينا تاني يا أمال، لما تبطلي ترمي ودنك لكلام ناس أبقى أفكر أسمع."

•••••••••••

ألقى الهاتف من يده بقوة على الأرض ليتفكك إلى ثلاث قطع، ولعن بصوت عالٍ، ليدخل على صوته ديفيد الذي قال:

ديفيد: "ماذا حدث؟ لما كل هذا الصراخ؟"

مارك: "هؤلاء المخنثون قد فشلوا في التخلص من تلك العينة الصغيرة."

ديفيد: "هل تمزح معي؟ إنها فرقة مكسيكية، كيف فشلت في هذا؟"

مارك: "لا أعلم، اللعنة، إن علم الزعيم بأمر ذلك الهجوم سوف يبحث في الأمر، وقتها ستكون نهايتنا يا ديفيد."

ديفيد: "لا تقلق، لن يعلم، الرجال الذين أرسلتهم للتجسس على تلك الفتاة أنا أحركهم بيدي."

مارك: "جيد، ولكن يجب أن نتحرك بسرعة، تلك الفتاة يجب أن نتخلص منها كما تخلصنا من شقيقتها وزوجها."

ديفيد: "ذلك الوغد فليتفحم في الجحيم، هو السبب في كل ما يحدث الآن."

مارك: "حتى بعد موته لم نتخلص من مشاكله."

ديفيد: "سنهاجم من جديد، ولكن هذه المرة يجب أن ينجحوا، سمعت؟"

•••••••••

في المستشفى دخلت جوان مع أيهم إلى ممر العمليات لتتفاجأ بإلياس مستلقيًا على الفراش وهناك الكثير من الأجهزة متصلة به.

خرج الطبيب وهو يشير إلى إحدى البيانات في الملف الخاص بإلياس.

الطبيب: "إنتوا تبع المريض؟"

أيهم: "آه، إيه الأخبار؟"

الطبيب: "الحمد لله، الرصاصة ما أصابتش عضوًا حيويًا، بس عملت نزيفًا، لكن قدرنا نسيطر عليه.

الحالة لحد دلوقتي مستقرة، بس هيفضل تحت الملاحظة لمدة اتنين وسبعين ساعة، لو عدوا من غير أي مضاعفات هيبقى كويس."

جوان: "يعني مش هيحصل له حاجة؟ هيبقى كويس؟"

الطبيب: "إن شاء الله، ادعيله بس."

جلست على أقرب مقعد أمام غرفته ولحق بها أيهم.

لم تمر لحظات وشعر برأسها الذي ألقته على كتفه وقالت بصوت خائف:

"هو هيبقى كويس؟"

أيهم بغيرة: "متقلقيش، ده زي القط بسبع أرواح."

جوان: "يارب."

أيهم: "بتحبيه أوي كده؟"

جوان باستغراب: "هو مين؟"

أيهم: "إلياس."

جوان بتنهد: "على فكرة، إلياس مش خطيبي."

أيهم بتفاجؤ: "نعم؟"

جوان: "والله إلياس مش خطيبي، إلياس أخ وصديق عزيز أوي على قلبي، مش أكتر، لكن هو مستحيل يكون حبيب في يوم من الأيام."

أيهم: "بس هو قال..."

جوان: "عارفة، هو كده بيحب يستفز اللي قدامه، بس طيب أوي، لما تعرفه هتحبه صدقني."

أيهم بغيظ: "ابن الـ..."

جوان بصوت حازم: "أيهم."

أيهم: "خلاص، لما يفوق أبقى أشتمه براحتي."

جوان بابتسامة: "أيهم، شكرًا على كل اللي عملته عشاني."

أيهم: "متشكرنيش، ده واجبي، وبعدين كويس إنك عرفتيني إنه مش خطيبك.

بس على فكرة لما نرجع البيت في كلام كتير أوي لازم نناقشه، أوكي؟"

جوان: "ماشي."

أيهم بمزاح: "إيه مالك مطيعة كده ليه؟"

جوان بعبوس: "على فكرة أنا بسمع الكلام أوي، بس إنت اللي مستفز."

أيهم: "ههه، فعلًا أنا اللي مستفز ولساني طويل."

جوان بانزعاج: "أنا لساني طويل؟ شكرًا يا حضرة الضابط."

أيهم: "بلاش حضرة الضابط."

اتسعت عيناها وهي تنظر له بصدمة من تلك الجملة التي قالها.

نظرت له بصمت بينما ابتسم الآخر وغمز لها بعينه وتابع:

"أوعي تقولي لحد، ده سر بينا."