Tunay na mapaglaro ang buhay. Kung kailan tumigil na si Lera sa paghahanap ay saka niya naman ito matatagpuan."Mama!" Kinarga niya ang nasasabik na si Arim. Mahigpit niya itong niyakap at paulit-ulit na hinalikan. Bukod sa na-miss niya ang anak ay nais niya din itago ang kaba na nararamdaman sa lalaking kaharap.Paano siya hindi babalutin ng kaba gayong kitang-kita na sa personal ang pagkakahawig ni Arim sa ama. Walang duda ilang hakbang na lang ang layo niya sa lalaking una't huling umangkin sa kan'ya.Damang-dama niya ang paninitig nito subalit hindi niya magawang salubungin ito. Kinakabahan siya. Bakit kasama nito si Arim? Alam na ba nito na ang bata ay kan'yang anak?"You're probably Arim's mother. Hi! I'm Lucas Valle." Inilahad nito ang kamay sa kan'ya.Umangat siya nang tingin.Mas lalong tumikas ang pangangatawan nito. At hindi niya rin maikakaila na angat ang pagiging magandang lalaki nito sa buong kalalakihan ng Sta. Ignacia. Paano

Pinangarap ni Lera na magkaroon ng magandang buhay at kompletong pamilya si Arim, subalit hindi niya inaasahan na ang tunay nitong ama ang magtutupad ng kan'yang pangarap.Inilibot niya ang mga mata sa napakalawak na bungad ng mansyon. Hindi lamang mataas na bakod ang kan'yang nakikita kun'di ang mga halamang bago sa kan'yang paningin. Kilala si Ginang Juana sa pangongolekta ng mga halaman, sa wari niya'y nagmula pa ang mga ito sa ibang bansa."Ako na po." Maagap niyang kinuha sa katulong ang isang maleta na naglalaman ng damit nila ni Arim. Subalit hindi ito ibinigay sa kan'ya."Let her, Lera." Napatigil siya sa pakikipag-agawan sa katulong nang magsalita si Lucas. Sumunod siya dito sa pag-akyat sa ilang baitang na hagdan patungo sa malaking pintuan ng mansyon.Napatingin siya sa anak, na nakayakap sa leeg ni Lucas. Hindi inaalis ng bata ang tingin sa kan'ya, animo'y natatakot na iwanan niya ito.Nginitian niya ang anak at masuyong inayos ang pagk

Ang kakaibang galak na nararanasan ni Lucas sa tuwing kasama si Arim ay nagkaroon ng mas malalim na kahulugan nang makompirma niyang anak niya ang bata.Masasabi niyang bukod sa malaking pagkakahawig nila nito, ay hindi rin marunong magtago ng sekreto si Lera. Napakadali niyang mabasa ang nasa isip nito dahil hindi ito magaling magsinungaling."Papa!" Mabilis niyang pinutol ang tawag kay Maica nang bigla ay tinawag siya ng anak, mula sa pamamasyal kasama ang kan'yang ina.Hindi niya pa nasasabi sa nobya ang katotohanang mayroon na siyang anak. Sigurado siyang magagalit ito at kahit ano'ng gawin niyang paliwanag ay hindi siya maiintindihan. Kailan ba siya inunawa ng nobya?Kinarga niya ang anak at masuyong hinalikan sa ulo. Hindi pa rin siya makapaniwalang makakaya ng isang bata na baguhin ang takbo ng kan'yang buhay."Nasaan po si mama?"Lumingon siya sa kan'yang likod at nakita doon ang balisang ina ni Arim. Inaamin niyang nakaramdam siya n

Kaibigang babae. Ito ang unang pagkakataon na nagkaroon si Lucas ng kaibigang babae maliban sa pinsan niyang si Haya. Napakaselosa ni Maica kung kaya't maging ang pagkausap niya sa kabaliktaran na kasarian ay ikinagagalit nito. Sinipat niya ang sariling repleksyon sa malaking salamin sa kan'yang kwarto. Napansin niya ang hindi maayos na pagkakatali ng kan'yang necktie kaya inulit niya ito. Makikipagkita siya sa kan'yang kapatid na si Zeus para sa business proposal na sinabi nito sa kan'ya, patungkol sa itatayo niyang negosyo sa Sta. Ignacia. "Tara na baby. Hintayin na lang natin ang papa mo sa baba." Mula sa salamin ay napatingin si Lucas kay Lera. Isang araw na din ang lumipas simula nang mapagpasyahan nila na magkasundo para sa anak. Tagumpay na hindi sila nag-away buong magdamag. "Hintayin na po natin si papa, mama." Napakamot ng batok si Lera sa sagot ng anak. Kanina pa siya naiilang na nasa kwarto siya ni Lucas habang nag-aayos ito ng sarili. Ayaw siyang

Isa sa pinakamasayang parte ng umaga ni Lucas ay imulat ang mata na si Arim ang makikita.Idinantay niya ang kan'yang kamay sa anak. Hirap pa siyang idilat ang mga mata mula sa mahimbing na pagkakatulog katabi ito, ngunit isang tili ang tuluyang nagpagising sa kan'ya.Mabilis siyang napabangon sa kama nang makitang si Lera ang kan'yang kayakap at hindi ang anak. Kapwa sila nanlaki ang mata sa posisyon na nabungaran.Akala niya'y umalis na ito sa kan'yang kwarto kagabi nang makatulog ang anak, pero mukhang mali ang iniisip niya dahil katulad niya ay bagong gising ito."Nasaan si Arim?" Huli na nang mapagtanto nilang wala ang bata sa kanilang gitna.Kaagad na bumangon sa kama si Lera at hinanap ang anak sa labas. Samantalang siya nama'y nanatili sa kama. Sa dami ng katulong sa kanilang mansyon ay sigurado siyang hindi naman ito nawawala.Napagawi ng tingin niya sa unan na ginamit ni Lera. Mayroon pa'ng ilang hibla ng buhok doon. Palagian niyan