LAKING gulat ng magbabarkada nang may magsalita sa bahagi ng counter. Pagbigkas pa lang ng bawat salita nito ay nakakikilabot na at nakatitindig-balahibo. Maging ang kaniyang ngipin ay manilaw-nilaw na may halong itim sa bahaging gilid. Maganda ang mukha nito na tila perpekto ang hugis at anggulo. Matipuno ang pangangatawan at ang kasingkinis ng artista ang balat at pati kulay nito. Sadyang ngipin lang nito ang pangit.“Ano ang aking maipaglilingkod, mga binibini at ginoo?” magalang nitong saad. “Huwag kayong mag-aalala, hindi ako cannibal para mangain ng mga tao,” birong sabi pa nito habang tumatawa pa.Nagkatinginan ang magbabarkada sa isa’t isa bago maglakad patungo sa counter na pinangunahan ni Prelim, kasunod si Kailyn, Cassandra, Tisay, Johan, at Benjamin.“Ma-may itatanong lang sana kami,” utal na sabi ni Prelim nang makalapit na sila. Lumingon pa siya sa mga kasamahan na binigyan lang siya ng tango.“Tawagin niyo akong Samuel,” pagpapakilala nito sabay lahad ng kamay kay Preli

HATINGGABI na ngunit hindi pa rin makatulog si Kailyn. Gusto niyang hintayin ang pagbabalik ng kaibigan niyang si Cassandra ngunit hanggang ngayon ay wala pa rin. Di na niya maiwasan ang makaramdam ng pagkabagabag.Wala sa sariling bumangon siya at lumabas ng tent. Napayakap na lang siya sa kaniyang sarili nang salubungin siya ng malamig na hangin. Napatingala tuloy siya sa langit at nakita ang liwanag ng buwan. Sana walang masamang nangyari kay Cassandra, hiling ng isip niya. Habang nakatingala at pinagmamasdan ang buwan ay nakarinig siya ng kaluskos sa bandang kagubatan kaya’t napalingon siya roon.Curiosity ang mas nangibabaw sa nararamdaman niya. Dahan-dahan siyang naglakad patungo sa kagubatan, at nang malapit na siya ay nagulat siya nang may bumulaga sa kanya.“S-Samuel!” tanging nasambit niya.Humalakhak si Samuel na tila isang baliw kung kaya’t 'di niya maiwasang mangilabot dahil sa pagtawa nito. “Hatinggabi na, binibini. Bakit gising ka pa nang ganitong oras?” wika ni Samuel

MAHIGIT isang oras nang nasa loob ng van si Benjamin habang humihithit ng sigarilyo. Panglima na niyang gamit iyon buhat nang umalis siya at iwan ang mga kaibigan niya. Nananatiling nakahinto ang sasakyan sa gitna ng kalsada upang doon siya magpalipas ng oras.Maya-maya pa, matapos maubos ang sigarilyo ay napagpasyahan niyang pumunta sa store ni Samuel. Agad niyang pinaharurot ang sasakyan patungo sa store. Pagkarating niya ay open ang store kung kaya’t madali na lamang siya nakapasok sa loob pero hindi nakabukas ang ilaw kaya madilim nang pumasok siya.“Samuel...” tawag niya sa pangalan ng may-ari ng store. “Samuel...” Ulit pa niya ngunit walang Samuel na sumasagot.Kahit madilim ay naglakad siya nang dahan-dahan at nangapa dahil hindi sapat ang maliit na bintana sa tabi ng counter upang makita niya ang kabuuan ng supplies sa loob ng store. Tanging sa counter lang talaga ang may bintana.“Yoo-hoo? Samuel...? Nakabukas ang store mo kaya pumasok ako!” sambit niya sa kawalan habang nagl

AGAD na bumaba ng sasakyan si Tisay nang huminto ang van nila sa tapat ng store ni Samuel. Sumunod na bumaba si Benjamin na sinundan naman nina Kailyn at Prelim. May naramdaman na namang kakaiba si Kailyn nang muli siyang umapak sa store ni Samuel. Tila ba’y may nais ipahiwatig sa kanya ang malamig na pakiramdam, ngunit wala siyang ideya kung bakit niya nararamdaman iyon.“Tisay, totoong wala nang buhay si Samuel!” pigil ni Benjamin kay Tisay nang akmang papasok na sila sa loob.Mataray na humalukipkip si Tisay. “Gusto ko lang ng patunay, Ben. Gusto kong bigyan ng hustiya ang pagkamatay ng boyfriend ko at ni Cassandra!” galit nitong turan.Sandaling natigilan si Benjamin pagkatapos ay huminga nang malalim. “Sige, kung ’yan ang gusto mo, ihahatid kita sa bangkay!” sarkasatikong tugon niya.“Pumasok na tayo sa loob,” aya ni Prelim.Unang pumasok sa loob ng store si Benjamin, sinundan naman siya nina Tisay, Kailyn at Prelim. Iginiya pa ni Benjamin ang mga kaibigan niya patungo sa likod n

“IKAW ang salarin sa pagpatay sa mga kaibigan ko!” wika niya sa pagmumukha ni Samuel kahit na gigil na nakikipag-agawan siya ng palakol.Ngumisi nang nakakaloko ang kaharap pero mas ikinagulat niya ang ginawa nito sa kanya. Nanlaki ang mata niya at biglang huminto ang tibok ng puso niya nang sinaksak sa kanya ni Samuel ang ulo ng palakol sa tiyan niya. May lumabas tuloy na dugo galing sa bibig niya. Hirap siyang makahinga ng maayos at mas lalong nanlalabo ang mga mata niya dulot ng sakit na pinararanas sa kanya. Namamanhid na rin ang buong katawan niya gawa ng itinulak siya ni Samuel kaya ngayon napahiga siya sa sahig habang kinakapos ng hininga.“Sa laban na ’to, ako ang nanalo at walang makapipigil sa nais kong pumatay ng nilalang!” dinig niyang sambit ni Samuel, kasabay niyon ang paghalakhak nito na mala-demonyo.Gusto niyang magsalita ngunit tila yata ang bibig niya ay ayaw bumuka. Gusto niyang murahin ang taong nasa harapan niya pero di niya magawa dahil hirap na siyang makahinga