Hindi ko alam kung paano akong naka-uwi sa apartment. Basta ang alam ko ay kalong-kalo na ako ng pinsan ko habang umiiyak. Paulit-ulit nyang hinagod ang likod ko para patahanin pero wala iyong naging silbi dahil maski ang sarili ko ay hindi ko kayang patahanin. Nakahawak parin ako sa dibdib ko dahil sobrang sakit no'n. "Gianna, naman. Sabihin mo naman saakin kung anong nangyari oh, nag-aalala na ako dito." Paulit-ulit na pakiusap ng pinsan ko sa akin. "Tama na kasi yung iyak baka atakihin ka na naman nyan eh," saway pa nito. Tumayo sya at hinanap ang inhaler ko saka ipinatong iyon sa ibabaw ng kama sa tabi nya. Tsaka nito hinagod ulit ang likod ko.Napakuyom ako ng kamao saka yumakap sa kanya ng sobrang higpit."Ginamit nya lang ako,Gael," iyak ko rito. "Ang gaga ko, Gael! Ang gaga ko!" Paulit-ulit ko iyong sinasabi sa gitna ng pag-iyak. Nakuyom ko ang sariling damit dahil sa gumuhit na sakit sa dibdib ko. Sa maikling segundo na iyon gano'n na lang kabilis umikli ang hininga ko. "
Last Updated : 2025-06-19
LOGIN
