All Chapters of أشرقت في قلبه: Chapter 71 - Chapter 80

شعر بتربيتة ناعمة على كتفه فالتفت نحوها مبتسما وهو يأخذها علي صدره ولا يزال عقله شاردا بشرط أبوي عروسة شقيقه أديب، لا ينكر أن طلبهما مشروع ولا إجحاف به، لكن داخله كان يتمني لو تزوج أخيه بشقة والدته. _ هتعمل ايه يا فيصل؟ تسائلت سيدرا ولا تزال مستكينة علي صدره ليغمغم: بفكر ومحتار، ماما زعلانة أوي بس بتحاول تداري زعلها،انتي عارفة انها من زمان كانت متعشمة اخويا يتجوز معاها ومايسبهاش، وأديب نفسه مصمم علي انه يتجوز في شقة. ماما، وفي نفس الوقت حابب البنت ومش عايز يسيبها. تنهدت تشاركه الحيرة: عندك حق حاجة تحير وأنا كمان زعلانة عشان طنط. ساد الصمت لبرهة قبل ان تبتعد عنه لتواجهه بقولها: أنا عندي حل كويس وهيرضي الكل. _ ايه هو يا سيدرا؟ _ سارة وأهلها مايعرفوش طنط ولا عاشروها، عكسي أنا اللي أبصم بالعشرة علي حنيتها وحكمتها وانها بالنسبالي أمي.. عشان كده ممكن أنا وأنت ننزل نعيش معاها ونخلي شقتنا لأديب يتجوز فيها هو وعروسته. _ مستحيل. قالها فيصل قاطعة ليستطرد: دي شقتنا اللي فيها ذكرايات جوازنا، أول مرة لمستك وكنتي ليا، أول مرة في كل حاجة حصلت بيني وبينك، مش ممكن أفرط فيها. ليوصل تبري

تعمد ان يتأخر بعودته مستاءًا أن يري أثر غضبه عليها، كان البيت هادئا فتفقد صغاره النائمون ثم توجه نحو غرفتهما بتثاقل، ليجدها نائمة وذراعها يتجلي عليه وشم كدمته الزرقاء أمام عينه لتزيده ندما وخزي. دني لفراشها المحرم عليه ثم أخرج من جيبه أنبوب صغير به علاج كريمي لكدمتها، أفرغ القليل منها علي طرف سبابته وراح يدلك ذراعها برفق شديد كي لا يوقظها حتى تشرب جلدها جرعة الدهان كاملة ليتوقف رضا عما يفعله، ودون أي يتردد أنحنى بشفتيه يلثم ذراعها برفق شديد كأنه يدمغها باعتذار لما سببه لها من ألم..ابتعد عنها ثم افترش الأرض مثل كل الليلة وتمدد بجسده ورأسه مائلا وعيناه مصوبة نحوها حتي تثاقلت أجفانه واستسلم للنوم وأخر ما رآه صورتها. لم يمض الكثير حتي تململت هي بنومتها تشعر بعطش كبير، اعتدلت تتجرع شربة ماء من كاسة جوارها والتفت لتراه نائما يفترش الأرض كعادته، تسلل لأنفها رائحة نفاذة تعرفها جيدا لكريم علاجي كانت تبيع مثله في الصيدلية التي عملت بها فترة، لتلمح أنبوب صغير يعلو "الكومود" التقطته لتتأكد انه هو، نظرت لكدمتها لتجد عليها أثرا من الكريم المعالج هذا فتحيد بعيناها تلقائيا لذاك الملاك النائم، ابتس

"تقرير الطب الشرعي وضح إن الطعنة اللي في منطقة البطن كانت خطيرة وكفيلة تنهي حياة المجني عليها بالفعل، لولا التدخل الطبي والجراحي السريع انقذ حياتها" مط المحقق شفتيه دون تأثر لزميله: عادي يا غيث، لسه ليها عمر. أومأ الأخير له موافقا قبل ان تلمع عينه بومضة غامضة: بس عارف، مش مقتنع إن سبب محاولة اخوها لقتلها فقط انه كان عايز منها فلوس، أشمعني الليلة دي اللي حاول يقتلها؟! حسب كلام الشهود ده حالهم كل يوم، ايه اللي خلي الأمر تطور للقتل الليلة دي بالذات؟ ليصنع غيث بسبابته دائرة وهمية في الهواء قائلا: في هنا علامة استفهام كبيرة! زميله مفسرًا الأمر ببساطة: متنساش إن المدمن بيفقد السيطرة تمامًا علي عقله وبيكون فعلا غير مدرك للي بيعمله. غامت عين "غيث" بشخوص أكبر مفكرا مع تمتمته: فحص اللاب توب بتاع المجني عليها كان تقريبا مش عليه أي معلومة توصلنا لشخص ما كانت بتكلمه. _ أنت شاكك انها. قاطعه غيث بحسم: جريمة شرف. _ علي أي أساس بنيت ظنك ده؟ صمت لبرهة قبل ان يعرض ما لديه: المجني عليها كانت لابسة قميص نوم وقت وقوع الجريمة. _ عادي، واحدة المفروض انها في بيتها و أوضتها الخاصة وواخد

عبست وهي تجده يفترش الأرض وتذكرت كم أتعبها النوم عليها، فقالت بتذمر: رضا تعالى نام مكانك، مش هسيبك تنام على الأرض تاني. غمغم ببرود: مالكيش دعوة. هتفت فاقدة حذرها: لأ منا مش هنام على الأرض تاني أنا تعبت. ضاقت عيناه وهو يرمقها بتساؤل، لتتدارك أمرها سريعا: قصدي يعني ان انت اللي تعبت أكيد من النومة دي. أخفي ابتسامته بأعجوبة وعاندها بتسلية قائلا: بردو مالكيش دعوة.. أنا مرتاح كده. راقبته بحنق لتأخذ قرارها بحسم وهي تنهض لتستلقي جواره، ليلتفت نحوها بدهشة مواريا داخله إعجابه بما تفعل : ايه ده بقا ان شاء الله؟! قالت وهي تسحب وسادته من تحت رأسه لترتاح عليها هاتفة بعناد: مش انت مش راضي ترجع تنام مكانك؟ خلاص أنا هنام جنبك واتحمل بقا ذنبي أنا وابنك اللي مش هتريحه النومة دي. أشار لها بصرامه مع قوله: أرجعي نامي مكانك. هزت رأسها بعناد أكبر: لأ.. مش هرجع غير لو انت نمت هناك. رمقها لبرهة حانقا ثم زفر بضجر ونهض يلملم طبقات فراشه ثم سحب الوسادة عنوة من أسفلها بغيظ لتصطدم رأسها بالأرض فتئن قائلة: آآه..حرام عليك هتجبلي ارتجاج. وجدته يضجع علي فراشهما لتنهض مبتسمة بانتصار، ثم وقفت أمام المرآ

كان للصغار نصيبا كبيرا من السعادة وأشرقت تستعرض ما جلبته لأجلهما بحنان ليعانقاها بحب صافي فرحين بهداياهم، بينما هو يراقبهم برضا وراحة وقد اكتملت سعادته واصطبغت أجواء بيته بالسكينة، لا يطمع في أكثر من ذلك. عبر لغرفته وقام بصلاة العشاء التي تبعها بصلاة شكر لله علي ما رزقه من سعادة. _ الحمد لله رحمة ومازن عجبهم اللي اشتريناه ليهم وناموا فرحانين علي الأخر. نهض من فوق سجادة الصلاة وانضم لها في الفراش ملتقطا كفها مقبلا إياه بتقدير هامسا: ربنا يخليكي ليا يا أشرقت، قدرتي تعوضي اخواتي الحنان اللي كانوا محرومين منه، انتي بقيتي ليهم أم بجد مش مجرد مرات أخ، اتمني مفيش حاجة تتغير بعد ما تولدي، أوعي في يوم تكسري خاطر اليتامي دول يا أشرقت. ابتسمت متفهمة مشاعره وقلقه وهي تأخذ رأسه علي صدرها محتوية إياه بحنان أمومي مغمغمة: مقدرش ألومك وبدايتي معاهم كانت قاسية، بس تعرف يا رضا؟ أجمل وأصدق حاجة قولتها اني بقيت ليهم أم، هو ده فعلا إحساسي بيهم، دول أول تجربة أمومة حقيقية بعيشها وحتي لما ربنا يكرمنا بأبننا هيفضلوا ولادي وفي عيوني، والأيام هتثبتلك كلامي. تمرغ علي صدرها بدلال يحتاجه وذراعه تشتد فوق خصرها