Dark Romance Web Novels & Actor / Actress Hate to Love Stories

Papaano maging isang mabuting babae kung pati panahon ay hindi nakiki-ayon? Siya si Mary Magdalene Bartolome o mas kilala sa pangalang Maria. Inapi, inalipusta, inagawan ng karapatan at higit sa lahat pinagtaksilan ng kanyang minamahal. Walang kakampi, lahat tingin sa kanya ay basura at parausan kahit na ibinigay na niya ang lahat-lahat sa kanya. Gumuho ang kanyang mundo, nasadlak sa gitna ng kadiliman na nag-iisa. Nang muling tumayo ay nangako sa kanyang sarili na siya naman ang magiging panira sa mga taong nanlapastangan sa kanya. Naging mas matatag, mas marahas at mas delikado ang kanyang naging karakter. Wala ng puwang sa kanya ang salitang awa at pagpapatawad. Subalit ano ang kanyang gagawin kung muling magkrus ang landas nila ng bilyonaryong bumili sa kanya na kanyang natakasan? Mapapanatil kaya niya ang kanyang pagiging bagong Maria na hinubog na ng panahon at kanyang mga pinagdaanan sa buhay?

HIS UNWANTED BRIDE: ANG ASAWA NG MAFIA BOSS Akala ni Alessandra Reyes, ang pinakamalaking pagsubok sa buhay niya ay ang mawalan ng amang naging sandigan niya sa lahat ng pagkakataon. Ngunit matapos ang libing nito, isang lalaking hindi niya lubos na kilala ang dumating upang guluhin ang mundong pilit niyang binubuo. Si Matteo De Luca—isang makapangyarihan, misteryoso, at kinatatakutang lalaki na nagmula sa pamilyang may madilim na reputasyon. Sa halip na magbigay ng pakikiramay, ibinunyag nito ang utang na iniwan ng kanyang ama at nag-alok ng isang kasunduang hindi niya kailanman inasahan. Pakakasalan niya si Matteo kapalit ng pagkakansela sa utang. Isang kasal na walang pagmamahal. Isang lalaking puno ng lihim. At isang babaeng walang ibang hangad kundi malaman ang katotohanan. Ngunit habang papalapit ang araw ng kanilang kasal, unti-unting nabubuksan ang mga lihim na matagal nang nakabaon sa nakaraan. May mga lumang dokumentong nag-uugnay sa kanilang mga pamilya, mga babalang dumarating mula sa hindi kilalang tao, at ang misteryosong pagkawala ng kanyang kuya na si Adrian—isang pangyayaring tila may kaugnayan sa lahat ng nangyayari ngayon. Bakit tila kilala na ni Matteo ang kanyang ama bago pa sila magkita? Ano ang tunay na dahilan sa likod ng kasunduang ito? At bakit may mga taong handang gumawa ng anumang bagay upang manatiling nakatago ang katotohanan? Sa mundong pinamumunuan ng kapangyarihan, matututuhan ni Alessandra na hindi lahat ng halik ay nangangahulugan ng pag-ibig, at hindi lahat ng kaaway ay madaling makilala. Habang sinusubukan niyang protektahan ang kanyang pamilya at hanapin ang nawawalang bahagi ng kanyang nakaraan, isang tanong ang patuloy na gumugulo sa kanyang puso: Paano kung ang lalaking napilitan siyang pakasalan ang siya ring taong magliligtas sa kanya—o tuluyang sisira sa kanyang buhay? Sa isang kasal na nagsimula sa utang at sapilitan, may pag-ibig kayang mabuo sa gitna ng mga kasinungalingan?

Ako si Ellaine Sandoval. Maganda, sexy, sikat, at higit sa lahat ay mayaman. Lahat ng kababaihan sa buong bansa ay tinitingala at kinaiinggitan ako. Pero sa kabila ng lahat ng ito, walang nakakaalam sa aking pinakatatagong lihim. Ngunit masisisi ba nila ako kung ito lang ang tanging naging paraan ko para makuha at marating kung ano ang mayroon ako ngayon?

Naging alipin ng lungkot at bangungot si Drake, ng mawala ang pinakamamahal niyang si Janella dahil sa kanyang kagagawan. Ang masakit pa, dala dala nito ang magiging anak na sana nila. Sa galit ng magulang nito sa kanya, ni hindi na niya nalaman kung saan ito inilagak ng mga magulang nito. Akala niya ay hindi na siya iibig muli, subalit, biglang tumibok ang puso niya, sa isang babae, si Justine, na hindi niya makausap man lang ng maayos, dahil parang galit na galit ito sa kanya. Paano niya paaamuin ang isang matapang na lion, kung hindi niya alam kung ano ang pinaghuhugutan ng inis nito sa kanya? o siya ang lalayo sa babae kapag nalaman niya ang lihim sa pagkatao nito?

THE STRANGER I SLEPT WITH Ayaw ni Criliah, isang heiress, na ipakasal sa lalaking pinili ng kanyang pamilya. Kaya bago tuluyang mawala ang kalayaan niya, tumakas siya sa isang bar para magsaya. Doon, nakilala niya ang isang misteryosong estranghero—isang lalaking hindi niya kilala, ngunit sa isang gabi, naging dahilan para makalimutan niya ang lahat. Akala niya, isang gabing hindi na mauulit. Hanggang sa kinabukasan, muli niya itong nakita.