Romances Online sobre Mystery e Histórias com Billionaire e Hate to Love

Sa mundong pinaghaharian ng kapangyarihan, pera, at mga lihim na matagal nang ibinaon sa nakaraan, isang kasunduan ang muling bubuhay sa mga sugat na hindi kailanman tuluyang naghilom. Si Cielo Arcega ay isang kilalang arkitekto at nag-iisang tagapagmana ng Arcega Group. Buong buhay niyang pinatunayan na kaya niyang magtagumpay nang hindi umaasa sa apelyido ng kanilang pamilya. Ngunit sa isang iglap, gumuho ang lahat ng plano niya nang ipagkasundo siya ng kanyang ama sa lalaking pinakaaayawan niya—si Aelion Voss. Matalino. Makapangyarihan. At imposibleng basahin. Bilang CEO ng pinakamalaking shipping empire sa bansa, sanay si Aelion na kontrolado ang lahat ng bagay sa paligid niya. Maliban kay Cielo. Ang dapat sana'y simpleng kasunduan sa negosyo ay unti-unting naging isang mapanganib na laro ng damdamin. Habang mas nakikilala nila ang isa't isa, natutuklasan nilang hindi lamang negosyo ang dahilan kung bakit sila pinagtagpo ng kanilang mga pamilya. May isang lihim na koneksyon sa pagitan ng kanilang mga magulang. Isang pagtataksil. Isang trahedya. At isang kasalanang naghintay ng maraming taon upang singilin sila. Habang pilit nilang nilalabanan ang damdaming hindi dapat umusbong, mas lalo silang hinihila ng tadhana palapit sa isa't isa. Ngunit paano kung ang mismong pagmamahalan nila ang bunga ng mga kasinungalingang sumira sa dalawang pamilya? Paano kung ang lalaking unti-unti mong minamahal ay bahagi ng nakaraan na matagal mo nang sinusubukang takasan? At paano kung ang tanging paraan upang maging masaya ay ang piliing mahalin ang taong hindi mo dapat mahalin? Sa pagitan ng galit, paghilom, obligasyon, kalayaan, at ng nakaraan at hinaharap, susubukin nina Cielo at Aelion kung sapat ba ang pag-ibig upang putulin ang siklong matagal nang bumihag sa kanilang mga pamilya. Dahil minsan, ang pinakamalaking trahedya ay hindi ang mawala ang taong mahal mo. Kundi ang matagpuan siya sa panahong hindi mo na dapat siyang mahalin.

Hindi kailanman inakala ni Althea Ramos na ang isang simpleng trabaho bilang secretary ay magdadala sa kanya sa isang kontratang kasal kasama ang pinakamalamig at pinakamakapangyarihang bilyonaryong si Sebastian Monteverde. Isang taon ng pagpapanggap. Habang unti-unting lumalabo ang hangganan ng kanilang pekeng pagsasama, isang madilim na lihim ang nabunyag. Ang pagkamatay ng mga magulang ni Lucas, ang batang naging tulay nila, ay maaaring hindi aksidente. Natuklasan ni Althea na hindi lamang ang siya ang pwedeng malagay sa panganib kundi pati pamilyang niya. Dahil sa larong ito ng pag-ibig, kasinungalingan, at panganib, sino ang tunay na kalaban?