Novel & Cerita Web Hidden Identity Pregnant

“Buong buhay ko, sinubukan kong maging anak na karapat-dapat ninyong mahalin—pero kayo pala ang unang nagplano na wasakin ako! Ampon lang ba ako sa paningin ninyo, kaya handa ninyong isakripisyo ang buhay ko para kay Chloe?! Sa loob ng maraming taon, tiniis ni Claire Bennette ang sakit ng pagiging isang ampon sa pamilyang Bennette. Kahit anong sakripisyo ang gawin niya, hindi niya kailanman nakuha ang pagmamahal na matagal na niyang hinahangad. Para sa mga magulang niyang sina Mr. Bennette at Mrs. Bennette, palaging mas mahalaga ang tunay nilang anak na si Chloe Bennette. Ngunit ang pinakamasakit na katotohanan ay hindi lamang ang kawalan ng pagmamahal ng kaniyang pamilya, kundi ang lihim na planong ginawa nila upang sirain ang kaniyang buhay at ilayo siya sa asawang si Ethan Brooks. Si Claire Bennette ang legal na asawa ni Ethan Brooks, ngunit matagal nang inaasam ni Chloe Bennette na maagaw ang lalaki mula sa kaniyang kapatid. Sa likod ng mga ngiti at pagpapanggap, nagtatago ang mga kasinungalingan na maaaring tuluyang magwasak sa kanilang pagsasama. Ang mas nakakagulat? Si Claire Bennette pala ang tunay na nagbigay ng kidney na nagligtas sa buhay ni Ethan Brooks, ngunit si Chloe Bennette ang pinaniniwalaan niyang tagapagligtas. Ginamit ng pamilya Bennette ang lihim na ito upang panatilihing nakakulong si Ethan Brooks sa utang na loob at ilayo siya sa katotohanan. Sa pagitan ng pagtataksil, selos, at pag-ibig na sinusubok ng kasinungalingan, kakayanin pa kaya ni Claire Bennette na ipaglaban ang sarili? At kapag tuluyan nang nabunyag ang katotohanan, magsisisi kaya si Ethan Brooks sa pananakit sa babaeng tunay na nagligtas sa kaniya? Dahil minsan, ang pinakamapait na katotohanan ay ang matuklasang ang sarili mong pamilya ang unang sumaksak sa puso mo.

Para iligtas ang sarili mula sa kasakiman ng sariling pamilya, napilitan si Tala Consuelo Velez na isuko ang kaniyang puridad sa isang misteryosong lalaki sa gitna ng dilim sa loob ng isang luxury yacht. Ang gabing iyon ng pagtakas ay nag-iwan ng hindi malilimutang marka—at ng dalawang buhay sa kaniyang tiyan. Ngunit nang subukan siyang ipagbili ng kaniyang pamilya kasama ang kaniyang mga anak, ginawa ni Tala ang lahat: tumakas siya, nanganak sa gitna ng aksidente, at pinalabas na patay na siya upang maprotektahan ang kaniyang anak. Limang taon ang lumipas, nabubuhay si Tala bilang isang simpleng janitress sa isang kilalang marine research center. Ang hindi niya alam, ang bago at kinatatakutang billionaire owner ng pasilidad—si Cassian Zobel-Madrigal—ay ang mismong lalaki noong gabing iyon. Ang mas matindi, limang taon na pala siyang hinahanap nito bitbit ang naiwan niyang silver necklace... at ang isa sa kaniyang nawawalang anak. Ngayong nagtagpo muli ang kanilang mga landas, kakayanin ba ni Tala na harapin ang bilyonaryong handang angkinin siya at ang kaniyang mga anak, o muli siyang lalamunin ng mga lihim at panganib ng nakaraan?

Limang taon nang nagtatago si Seraphina sa ibang pangalan kasama ang kanyang apat na taong gulang na kambal. Ang tanging layunin niya ay protektahan ang mga anak sa pamilya De Salcedo—ang angkan na nagpalayas at nagbintang sa kanya sa kasalanang hindi niya ginawa. ​Ngunit dahil sa isang aksidente, napilitan siyang dalhin ang mga bata sa pinakamalaking ospital sa bansa. Doon, muli niyang nakaharap si Dr. Cassian De Salcedo—ang sikat na billionaire neurosurgeon, ang lalaking hindi siya maalala dahil sa amnesia, at ang ama ng kanyang mga anak. ​Akala ni Seraphina ay makakatakas siya agad matapos magamot ang kambal, pero hindi siya pinakawalan ni Cassian. Ngayong hawak ng doktor ang DNA results at ang mga sagot sa nawala nitong memorya, gagawin ni Cassian ang lahat para panatilihin si Seraphina at ang mga bata sa piling niya.

“Limang Milyon BFF, pumayag ka na please. Mas malaki yan kumpara sa mga nakaraan offer sa'yo. Makakapagbagong buhay ka na at mapapagamot mo pa ang iyong ama.” Malambing na pakiusap ni Selena sa kaibigan niyang si Nicole. Tatlong taon nang kasal si Selena kay Christopher, isang mayaman at kilalalang negosyante sa bansa. Buong akala ng lahat ay perpekto na ang kanilang pagsasama subalit may bagay na sumisira sa kanilang kaligayahan. Hindi mabigyan ng anak ni Selena si Christopher. Kaya naman nagpasya si Selena humingi ng tulong sa kanyang matalik na kaibigan, si Nicole Sevilla. Dating surrogate si Nicole. Kailangan niya ng pera upang maipagamot ang kanyang ama sa ibang bansa at makaahon sa mga problemang pinansiyal ng kanyang pamilya. Pumayag si Nicole sa kasunduan ngunit hindi alam ni Selena na matagal ng may gusto si Nicole at lihim na pag-ibig sa kanyang asawa. Sinimulan nila ang proseso kaya naman ilang beses nilang sinubukan sa pamamagitan ng natural conception, ngunit palaging nabibigo dahil palihim na umiinom ng contraceptive pills si Nicole. Ayaw pa niyang mabuntis dahil may isang dahilan pa siya na hindi alam ni Selena. Hindi nagtagal, unti-unting naging mas malapit sina Christopher at Nicole. Tuluyan nang nahulog si Christopher sa bitag nito, hanggang sa ang dapat sana’y simpleng pagtatangka para sa natural conception ay nauwi sa lihim na pagtatalik na ilang beses nilang inulit. Hindi alam ni Selena na ang babaeng pinagkatiwalaan niyang magdala ng kanyang pangarap ang siyang unti-unting magnanakaw ng kanyang asawa. At kapag nabunyag ang katotohanan, maaaring hindi lamang ang kanilang kasal ang tuluyang masira. Dahil may mga lihim ang pamilya Martinez na matagal nang nakatago kaysa sa kanilang ilang taong pagsasama. May mga pangakong binali. May mga katotohanang binili ng pera. At may isang babaeng matagal naghihintay sa pagkakataong baguhin ang kapalaran ng lahat.

Pitong taon ang nakalipas nang mawala si Claire Bennett sa buhay ni Alexander Hayes, ang lalaking minsan niyang minahal ngunit pinili siyang bitawan dahil sa isang kasinungalingang nagpabago sa lahat. Sa loob ng Pitong taon, mag-isa niyang pinalaki ang kanilang anak na si Lily, isang batang hindi kailanman nakilala ang sariling ama. Nang bumalik si Claire sa lungsod, wala na siyang balak balikan ang nakaraan. Ang tanging hangad niya ay ang mabigyan ng magandang kinabukasan ang kanyang anak. Ngunit isang hindi inaasahang pagkakataon ang muling nagtagpo sa kanilang landas. Nang malaman ni Alexander ang katotohanan, na may anak silang dalawa, handa nitong gawin ang lahat upang maibalik ang pamilyang minsan nitong pinabayaan. Ngunit paano kung ang babaeng nasaktan nito ay hindi na naniniwala sa pangalawang pagkakataon? Habang unti-unting nabubunyag ang mga lihim ng nakaraan at ang tunay na dahilan ng kanilang paghihiwalay, masusubok ang pag-ibig, tiwala, at pagpapatawad. Sa laban ng puso at katotohanan, sapat pa kaya ang pagmamahal upang mabuo ang isang pamilyang matagal nang nawasak?

Gumuho ang marangyang buhay ng dating heiress na si Astrid Madrigal. Upang maipagamot ang may-sakit niyang apat na taong gulang na anak na si Ezra, napilitan siyang magpanggap bilang isang simpleng staying housemaid. Pero tila pinaglalaruan siya ng pagkakataon. Ang bago niyang amo sa mansyon ay walang iba kundi si Valerius Del Rosario—ang ruthless CEO na nagpabagsak sa pamilya niya limang taon na ang nakararaan, at ang lalaking nakasama niya sa isang gabi bago siya tuluyang tumakas. ​Sa gitna ng desperasyon, inalok siya ni Valerius ng isang kontrata: maging kasal sa papel sa loob ng anim na buwan kapalit ng buhay ng kanyang anak. ​Sa likod ng makapal na salamin, lumang damit, at itinatagong pangalan, kakayanin kaya ni Astrid na gampanan ang pagiging katulong at sekretong asawa nang hindi natutuklasan ang pinaka-ingat-ingatan niyang lihim? ​Lalo na’t habang tumatagal, mas lalong naghihinala ang milyonaryo… at ang pamilyar na bawat haplos nito.

Si Ysabel Dela Vega ay isang sikat na romance writer na biglang nagkaron ng writers block kaya hindi na makapagsulat ng mga love stories mula nang mamatay ang kanyang ama sa isang “aksidente.” With her writing career on the verge of collapse and her contract at risk of being canceled, napilitan siyang sumama sa kaibigan niya sa isang bar, kung saan nakilala niya si Marco—a mysterious man who seems to have zero interest in love. Isang gabi lang ang inaakala niyang magiging escape niya mula sa lahat ng stress at pain na dinadala niya. But five weeks later, dalawang pulang guhit ang bumago sa buong mundo niya. She's pregnant with a man whose last name she doesn't even know. Mas lalong naging complicated ang lahat nang bumalik si Marco sa buhay niya bilang bago niyang bodyguard, this time under a different identity and the name MJ. He acts like they've never met, as if the night they shared never happened. What Ysabel doesn't know is that MJ is actually a secret agent assigned to protect her because of a dangerous secret her late father left behind. But the biggest betrayal is yet to come. Their meeting was never a coincidence, and the man she might have started to trust is the same man who lied to her from the very beginning. Now, caught between a dangerous secret, a painful betrayal, and a baby she hasn't told him about, Ysabel must decide whether to trust the man who used her for a mission or fight on her own to protect herself and the child growing inside her. Because sometimes, the most dangerous love story isn't the one you write—it's the one you're forced to live.

Sa hirap ng buhay ngayon, kahit anong trabaho ay papatusin na ni Vashti. When the owner of the Red Nightclub offered her a way out through a forced marriage, she didn't hesitate to say yes. The deal was simple: become the fourth wife of an ultra-rich billionaire and give him an heir. In return, she gets a secured, wealthy life. She thought it would be an easy job... pero gumuho ang kanyang pag-asa nang makilala ang kanyang mister sa araw ng kanilang kasal. He is not a weak, old man. He is ruthless and treats her womb like a transaction. “Get pregnant, or you’ll end up dead just like the ones before you.” Now, Vashti is trapped in a deadly game of survival. Can a poor, nameless girl break the underworld billionaire's curse, or will she become just another dead wife in his empire?

Sa loob ng tatlong taon, naging isang tahimik at masunuring asawa si Ria kay Tristan Madrigal. Nagluto siya, nag-alaga ng bahay, at tiniis ang pambabalewala ng pamilya nito—lahat ng ito habang itinatago ang kaniyang totoong pagkatao bilang si Adriana Araneta-Leviste, ang nag-iisang tagapagmana ng isa sa pinakamayamang pamilya sa bansa. Sa mismong kaarawan ni Tristan, dalawang malaking lihim ang nalaman ni Ria. ​Una, buntis siya sa kaniyang panganay. Pangalawa, kailanman ay hindi siya minahal ng kaniyang asawa. Narinig ni Ria ang masakit na katotohanan mula mismo sa bibig ni Tristan. Pinaplano ng pamilya nito na palalabasing baog at walang kwenta si Ria para palayasin siya, upang maipakasal si Tristan sa biyuda nitong hipag na si Kirsten—na may makapangyarihang koneksyon para isalba ang naghihingalong negosyo ng mga Madrigal. At hindi man lang nag-atubili si Tristan na sumang-ayon. Para sa kaniya, si Ria ay isang simpleng katulong lang sa bahay. Sa halip na magwala o umiyak sa harap nila, tahimik na tumalikod si Ria. Pinalabas niyang nawala siya sa isang aksidente, inagaw ang kaniyang kalayaan, at iniwan ang signed divorce papers. Limang taon ang nakalipas, tuluyan nang naghihirap ang pamilya Madrigal. Sa gitna ng kanilang kagipitan, nagmakaawa si Tristan at ang kaniyang pamilya sa pinakakinatatakutang bilyonaryo sa bansa na si Sebastian "Baste" Ortigas para sa isang bailout. Pero nang bumukas ang pinto ng boardroom, hindi nag-iisa si Sebastian. Sa tabi niya ay nakatayo si Adriana Araneta-Leviste—mas maganda, mas classy, at hawak ang walumpung porsyento ng lahat ng utang at ari-arian ng mga Madrigal. Nang makita ni Tristan ang dating asawa na itinapon niya noon, gagawin niya ang lahat para magmakaawa at mabawi ito. ​Pero nakatayo na sa likod ni Adriana si Sebastian Ortigas—at wala nang balak ang bilyonaryo na pakawalan pa ang babaeng matagal na niyang pinoprotektahan.