Romans Action & Histoires Hidden Identity Revenge

Nang mamatay ang kanyang kambal na si Margaux, napilitang magpanggap si Harriet Villaverde—isang elite Chief of Black Operations—bilang ang yumaong kapatid upang matunton ang tunay na salarin. Ang problema? Kailangan niyang tumira sa iisang bubong kasama ang ubod ng suplado at bilyonaryong CEO na si Rayver Montemayor, magpanggap na asawa nito, at maging mommy ng napaka-cute nitong limang taong gulang na anak. Habang pilit niyang itinatago ang kanyang tunay na pagkatao, hindi niya alam na may sarili ring lihim ang kanyang "asawa." Sa gitna ng mga bala, kasinungalingan, at nakakatawang bangayan, unti-unting mabubuo ang isang pamilyang nagsimula lamang sa pagpapanggap. Pero paano kung ang lalaking hindi niya dapat mahalin... ang siya ring susi sa katotohanang ipinagkait sa kanilang lahat?

Umuwi si Evangeline Roxas para lang sa isang bagay: kunin ang natatanging pamanang iniwan ng kaniyang yumaong ina mula sa Ordo Dei—isang sinaunang at makapangyarihang secret society. Pero sa halip na bagong panimula, bitag ang nadatnan niya. Nabaon sa utang ang kaniyang pamilya. Para mabayaran ang lahat, ipinagkasundo siya ng kaniyang sariling ama sa isang mapanganib na warlord. Nang subukan pa siyang lasunin ng kaniyang stepmother, naging malinaw kay Evangeline ang lahat—wala siyang pamilyang babalikan. Sa gitna ng kaniyang pagtakas, nahulog siya sa mga kamay ni Gideon Aragon, ang lider ng isang kilalang mercenary group na may sariling galit sa Ordo Dei. Parehong may gustong bawiin at parehong gustong gumanti, nagkasundo ang dalawa na magsanib-puwersa para pabagsakin ang mga taong nagtaksil sa kanila. Pero sa mundong puno ng lihim at baril, walang sinuman ang pwedeng pagkatiwalaan. Habang unti-unting lumalabas ang mga totoong motibo ng bawat isa, kailangang mamili ni Evangeline: ang manatiling biktima, o maging mas mapanganib pa sa mga taong gustong sumira sa kaniya.

Tatlong buwan matapos mamatay ang kanyang ama, napilitang lumipat ang dalawampu't dalawang taong gulang na si Celine Rivera sa Hacienda Villafuerte sa Moncada, Tarlac—ang tahanan ng bago niyang stepfather at ng lalaking unang araw pa lang ay gusto na niyang layuan. Sa unang gabi, dahil sa nakaawang na pinto ng lumang library, aksidente niyang nasaksihan ang isang pribadong eksenang hindi niya dapat nakita. Mula noon, tuwing magkakaharap sila, gusto na lang niyang lamunin siya ng lupa sa sobrang hiya. Ang mas malala? Ang lalaking iyon ay si Allister Dela Rosa—ang guwapo, dominante, at kilalang playboy na itinuturing ng lahat bilang ampon ng kanyang stepfather. Habang nauuwi sa walang tigil na asaran ang bawat pagkikita nila, napapansin ni Celine na may mga bagay tungkol kay Allister na hindi maipaliwanag. May mga gabing bigla itong nawawala. May mga armadong lalaking yumuyuko at tumatawag dito ng "Supremo." At kahit hindi ito kilala ng publiko, may mga makapangyarihang tao na tila nanginginig sa pagbanggit ng codename nitong... White Demon. Ngunit ang pinakamalaking sikreto... Hindi aksidente ang pagpasok ni Allister sa Hacienda Villafuerte. Pitong taon na siyang nagpapanggap na ampon ng lalaking pinaghihinalaan niyang pumatay sa kanyang mga magulang. Pitong taon na siyang naghihintay ng pagkakataong pabagsakin ang imperyong itinayo sa kasinungalingan, dugo, at nakaw na kayamanan. Ngunit habang papalapit siya sa katotohanan, may natuklasan siyang hindi niya inaasahan. May isa na namang pamilyang unti-unti nang nahuhulog sa parehong bitag na minsang sumira sa kanyang buhay. At sa pagkakataong ito... Kasama roon si Celine Rivera. Paano kung ang lalaking una niyang kinaiinisan... Siya rin palang misteryosong bilyonaryong namumuno sa kinatatakutang underground organization na White Demons? At paano kung ang "malaking sekreto" na una niyang nasaksihan sa library... Ay iyon pa lang ang pinakamaliit na lihim na itinatago ni Allister?