Contemporary Web Novels & Twins Substitute Bride Stories

(Castiel Revamonte’s Story) Alam ni Joana na hindi permanente ang pananatili niya sa tabi ni Castiel—ang asawa ng kanyang kakambal. Pinalitan niya ang kanyang kakambal sa pagpapakasal dito hanggang sa makabalik ang babae mula sa kung saang lupalop ng mundo. Ayos na sana kung hindi lang pasaway ang utak, puso at katawan niya. Minahal niya si Castiel at bumukaka siya rito na hindi naman dapat. Kaya naman nang bumalik ang kanyang kakambal, wala siyang nagawa kundi luhaang iwan ang lahat. Iniwan niya si Castiel ngunit dala-dala naman niya sa kanyang sinapupunan ang pinunla nito. Four years later, they met again and he was mad—raging mad at her for leaving him and for keeping their daughter.

Sa isang iglap, nagising si Kyline sa bangungot na hindi kanya, isang silid na madilim, isang lalaking hindi niya kilala, at isang pagkakakilanlang hindi kanya ang isinuksok sa kanyang pagkatao. Sa harap ng malamig at mapanganib na presensiya ni Shawn Constantino, pinilit niyang tanggapin ang kasinungalingang siya si Karen, ang kanyang kambal na kapatid na biglang naglaho. Ngunit higit pa sa takot at poot ang bumabalot kay Kyline. Sa bawat salita ng kanyang ama, unti-unting nalalantad ang masakit na katotohanan na ginamit siya bilang kapalit sa isang kasunduang nakataya ang kapalaran ng buong pamilya nila. Sa ilalim ng mga lihim at panlilinlang, napilitan siyang gampanan ang papel ng isang asawa sa lalaking galit na galit sa kanya, isang lalaking hindi kailanman magtitiwala. Hanggang kailan niya kayang itago ang tunay niyang pagkatao? At kapag natuklasan ni Shawn ang katotohanan, magiging kapatawaran ba o kapahamakan ang kahihinatnan ng kanyang puso? Isang kwento ng pag-ibig, pagtaksil, at kapalarang pilit ipinaglalaban sa gitna ng dilim.

Married to My Twin's Billionaire Habambuhay nang nabuhay si Margaux sa anino ng kanyang kambal na si Marga. Habang si Marga ang paborito ng pamilya, si Margaux naman ang laging naiiwan. Lalo pang nadurog ang puso niya nang malaman niyang si Marga ang ikakasal sa lalaking matagal na niyang lihim na minamahal—ang bilyonaryong si Cloud Devron. Pero isang gabi bago ang kasal, biglang naglaho si Marga matapos pakiusapan si Margaux na siya muna ang pumalit bilang bride at alanganin man ay pumayag pa rin siya para isalba ang pamilya na hindi naman siya pinahalagahan. Ngayon, kailangan ni Margaux gampanan ang papel ng asawa ni Cloud. Isang katuparan sana sa pangarap niyang ibigin ang lalaki subalit ipinaramdam sa kanya ni Cloud na hindi siya talaga ang gusto nitong makasama. Sa paglipas ng araw kahit nasasaktan ay mas pinili pa rin niyang manatili sa tabi ng asawa kahit na hindi naman siya nito pinapansin. Sa kabilang banda, hindi naman naging magkasintahan sina Cloud at Marga pero napagkasunduan lang silang ipaksal para sa negosyo. Subalit si Cloud mismo ang humiling na si Marga ang gusto niyang pakasalan dahil sa isang pangyayari sa kanilang kabataan na akala ni Cloud ay si Marga ang nagligtas sa kanya. Pero paano kung ang bata pa lang yon ay si Margaux at hindi si Marga? At paano kung babalik si Marga at hadlangan ang umuusbong nilang pag-ibig sa pag-aakala nitong siya ang legal na asawa?