Third-Person POV Urban Web Novels & Stories

Si Luke Cruise ay nagmula sa angkan ng pamilya Cruise na siyang pinakamayaman at pinakamakapangyarihang pamilya sa balat ng lupa. Nang dahil sa kanyang naging poverty training ay kinailangan niyang itago ang kanyang pagkakakilanlan, husay sa martial arts, iba pang talento at abilidad sa loob ng mahigit tatlong taon. Nakaranas siya ng panlalait, pang-iinsulto at pangmamaliit nang panahong iyon. Ngayon, sa kanyang pagbabalik bilang Young Master ng pamilya Cruise, ano kaya ang magiging reaksyon nila kapag nalaman nila ang tunay niyang pagkakakilanlan?

Sa mismong araw ng kaniyang kaarawan, hindi inaasahang malalagay sa panganib ang dalaga matapos siyang lagyan ng droga at piliting uminom. Habang wala siya sa tamang ulirat, sinamantala ng kaniyang sariling kapatid ang pagkakataon upang pumalit sa kaniya sa silid ng kaniyang mapapangasawa. Samantala, napunta naman ang dalaga sa katabing silid, kung saan niya nakasama ang isang estrangherong lalaki sa buong magdamag. Hindi niya kailanman inakala na ang gabing iyon ang magiging simula ng isang pangyayaring magbabago sa kaniyang buhay magpakailanman. Makalipas ang sampung buwan, nagsilang siya ng isang sanggol. Kinabukasan, isang lalaki ang biglang dumating sa kaniyang pintuan at nagpakilalang ama ng bata. Sa halip na magpakita ng pagkagulat, agad siyang nagtanong, “May kotse ka ba, bahay, at ipon?” Napatingin lamang sa kaniya ang lalaki, tila hindi alam kung ano ang isasagot. Napabuntong-hininga ang dalaga at buong-pagsusukong sinabi, “Sige, mukhang malas nga talaga ako. Simula ngayon, ako na ang bahalang kumita ng pera para matustusan ang mga pangangailangan mo...” Sa kabila ng kakaibang simula ng kanilang pagsasama, handa ang dalaga na akuin ang responsibilidad para sa lalaking ngayon lamang niya muling nakaharap at sa kanilang anak. Ngunit sino nga ba ang lalaking ito? Ano ang tunay na nangyari noong gabi ng kaniyang kaarawan? At ang estrangherong minsang nakasama niya ay siya nga bang ama ng kaniyang anak? Sa paglipas ng panahon, unti-unting mabubunyag ang mga lihim na maaaring magpabago sa kanilang kapalaran.

Isa sa mga tagapagmana ng pamilya Kingsley si Luther Rutherford, ang pinakamayamang pamilya sa buong Pilipinas. Ngunit sa edad na labingpitong taong gulang, napagpasyahan niyang talikuran ang kanyang pamilya dahil sa kagustuhan niyang magrebelde. Namuhay siya bilang isang ordinaryo sa loob ng maraming taon, kumpletong kasalungat ng pamumuhay na mayroon siya noong nasa puder pa siya ng pamilya Kingsley. Natutunan niyang mangalakal, mamalimos, tumira sa ilalim ng tulay, makipagbasag-ulo sa lansangan, pero ang pinakaimportante sa lahat ay ang tumayo sa sariling mga paa nang sarili lang ang inaasahan. Isang dekada ang lumipas. Isang araw, nakulong siya dahil sa kasong physical assault. Ngunit makaraan lang ang isang linggo, isang ubod na gandang babae ang bumisita sa kanya sa kulungan at piniyansahan siya nito. Wala siyang kaide-ideya kung sino ang babae at kung bakit nito ginawa iyon. Pero nabigla siya sa naging sagot nito nang tanungin niya ito, "Gusto kong magpanggap ka bilang kasintahan ko, kapalit ng kalayaan nating dalawa. It's a win-win, right?" Doon nag-uumpisa ang panibagong buhay ni Luther, bilang isang good-for-nothing boyfriend. Pero ang hindi nila alam, sa likod ng kanyang ordinaryong kaanyuan, ay ang mga katangiang ikagugulat at ikakaawang ng bibig nilang lahat.