Astig Na Pangalan Novels & Stories

Si Jaxson Alconez a.k.a. Agent Fang ang tinaguriang pinakamahusay na secret agent ng National Intelligence Agency (NIA). Wala pang misyon ang hindi niya napagtatagumpayan kaya ganoon na lamang kalaki ang tiwala sa kanya ng kanyang kinabibilangan na ahensya. Dahil dito, siya ang malimit na ipadala na kanilang ahensiya sa mga malalaki at napakahalagang mga misyon. Ngunit sa pagdating ng rookie agent ng Philippine Intelligence Agency (PIA) ay unti unti na nagkaroon ng iringan sa pagitan ng dalawang ahensiya. Bago pa lumaki ang away ay pumagitna na ang gobyerno at nagbigay sila ng magkaparehong misyon sa dalawang ahensiya. At kung sino man sa kanilang napiling agent ang makakatapos ng ibinigay na misyon ay ito ang kikilalanin na pinamagaling na intelligence agency sa Pilipinas. At katulad ng inaasahan, si Agent Fang ang siyang piniling ipadala ng NIA sa misyon na ito. Ngunit hindi inaasahan ni Agent Fang na sa gitna ng kanyang misyon ay makakatagpo niya ang isang misteryosang dalaga na agad pumukaw sa kanyang atensyon at puso. Sandali na nakalimutan niya ang kanyang misyon at sa halip ay buong init na pinagsaluhan nilang misteryosang babae ang isang hindi malilimutan at madamdaming gabi na magkasama. Sandali na iniwan ni Agent Fang ang natutulog na babae para tapusin ang kanyang misyon pero sa kanyang pagbalik ay wala na ito. Dahil sa hindi malilimutan na gabi ng kanyang misyon ay ilang beses na sinubukan ni Agent Fang na hanapin ang babaeng nagnakaw ng puso niya ngunit wala ito iniwang kahit anong bakas at pagkakakilanlan. Para bang ito na naglaho na parang isang bula. Gayun pa man ay walang balak na sumuko si Agent Fang. Gagawin niya ang lahat para mahanap muli ang misteyosang babae. Tinawag niya ito na 'One Night Mission'.

Para kay Mheilin, ang buhay ay parang isang salamin na nabasag—mahirap ng ayusin. Sa pagtatangkang ilayo ang kanyang kinikilalang kapatid na si Percival sa kapahamakan, sumama siya sa kanyang tunay na mga magulang sa Pilipinas. Ngunit ang inaasam niyang tahimik na buhay ay nauwi sa isang malaking drama. Ang kanyang kapatid na si Monica, na anak ng dating yaya, ay labis na pinapaboran ng kanyang ina, na tila nagsisisi pa na dinala siya sa kanilang tahanan. At ang pinakamasakit, ang kanyang fiancé na si Carlos Fuentevilla, ay labis na umiibig kay Monica at gustong ipagpaliban ang kanilang kasal dahil lamang sa pagbabalik ng kapatid niya mula sa ibang bansa. Sa desperasyon na makatakas sa kanyang pamilya, ipinost niya ang mainit na balita. Ang kanyang fiancé na si Carlos, ay may relasyon sa kanyang kapatid na si Monica. Sa kasamaang palad, nagamit niya ang black card na bigay ng kanyang kapatid at alam niyang anumang oras ay magpapakita ito sa kanyang harapan. Malapit na bang mabunyag ang kanyang madilim na sikreto? Lihim siyang may nararamdaman para kay Percival ngunit pilit niya itong kinukubli dahil sa takot na ito'y kakaiba.

Matagal nang pinapangarap ni Aerial si Diego. Nang magkaroon siya ng pagkakataong makalapit dito, naganap ang isang gabing puno ng kalasingan na nagbunga ng isang batang babae, na nagbigay-daan kay Aerial upang matupad ang kanyang pangarap na maging asawa ni Diego Natividad. Sa kabila ng katuwang na pangarap, nagdulot din ito ng galit at pagkamuhi ni Diego sa kanya, dahil pinakasalan lamang siya nito dahil sa kanyang dinadala. Napagkasunduan nilang ipawalang-bisa ang kanilang kasal matapos niyang ipanganak ang kanilang anak. Sa loob ng siyam na buwan ng kanilang pagsasama bilang mag-asawa, unti-unti niyang naramdaman na walang patutunguhan ang kanyang pagmamahal, lalo pa’t patuloy na malamig si Diego sa kanya. Nang muling banggitin ni Diego ang paghihiwalay, agad siyang pumayag. Wala na siyang maaasahan at nais na niyang muling buuin ang sarili na matagal na niyang tinalikuran para sa pagmamahal kay Diego. Kailangan na niyang lumayo upang tuluyang makalimot sa sakit na dulot nito. Ngunit sa oras na handa na siyang magbago at kalimutan ang lahat, si Diego ayaw na siyang pakawalan.

SPG/R-18+ Tila isang panaginip lang ang lahat pagkatapos ng mainit nilang pinagsaluhan nagising na lamang si Ednalyn Del Socorro, code name Jade. Na hindi na siya si Jade, ang dating matapang na Agent ng Eagle Eye, na walang takot sa ano mang laban.Isa na lamang siyang simpleng sekretarya ng CEO ng isang malaking kompanya ng bansa ang EA group of companies. What if, ang bago nilang CEO na si Everette Altamerano ay walang iba kun'di si Sir Everette Ocampo ng Eagle Eye agency na dati n'yang superior na masungit pero umaapaw sa ka-guwapuhan nito? Makakaya kayang ipaalala muli ni Ednalyn Del Socorro sa dating malambing pero suplado si Sir Everette Ocampo, ang kanilang masayang nakaraan kung nalimot na siya ng dating minamahal na Superior na si Everette Ocampo? What's the next step, ano ang kayang gawin ng dating agent na matapang na si Ednalyn Del Socorro, upang muling manumbalik ang dating pagtingin ng kaniyang superior na si Sir Everette Ocampo? Or kailangan bang muli madugtungan ang mainit nila noon na pinagsaluhan upang manumbalik ang dati nilang pagmamahalan?

Dahil sa maling bahay na pinasukan, biglang nagbago ang takbo ng buhay ni Seraphim. Hindi niya inaasahan na mapupunta siya sa panahon kung saan makikilala niya ang isang napakasungit na binatang nagngangalang Manuel Saenz. Okay naman kay Seraphim na makitira sa masungit na nilalang na ito. Kaso napapansin niya na kung dati naii-stress siya sa pagiging masungit nito pero ngayon ay hindi na. Mas naii-stress siya kapag may ibang babaeng kasama si Manuel. Gusto niya sa kanya lang ang atensyon nito. Ayos lang naman sa kanya na magsungit ito basta makasama lang niya ito palagi. Nalintikan na! Mukhang pati rin yata siya nagiging abnormal na dahil sa masungit na lalaking ito.

*The Queen And The Freak (Filipino/Taglish Edition)* --- Si Blair ay isang bampira na kakalipat lang mula sa Transylvania upang maranasan ang buhay ng isang normal na tao kasama ang kanyang ina-inahan sa Amerika. Nakilala niya ang isang nakakabighaning dalaga na nagngangalang Pryce, na buong akala nya ay kinasusuklaman siya sa kadahilanang hindi maganda ang kanilang unang pagkikita. Lahat ay nagbago sa buhay ni Blair nang 'di niya inakala na darating ang panahon na mahuhulog siya kay Pryce, na hindi pala isang normal na tao, ngunit isang werewolf na nalalapit na ang awakening. And none of them knew na si Pryce ay hindi lamang isang ordinaryong werewolf kundi ang nakatadhanang reyna.

Ang aklat na ito ay naglalaman ng mga Mature na nilalaman, mahigpit na R18+ Inilipat si Ivana Davies sa NYC dalawang linggo matapos makuha ang kanyang pangarap na trabaho na maging pribadong sekretarya ng pangalawang anak ng pinakamayaman at pinakamaimpluwensyang pamilya sa Russia. ."The Gilbert group of company" isang multi-bilyong dolyar na imperyo sa pananalapi at software, matapos mahuli ang kanyang amo na nakikipagpalitan ng init ng katawan sa kanyang receptionist. .Sa labis na kawalang-paniwala, hiniling si Ivana na magtrabaho bilang permanenteng sekretarya ng panganay na anak ni The Gilbert, si Davin Gilbert na walang gustong gawin sa kanyang ama o sa negosyo ng pamilya. .nang dumapo sa kanya ang mga pares ng madidilim na mata na iyon, sa unang araw ng pagtatrabaho para kay Davin Gilbert, kakayanin kaya nina Ivana at Davin ang mga kislap at pananabik na mayroon sila sa isa't isa habang pareho silang nagtatrabaho nang malapit sa kanyang kumpanya?

Blurb Labis na pinagsisisihan ni Sandy nang magkrus ang kanilang landas ni Dimitri Vinocencio. Ang lalaking inibig at nagpatibok ng kaniyang puso at maging ang lahat sa kaniya ay nagawa niyang isuko. Lihim silang nagpakasal. Subalit ang inakala 't masaya nilang simulan bilang mag-asawa na aabot hanggang sa dulo ng walang hanggan katulad sa kanilang simumpaang PAG-IBIG NA WAGAS, makalipas lamang pala ng tatlong taon ay MAGWAWAKAS. Siya na mismo ang sumuko. Matapos ipinamukha ni Dimitri sa kan'ya kung gaano pa nito ka-mahal ang ex-girlfriend at first love nitong si Lindsay na ngayo'y nagbabalik ay nakapag-desisiyon siya hiwalayan na ang asawa. Sa kaniyang pagbangon muli mula sa lusak matapos ang diborsyo. Sino ang mag-aakala? Na ang sikat na Jewelry designer na hindi nagpakilala sa publiko at ang matagal nang hinahanap ni Dimitri dahil sa natatatangi nitong mga obra ay walang iba kun 'di ay siya. Si Sandy Ariela ang nag-iisang Unica Hija ng nag-uumapaw sa karangyaan mula pamilya ng mga Delavin. Siya rin ang unknown magic fortune teller sa investment bank na ngayon ay hinabol ng halos lahat ng Business Tycoons mapansin lamang ang mga ito. Isa na roon si Dimitri na matagal nang naghihintay na muli silang magkita ng dating asawa na nawala noon na parang bula. Ngayon ay nakita na nito si Sandy ay hindi na niya ito pakakawalan pa na noon hay halos mabaliw siya kahahanap sa bawat araw na lumipas ay kabiguan lamang ang nakukuha. Magawa pa kaya ni Dimitri na mahuli ang sa nagyo 'y mailap na puso ng dating asawa na minsan ay naging kaniyang pagmamay-ari?

Synopsis Siya si Attorney Harrison, isang matagumpay ngunit ubod ng supladong abogado, na ang isip ay higit sa lahat. Nagulo ang tahimik niyang buhay nang kumuha siya ng bagong kasambahay, si Margarita, na isang palaban na babae, determinado, at hindi natatakot na sabihin ang kanyang nasa isip. Habang sila ay nagbabangayan, nagsasagutan, at nagbibiruan, nagsimulang makita ni Harrison si Margarita, na nagbibigay liwanag sa napakaboring niyang buhay na hindi niya naramdaman sa fiancée niya. Naging masaya ang bawat araw ni Harrison dahil sa atensyon na ibinibigay ni Margarita sa kanya. Hindi lang niya matanggap na nahuhumaling na siya kay Margarita dahil sa kanyang pride at takot na umamin sa nararamdaman. Lalo na't nalaman na ni Margarita na may fiancée na siya. Pero huli na ang lahat dahil iniwan na siya ng babaeng bumago sa buhay niya. Pinilit niyang kalimutan si Margarita, pero hindi kayang turuan ang puso, siya pa rin ang hinahanap-hanap. Hiniwalayan niya ang fiancée niya at nagsimula siyang hanapin si Margarita. Ginawa niya ang lahat para bumalik lang sa kanyang buhay si Margarita. Mapaamo at mapamahal ulit ito sa kanya. This time, hindi na niya pakakawalan pa.

 Mataman ko lamang siyang pinagmamasdan mula rito, sa may ‘di kalayuan. Batid ko na kanina pa siya sa akin naghihintay.  Halata ang labis na pagkainip na mababanaag sa kaniyang hapong mukha, ngunit sadyang hindi ko magawang maihakbang ang aking mga paa palapit sa kaniya… hindi ko pa kaya.  Alam ko, na sa sandaling gawin ko ang bagay na iyon ay ito na rin ang magiging simula nang tuluyan kong paglimot sa kaniya— na matagal ko na sanang ginawa.      ●  SA edad labing-anim, labis na nasaktan ang murang puso ni Cinderella, nang malaman nito na ang lalaking lubos n’yang hinahangaan ay may napupusuan na palang iba.  Dahil sa nangyari, isinumpa niya sa sarili na hinding-hindi na siya muling iibig pa. Na si Miguel Balbuena lamang ang nag-iisa at natatanging lalaki na kakikiligan niya –wala ng iba.  At para maisakatuparan ng dalagita ang bagay na iyon, napagpasyahan nito na baguhin ang sarili niyang katauhan– ang maging isang tomboy.   Hanggang kailan mapaninindigan ni Syd ang pagtotomboy-tomboyan, kung makasalamuha niya na ang lalaking katulad ng isang Juan Benedicto Antonio III?   Juan Benedicto Antonio III, a 25-year-old future CEO of Antonio-Go Corporation, one of the largest distributor of Agro-Chemicals, fertilizers and seeds in the Philippines. A certified womanizer at never pang nagseryoso sa isang babae. Ayaw nitong pinagsasabay ang business and pleasure,kaya naman agad nitong sinisibak sa trabaho ang sinuman sa mga nagiging sekretarya, na nagpapakita ng mga kakaibang motibo sa kaniya.  Paano kung makasalamuha na ng binata ang kakaibang sekretarya sa katauhan ni Syd Santos, isang lesbiyana at nang nagsabog ang Diyos ng lakas ng sex appeal sa mundo ay sinalo na nito lahat.  May mamuo kayang love story sa pagitan ng dalawang nilalang na ito, na parehong nakararanas ng Pogi Problem Syndrome?