Baby Novels & Stories

Tashi, a quiet and smart lady, needed money for her school expenses. Wala siyang ibang makapitan kaya naman kinailangan niyang kumapit na lang sa patalim. Kaya naman siguro niyang sikmurahin ang isang gabing pagsayaw sa harap ng isang matandang bilyonaryo. Kahit sandali lang. Saglit lang at tapos na ang kalbaryo niya. Balik na ulit sa normal na buhay na mayroon siya. Pero paano niya magagawa 'yon kung ibang kwarto ang napasok nito? And worst, nakabuo pa talaga ng batang lalaking tuluyang nagpagawa sa buhay na mayroon siya! Pagkalipas ng limang taon, isa na siyang ganap na flight attendant subalit paano niya mga ba maitatago pa ang kanilang anak sa kaniya kung ito ang may-ari ng ilang tanyag na airline sa industriyang pinasukan niya?

Pinilit ikasal si Alyssa Ramirez kay Liam Navarro - ang cold at walang pusong heir ng isang makapangyarihang pamilya. Para sa kanya, isa lang siyang kontrata. Para kay Liam, isa lang siyang sakripisyo. Pero nang mabasag ang puso niya at makita ang pagtataksil ng asawa, naglaho rin ang Alyssang mahina at sunud-sunuran. Umalis siya, dala ang pinakamatinding sikreto na kayang baguhin ang lahat: ang tatlong anak ni Liam - ang triplets na hindi nito alam. Pagbalik niya, hindi na siya ang babaeng minamaliit. Siya na ang reyna sa likod ng VÉRAISE - isang luxury empire na magpapabagsak sa mga taong sumira sa kanya. Handa siyang ipaglaban ang korona, ang mga anak niya, at ang dignidad na inagaw sa kanya noon. Ngunit sa muling pagtama ng mga mata nila ni Liam, isang mas mabigat na laban ang nakahanda: hindi lang para sa paghihiganti... kundi para sa pamilya at pag-ibig na pinilit nilang sirain pero itinadhana palang buuin muli

Warning: Mature Content‼️ “Sa dami ng lihim ko, ikaw lang ang hindi ko kayang itago.” Matapos ang isang masakit na pagtataksil, pinili ni Amara na itago ang kanyang puso at ituon ang sarili sa bagong buhay. Ngunit nagbago ang lahat nang makilala niya si Adrian Villanueva- isang makapangyarihan at misteryosong lalaki na may malamig na reputasyon at madilim na nakaraan. Sa isang hindi inaasahang kasunduan, napilitan silang magpanggap na magkasintahan. Habang tumatagal, ang simpleng pagpapanggap ay nauwi sa mapanganib na pagnanasa at damdaming hindi na kayang pigilan. Ngunit sa likod ng bawat yakap ay may mga lihim na maaaring sumira sa kanila. Kapag lumabas ang katotohanan, pipiliin ba nila ang pag-ibig o tuluyang maglalaho ang lahat tulad ng mga aninong minsang naglapit sa kanilang dalawa?

"I will be the villain in your story if that means you’ll stay in mine" ..... Nawala ang mga magulang ni Talitha dahil sa kagagawan ng pamilya Salvador. Kaya ang paghihiganti ang tanging tibok ng kanyang puso. Upang magkawatak-watak ang mga ito, pumasok si Talitha sa mansion nila bilang isang katulong. Ang kaniyang plano? Akitin ang ama ng tahanan at ang nag-iisang anak nilang lalaki. Naniniwala si Talitha na madali niyang maisasagawa ang kaniyang plano—dahil siya ang palay na kusang lalapit sa mga manok. Ngunit nang makilala niya si Locke Salvador, ang tanging tagapagmana, nagbago ang lahat. Si Locke ay singlamig ng yelo at tila walang interes sa sinuman. Kaya ang laro ay bumaliktad: Mula sa pagiging mang-aakit, bigla siyang naging biktima ng mapanganib na atensyon ni Locke. Ngayon, hindi na lamang paghihiganti ang laro. Kailangang maging handa si Talitha na gamitin ang nakakapasong obsesyon ni Locke para matapos ang misyon na nagsimula sa paghihiganti at pighati.

Sa araw ng libing ng kanyang ina, natabunan ng katahimikan ang mundo ni Amara Alvarez. Samantalang sa kabilang panig ng lungsod, ang lalaking tinawag niyang asawa ay nagdiriwang, isang marangyang birthday party, inihahandog hindi para sa kanya, kundi para sa unang babaeng minahal nito. Doon niya tuluyang naunawaan ang lahat. Hindi siya kailanman minahal. At ang isang relasyong walang pag-ibig ay wala ring saysay ipaglaban. Tahimik niyang iniwan ang mga papeles ng diborsyo. Tahimik niyang isinara ang buhay na ipinagkatiwala rito. At sa katahimikang iyon, ipinaalam din niya ang batang dinadala kasabay ng pagtalikod niya sa lahat ng dati niyang pinanghawakan. Lumisan si Amara mag-isa. Pagkaraan ng limang taon, sa isang marangyang auction, muling napatigil ang mundo. Ang punong auctioneer—nakasuot ng makintab na bestida at may puting belo sa mukha ay naging sentro ng atensyon. Kumipot ang mga mata ni Nardo Morales. May kung anong pamilyar sa tinig, sa tindig, at presensiya nito. “Ang pangalan niya… Amara?” “Opo,” sagot ng kanyang assistant. “May nag-alok ng milyon-milyon para makita ang kanyang mukha, pero tumanggi siya.” Sa sandaling iyon, parang may bumagsak na pader sa kanyang dibdib. Ang babaeng limang taon niyang hinanap at pinakawalan ay nasa harap na niya. Kinagabihan, sa isang madilim na interseksyon, hinarang niya ang dinaanan nito. “Auctioneer Mara,” malamig niyang wika, “hanggang kailan ka tatakas?” Huminto siya. Hindi man lang lumingon. “Mr. Morales,” matatag niyang sagot, “diborsyado na tayo.” “Hindi ako pumayag.” Bumigat ang tinig niya. “Nasaan ang anak ko?” Dahan-dahan siyang humarap. “Mr. Morales, tila kayo ang nakalimot. Limang taon na ang nakalipas mula nang nagpapalaglag ako.” Nanigas ang kanyang mukha. “Kung ganoon,” mariing sabi niya, “ano ito?” Sa harap ni Amara, tatlong batang limang taong gulang ang sabay-sabay na humakbang pasulong, nakahanay, magkakahawig ang mga mata, at malinaw na malinaw ang sagot sa tanong niya.

"To hell with the contract. This is my playground, Adelina... and you happen to be my favorite toy." ........ Dahil sa desperasyong maisalba ang ina, napilitan si Adelina Sanchez na pasukin ang madilim na mundo ng prostitusyon. Doon niya nakatagpo si Carter Vergara, at ang gabing kanilang pinagsaluhan ay nagbunga. Ngunit pinili ni Adelina na palakihin ang bata nang mag-isa dahil sa takot na hindi ito tanggapin ng lalaki. Limang taon ang lumipas. Muling pinagtagpo ng tadhana ang dalawa—pero hindi siya kilala ni Carter. Upang tustusan ang operasyon sa puso ng kaniyang anak—ang parehong sakit na pumatay sa kaniyang ina—tinanggap ni Adelina ang isang mapangahas na kontrata: ang maging surrogate mother nina Carter at ng asawa nitong si Fatima. Ngunit ang kasunduang ito ay hindi dadaan sa siyensya—kailangang ibigay ni Adelina ang kaniyang buong katawan kay Carter hanggang sa makabuo sila ng tagapagmana. Sa ilalim ng iisang bubong, magliliyab ang isang makasalanang ugnayan. Magsisimula ang isang obsesyong hindi na kayang kontrolin ni Carter—isang obsesyong kahit anong takas ni Adelina, pilit at pilit pa rin siyang mahahanap nito.

After getting pregnant due to a drunken mistake, Yuki Takahashi decides to hide her son away from the devil in a business suit himself, Garrett Kingston. Ginawa niya ang lahat para lang mapalaki nang maayos ang anak at hindi ito maghanap ng ama. Pero sa hindi inaasahang pagkakataon ay muling pagtatagpuin ang mga landas nila. And Yuki finds herself falling for the same ma who wrecked her before.

Paano mo ipaglalaban ang pagmamahal na minsan mo nang sinukuan? Lucky swore she’d never look back. Matapos ang isang mapait na hiwalayan, pinili niyang bumuo ng tahimik na buhay kasama ang anak niya—malayo kay Axel, ang lalaking minsan niyang minahal, pero siya ring dahilan ng pinakamalaking sakit niya. Pero sa hindi inaasahang pagkakataon, muling nagkrus ang landas nila, at ngayon, hindi na lang puso niya ang nakataya—pati na rin ang buhay nilang mag-ina. Sa kabila ng galit at sakit, napilitan siyang tanggapin ang proteksyon ni Axel. Pero paano kung sa bawat araw na kasama niya ito, unti-unting mabura ang poot at bumalik ang damdaming pilit niyang nilabanan? Lalo na nang matuklasan niyang hindi pala siya kailanman iniwan nito—sa lihim na paraan, Axel had been protecting her all along. Ngunit bago pa niya mas maunawaan ang lahat, isang trahedya ang muling yumanig sa buhay niya—isang pagkakamali, isang maling akala, at isang pagdukot na naglagay sa kanya sa bingit ng kamatayan. At sa gitna ng panganib, nakita niya ang isang Axel na handang isakripisyo ang lahat, kahit ang sariling buhay, para mailigtas siya. Ngayon, hawak niya ang pinakamahalagang tanong—bibitawan ba niya ulit ang lalaking hindi kailanman bumitaw sa kanya? Sa isang mundo ng lihim, galit, at pagsubok, kaya pa ba nilang ipaglaban ang pag-ibig na minsan nang nawala? O masyado nang huli ang lahat?

A woman who is broken and beyond repair but with unexpected circumstances, as if there was light emitted through her dark world. She thought she'd always be alone... This world was nothing but pain and suffering... But because of that one night mistake... She was unexpectedly saved.

Kasing iksi ng perdible ang pasensya ni Zhynn Yura Perez, isang reyna ng pangkat ng Mafia. Away rito, gulo roon, isang tipikal na eksena sa tuwing nauubos ang pasensya niya. Ngunit sino nga bang mag-aakala na sa pagbabalik ng dati niyang minahal na pilit siyang kinalimutan ay muli siyang marerendahan? Zhion Takeo Chen, ang nang-iwan, lumimot at basta nalang nawala na parang bula. And now, he's back and taming the Mafia Queen.