Novel & Cerita Isang Anghel

Amadeus Hassan, isang mabait at mabuting asawa ni Venice Banville Hassan. Masaya at makulay ang kanilang pagsasama noong una subalit noong mangyari ang isang aksidente na bumawi sa kakayahan niyang makapaglakad at makapagsalita, lumabas ang totoong kulay ng kaniyang asawa at biyenan. Inapi, inalipusta at nagawa pa siyang pagnakawan ng yaman ng mga taong higit niyang pinagkakatiwalaan. Buong akala niya'y wala na siyang patutunguhan subalit nakilala niya ang dalaga na nag ngangalang Lucine Verine, isang katulong sa kanilang mansyon na nakatalagang mag-aalaga sa kaniya. Ngunit sa likod ng inosente at maamo nitong mukha, sinong mag-aakala na ito ang magiging dahilan upang makabangon sa pagkakadapa si Amadeus Hassan na handang balikan ang mga taong umapak sa kaniya at ipatikim ang ganti ng isang api.

Si Kaelen Vireaux ay isang makapangyarihang bilyonaryo na kinatatakutan at hinahangaan sa mundo ng negosyo. Ngunit sa likod ng kanyang tagumpay ay ang mga taong lihim na naghihintay ng kanyang pagbagsak. Isang gabi, matapos siyang ipagkanulo ng sarili niyang mga kasosyo at tangkaing patayin, nawalan siya ng malay sa gitna ng dagat. Nagising siya sa isang liblib na isla—walang alaala kung sino siya, kung saan siya nanggaling, o kung bakit siya naroon. Ang tanging taong tumulong sa kanya ay si Aelira Bloom, isang tahimik na island girl na namumuhay nang simple sa gitna ng isang maliit na hardin ng mga gulay at halaman. Kilala siya sa sitio bilang kakaiba, dahil tila may malalim siyang koneksyon sa kalikasan. Sa kanyang mga kamay, ang mga halaman ay mabilis tumubo, at ang mga baging ay tila gumagalaw na parang sumusunod sa kanyang kagustuhan. Habang tinutulungan ni Aelira si Kaelen na makabangon at matutong mamuhay muli, unti-unting nabubuo ang isang malalim na ugnayan sa pagitan nila. Sa gitna ng katahimikan ng isla at ng simpleng buhay na natagpuan niya roon, dahan-dahang nahuhulog ang puso ni Kaelen sa babaeng nagligtas sa kanya. Ngunit ang nakaraan ay hindi madaling takasan. Kapag bumalik ang kanyang mga alaala, babalik din ang mga taong nagtangkang pumatay sa kanya mga taong handang sirain ang lahat para sa kapangyarihan at kayamanan. At kapag nalaman nila kung nasaan siya, hindi lamang si Kaelen ang magiging target… kundi pati na rin ang babaeng nagbigay sa kanya ng bagong buhay. Sa isang mundong puno ng pagtataksil at kasakiman, kaya ba nilang ipaglaban ang pag-ibig na umusbong sa isang tahimik na isla? O tuluyan itong mawawala, tulad ng mga lihim na tinatago ng dagat?

Sa gabi ng engrandeng debut ng kumpanya ni Rafael Cain Santillan sa stock market, tila wala nang makakapigil sa kanyang tagumpay, hanggang sa biglang dumating ang kanyang asawa na si Pia, tangan ang isang sobre: divorce papers… at isang bantang kayang wasakin ang lahat ng kanyang pinaghirapan. Tatlong buwan bago nito, natuklasan ni Pia ang isang pagtataksil na mas malala pa sa simpleng pangangaliwa, lihim na bumuo si Rafael ng sariling pamilya kasama ang mismong adopted step-sister niya na si Wynona, at may anak pa silang itinago sa dilim. Halos mamatay sa isang aksidente at itinuring na walang halaga, tuluyang nagbago si Pia. Ang dating mapagmahal na asawa ay napalitan ng isang babaeng malamig, matalim, at handang gumanti. Habang unti-unting inaagaw nina Rafael at Wynona ang kanyang tahanan, karera, at maging ang tiwala ng sariling pamilya, tahimik na binabawi ni Pia ang kapangyarihang matagal niyang hinayaan na maagaw sa kanya. Gamit ang kanyang koneksyon, talino, at impluwensya sa mundo ng negosyo at agham, pinaplano niya ang perpektong pagbagsak, iaangat niya si Rafael sa rurok ng tagumpay… para doon mismo siya tuluyang wasakin sa harap ng buong mundo. Ngunit sa gitna ng kanyang paghihiganti, muling babalik ang isang lalaking minsan niyang iniwan, ang kanyang makapangyarihang dating kasintahan mula sa Switzerland, na magtatanong ng isang mapanakit na katotohanan: Si Rafael nga ba ang pinakamalaking pagkakamali ng kanyang buhay? Sa mundong pinaghaharian ng pera, kapangyarihan, at pagtataksil, hindi na si Pia ang babaeng inaapi, siya na ang bagyong dudurog sa lahat ng humamak sa kanya.

Sa loob ng tatlong taon, namuhay si Clarissa Montefalco sa ilalim ng anino ng kasinungalingan—isang simpleng babae sa paningin ng lahat, ngunit sa likod ng tahimik na anyo ay ang tagapagmana ng isa sa pinakamalalaking business empires sa bansa. Minahal niya si Joaquin nang totoo, kahit pa hindi nito alam ang kanyang tunay na pagkatao. Ngunit sa pagbabalik ng babaeng mahal ni Joaquin, iniwan siya nito nang walang pasabi—pinahiya, sinaktan, at sinabihang siya pa ang pilit na humahabol. Hindi alam ni Joaquin na ang babaeng tinapakan niya ay may kapangyarihang baguhin ang buhay ng kahit sinong lalaki… kabilang na siya. Sa muling pag-uwi ni Clarissa sa Maynila upang pamunuan ang kompanyang iiwan ng kanyang ina, hindi niya inaasahang makikilala niya si Luis Antonio Dela Cruz—ang pinsan ng kanyang matalik na kaibigan, at isang lalaking may sarili ring itinatagong yaman at lihim. Sa gitna ng sakit, isang gabing puno ng alak ang nagtulak kay Clarissa sa piling ni Luis. At sa isang hindi inaasahang kasunduan upang makaiwas sa mga piling asawa ng kanilang mga magulang, lihim silang nagpakasal. Ngayon, si Clarissa Montefalco ay hindi lamang isang tagapagmanang hindi kinikilala—isa na rin siyang asawa ng isang secret billionaire. At si Luis? Isang lalaking dumarating sa mga panahong hindi niya inaasahan, dala ang pag-ibig na kailanman ay hindi naibigay ni Joaquin. Ngunit handa ba si Clarissa na magmahal muli, o mananatili siyang bihag ng sakit ng nakaraan?

Matinding galit ang naramdaman ni Detective Marga Castro nang mahuli ang sariling ina na may relasyon sa boyfriend niyang si Dominic Mendoza. Para sa kanya, iyon ang pinakamalaking kataksilan na hindi niya kailanman mapapatawad. Sa isang iglap, gumuho ang mundo niya—ang ina niyang pinagkatiwalaan at ang lalaking minahal niya, parehong nagtraydor sa kanya. Umalis siya sa bahay nang walang direksyon, puno ng poot at hinanakit, hanggang sa isang aksidenteng kinasangkutan niya ang nagbago ng lahat. Nasagasaan siya ng isang lalaking kalaunan ay malalaman niyang si Dr. Oliver Mendoza—ang ama ng ex niya. Isang sikat ngunit kilalang malupit na surgeon. Habang nagpapagaling sa bahay ng doktor, naisip ni Marga ang isang mapanganib na plano. Gagantihan niya si Dominic sa pinakamasakit na paraan—sa pamamagitan ng pag-akit sa sariling ama nito. Alam niyang delikado, alam niyang mali, pero sa isip niya, ito ang hustisyang karapat-dapat sa kaniya. Ngunit habang isinasagawa niya ang plano, natuklasan ni Marga ang panig ni Dr. Mendoza na hindi niya inaasahan. Sa likod ng malamig na anyo at mapait na nakaraan, nakita niya ang isang lalaking marunong magmahal at marunong umintindi—isang lalaking unti-unti niyang minahal sa kabila ng lahat ng kasinungalingan. Paghihiganti ang plano, pag-ibig ang naging kapalit. Ipagpatuloy ba ni Marga ang paghihiganti o ipaglalaban ang pag-ibig na hindi kailanman dapat umusbong? Dahil kapag lumabas ang katotohanan, hindi lang puso niya ang mawawasak—pati ang tanging taong natutunan niyang mahalin.

Isang prinsipe ang pinalaki na pinagkaitan ng maraming karapatan, itinago sa mata ng karamihan at itinakwil ng sariling mga magulang. Sa kaniyang pagtungtong sa ikalabing walong taon sya'y pinalayas sa palasyong kanyang naging kulungan dahil sa isang pangyayaring hindi nya sinasadya.

Ano na lang ang gagawin mo kapag nagising ka sa isang unknown room at kasama mo ang taong tinataguan mo for five long years? Isang sign ba ito to start over again or way ito para masira niyo ang buhay ng isa't isa?

Nagmula sa isang mayamang pamilya si Sienna Montemayor kaya nang malaman niyang ipinagkasundo siyang ipakasal sa isang lalaking hindi niya kilala ay naglayas siya. Napadpad siya sa isang bar at doon ibinuhos niya ang sarili upang makalimot subalit dahil sa kalasingan ay nagbago ang kaniyang buhay. Naibigay niya ang sarili sa isang lalaki na hindi niya kilala at hindi niya inaasahang mabubuntis siya. Sa takot na bumalik sa pamilya niya ay sinubukan niyang pumasok bilang sekretarya sa isang sikat na kompanya. Pagpasok sa opisina ng kaniyang magiging boss ay halos liparin niya na ang daan paalis. Nakilala niya ang kaniyang magiging amo bilang ama ng kaniyang dinadala. Ang mas lalong nagpanginig sa buong katawan niya ay nang malaman niya na ang ama ng dinadala niyang anak ay sa bilyonaryong si Liam Del Fierro pala, ang mortal na kalaban ng pamilya niya. Ngayon hindi niya alam kung paano siya tatakas dahil binakuran na siya ng bilyonaryo pagkatapos malamang buntis siya sa anak nito.

"Hindi ko kailangan ng dignidad mo, sweetheart. Ang kailangan ko... ay ang sinapupunan mo." Para iligtas ang kapatid niya sa mga mapanganib na loan shark, pinasok ng desperadong accountant na si Danica Flores ang penthouse ng pinakamayaman at pinakamarahas na CEO sa bansa—si Nathaniel Cervantes. Ang plano? Magnakaw ng isang mahalagang dokumento. Pero ang hindi niya alam, pinapanood siya nito. Sa halip na ipakulong si Danica, nag-alok si Nathaniel ng isang kasunduan—pakakasalan niya ito sa papel kapalit ng kaligtasan ng pamilya nito. Kailangan ng mayabang at supladong CEO ng isang anak na magmamana ng lahat para maprotektahan ang kumpanya niya laban sa mga sakim at mapanganib niyang kamag-anak. ​Walang takot na pinirmahan ni Danica ang kontrata. Laro lang ang lahat—isang taon, isang anak, tapos ay hiwalayan. Pero paano kung sa pagitan ng mga nakakakilig na pagpapanggap sa harap ng media at mga nakaw na halik sa loob ng kwarto, ang totoong panganib pala ay ang unti-unting pagkahulog ng kanyang loob sa lalaking binalak niyang pagnakawan?

Sa isang gabing binalot ng alak, lihim, at pagkakamali, nabago ang kapalaran ng dalagang si Vienna Reign Gonzalez-isang bihasang secret agent na sanay itago ang emosyon sa likod ng malamig na titig at matatag na puso. Isang gabi ng labis na kalasingan ang naging dahilan ng isang hindi inaasahang bunga: isang buhay na lumalaki sa kanyang sinapupunan. Ngunit ang mas masakit na katotohanan-ang ama ng kanyang anak ay ang lalaking itinalaga niyang patayin. Si Devereux Blue Ace Guevara Montague-isang makapangyarihan, misteryoso, at kinatatakutang pangalan sa ilalim ng mundo. Isang lalaking puno ng sikreto, kapangyarihan, at mga kasalanang maaaring gumiba sa buong sistema. Siya ang target. Siya ang kalaban. Siya rin ang ama ng batang dinadala ni Vienna. Habang lumalalim ang misyon, mas lalo ring gumugulo ang kanyang puso. Sa pagitan ng tungkulin at damdamin, galit at pagnanasa, Vienna ay mapipilitang pumili: Barilin ang lalaking kinamumuhian niya... o iligtas ang pamilyang hindi niya inaasahang mabubuo. Sa mundong puno ng baril, dugo, at pagtataksil-maaaring ang pinakamapanganib na misyon ay hindi ang pumatay... kundi ang umibig.