Kapalit Novels & Stories

Kinakaya ni Isla Aguilar ang mabigat na hamon ng buhay. Nagtatrabaho sa araw, nag-aaral sa gabi para sa pangarap na mas maayos na buhay at makatulong sa gamutan ng bunsong kapatid na may Down Syndrome at butas sa puso. Sa gitna ng kanyang pagsusumikap, ang kanyang tanging pahinga ay ang lihim na talon malapit sa likod ng kanilang bahay, kung saan isang araw ay iniligtas siya ng isang guwapo at matipunong estranghero sa pag-aakalang siya ay nagpapatiwakal. Hindi niya inakalang ang estrangherong iyon ay si Johan Abraham Dela Torre, ang bagong CEO ng kumpanyang pinagtatrabahuhan niya na kilalang istrikto at malupit sa pamamalakad sa kumpanya, at mailap sa mga babae. Kaya’t laking gulat ni Isla nang bigla siyang alukin ng CEO ng kasal kapalit ng tulong para sa operasyon ng kanyang kapatid. May kundisyon ang kasunduan: walang pisikal na relasyon, sikreto ang kasal maliban sa pamilya ng lalaki, at isang taon lamang ang bisa. Habang tumatakbo ang mga araw, unti-unting nahuhulog ang loob nina Isla at Abe sa isa’t isa. Dahil sa angking galing at talino, si Isla ay naging isang asset ng kumpanya, at si Abe, sa kabila ng pagkukunwaring malamig at matigas, ay palihim na sinusuportahan si Isla sa kanyang pangarap. Ngunit paano kung may ibang babae na nagpupumilit maging parte ng buhay ni Abe at palaging minamaliit ng matapobreng ina ni Abe si Isla? Magagawa ba nilang ipaglaban ang pag-ibig sa kabila ng takot, sakit, at mga hadlang?

Sypnosis Mula pagkabata, hindi na naranasan ni Venisse ang init ng tunay na pamilya. Sa murang edad, natutunan niyang tumayong mag-isa—kahit pa ibig sabihin niyon ay isakripisyo ang sariling pangarap. Sa edad na 23, isang hindi inaasahang pagbubuntis ang tuluyang gumiba sa plano niyang buhay. Unti-unting nawala ang pag-asa. Araw-gabi siyang kumakayod—kahit anong trabaho, mapasukan lang. Para sa gamot, check-up, at isang kinabukasang hindi pa sigurado. Hanggang sa dumating ang panahong wala na siyang pagpipilian. Pumasok siya bilang GRO sa isang kilalang bar—isang trabahong kailanma’y hindi niya inakalang papasukin. Sa bawat ngiti at aliw sa mayayamang bisita, pinipilit niyang itago ang lungkot at takot sa likod ng mata. At doon sila nagtagpo—ni Dr. Kurt Navarro. Isang gabi, isang emergency. Ang batang dinadala ni Venisse sa sinapupunan, nalagay sa panganib. Isang komplikasyon. Isang mahal na operasyon. Isang bayarin na hindi niya kayang pasanin. At sa gitna ng kaguluhan, may inalok si Kurt. Isang kasunduan. Anim na buwang kasal. Walang emosyon. Walang label. Puro papel at pirma. Kapalit: kaligtasan ng anak niya. Pero paano kung habang lumilipas ang bawat araw, unti-unting lumambot ang pusong matagal nang pinatigas ng sakit? Paano kung sa likod ng kontrata, unti-unti niyang nararamdaman ang bagay na hindi kasama sa usapan? Pag-ibig. Isang kasunduan. Isang kasinungalingan. Isang pusong unti-unting bumibigay. Pero sa dulo ng anim na buwan… pipirma ba sila para sa wakas? O para sa panibagong simula?

Madalas sabihin ng marami na ang mga anak ang nagsisilbing angkla ng buhay ng isang ina. Para kay Catriona Lavender Carias, tumimo sa puso ang paniniwalang iyon mula sa sandaling mapag-isipan niya ito—hanggang sa subukin ng panahon ang kanyang tibay at paninindigan. Dumating ang sandaling kinailangan niya ng malaking halaga ng pera para sa operasyon ng kanyang ina. Dahil sa matinding desperasyon, napilitan siyang pasukin ang mundong hindi niya kailanman inakalang kakapitan—ang Dream Fortress, isang lihim na bahay-aliwan kung saan ang mga lalaking may matataas na pangalan sa lipunan ay nagbabayad kapalit ng panandaliang aliw. Ngunit sa isang hindi inaasahang pangyayari, ang serbisyong minsan niyang ibinigay sa isang estrangherong naging nag-iisa niyang kliyente ay nagbunga ng isang alaala na hindi mabubura ng panahon—isang anak. Pagkalipas ng isang taon, muling pinagtagpo ng tadhana ang kanilang mga landas. Si Trever de Gracia, ang dating kliyente at ang tunay na ama ng kanyang anak, ay muling pumasok sa kanyang buhay—ngunit hindi siya nakilala nito. Sa halip, inalok siya ni Trever ng isang kakaibang trabaho: magpanggap bilang kanyang kasintahan, at ang kanyang anak bilang sariling dugo, upang pagselosan ang dating kasintahan nito. Ano ang mararamdaman ni Trever kapag nalaman niyang ang batang inaakala niyang bahagi lamang ng isang palabas ay tunay niyang anak? At paano niya haharapin ang katotohanang ang babaeng inupahan niya noon ay ang inang minahal at isinakripisyo ang lahat para sa kanilang anak?

Ang wasak na puso ni Astrid ang nagtulak sa kanya sa bar at uminom hanggang sa malasing dahil nahuli niya ang kanyang boyfriend na nakikipagtalik sa iba. Sa sobrang kalasingan hindi namalayan ni Astrid ang mga nangyari at nagising na lang siya katabi ang estranghero na lalaki. Si Thor Santos ay isang Bilyonaryong arogante na biktima ng droga at ginamit ang magandang babae upang maibsan ang init na nararamdaman. Nagising ang binata na wala na ang dalaga sa tabi niya. Naalala pa niya ang mga nangyari ng gabing iyon ngunit hindi na niya matandaan ang mukha ng dalaga. Nalaman din ng binata na siya ang nakauna sa dalaga dahil na rin sa matsa sa puting cover ng bed kaya naman pinahanap niya ito. Paglipas ng limang taon, nangailangan ng pera si Astrid kaya naman kahit walang pinag-aralan ay sumabak pa rin siya sa malaking kompanya upang magtrabaho. Samantala, si Thor naman ay tinakot ng mga magulang na kailangan niyang pakasalan si Sofia o kailangan niyang maikasal upang mabigyan sila ng apo, kung hindi siya pumayag ay tatanggalin siya sa kompanya. Hindi papayag si Thor na mawala sa kaniya ang kompanya kaya naman ng makita niya ang babae na desperada na makapagtrabaho sa kompanya. Kaya binigyan niya ito ng kasunduan kapalit ang malaking pera na alam niyang hindi matatanggihan ng dalaga, ang kontrata ng pagpapakasal.

“Benjamin, naging asawa mo ako sa loob ng tatlong taon ngunit ni isang beses ay hindi mo man lang ako nagawang hawakan! Ngayon, ito na ang pagkakataon ko. Ito na ang tamang panahon para bumawi sa lahat ng mga masasakit na pinagdaanan ko sa piling mo bilang asawa mo at bilang babaeng minahal ka ng napakatagal! Pinagsisisihan kong naging asawa kita!” Tumutulo ang mga luha ni Lunabella habang sinasabi iyon sa nakahiga at nakataling asawang si Benjamin Alvarez sa kanilang kama. “Huwag mong gawin ito, Luna. Sinasabi ko sa'yo, hinding-hindi kita mapapatawad! Bakit hindi mo na lang kasi tanggapin na hindi kita magawang mahalin? Na si Astra lang ang tanging tinitibok ng puso ko?!” Walang pusong turan ni Benjamin, puno ng galit ang mga mata. “Humanda ka sa akin kapag nakawala ako rito, talagang mapapatay kita!” Pilit itong kumakawala sa pagkakatali ngunit mahigpit ang ginawang pagkakatali rito ni Lunabella rito. ******* Mula pa nang highschool ay minamahal na ni Lunabella Cruz si Benjamin Alvarez. Wala siyang ibang nais kundi ang makasal dito. Kaya nang ipagkasundo silang dalawa dahil sa horoscope na pinaniniwalaan ng naghihingalong matandang Alvarez ay hanggang langit ang ligaya niya. Subalit ang sayang iyon ay kapalit ng tatlong taong paghihirap niya bilang asawa ni Benjamin Alvarez. Mahal na mahal niya ang lalaki ngunit may iba ito minamahal.

Limang taon na ang lumipas nang durugin ni Elly Panganiban ang puso ni Carl Montesantos at lisanin ang billionaire world nito. Ginawa niya ito upang protektahan si Carl, kapalit ng isang lihim: ang kanilang kambal na anak, sina Liam at Lia—ang lihim na bunga ng pag-ibig na kailangan niyang itanggi. Ngayon, napilitan si Elly na magtrabaho sa Montesantos Holdings, ang imperyo ng kanyang Billionaire Ex na si Carl. Ang pag-ibig ay napalitan ng matinding pagkamuhi at paghihiganti. Araw-araw, sinisiguro ni Carl na maramdaman ni Elly ang pait ng pag-iwan, tinatawag siyang "walang-kwenta" at "basura" sa trabaho. Mas lumala ang sitwasyon sa presensya ni Sharon Montemayor, ang fiancée ni Carl, at ni Theo Ramos, na nagpaalab ng selos sa Bilyonaryo. Sa gitna ng tensyon, nagbigay ng walang-awang kasinungalingan si Elly: "patay na" ang ama ng kambal. Ngunit ang lahat ng galit at paghihiganti ni Carl ay guguho sa isang iglap! Sa Lobby ng kumpanya, nakita ni Carl ang kanyang anak na si Liam. Ang bata, na eksaktong kopya niya at may matatalim na asul na mata, ay sumigaw ng katotohanan: Siya ang ama! Hindi siya namatay! Dinoble ang kanyang pamilya! Ang mga mata ni Carl ay biglang nagbago, mula sa poot tungo sa pag-angkin at walang-sawang possessiveness! Simula na ng giyera! Paano itatago ni Elly ang lihim kung ang Bilyonaryong Ex, na ngayo'y nag-aapoy sa galit, ay handa nang angkinin ang kanyang dugo at lahi?!

Jervis Dean Pendleton successful businessman and owner of Pedle/Vie pharmaceutical company met Adelyn Axelle Dela Fuente na isang pharmacist, Para makuha ang babae ay gumawa ito ng kontrata. babayaran niya ito kapalit ng serbisyo nito para maging babae niya. sa unang paghaharap nila ay tila hindi nito nagustuhan ang offer ni Jervis hanggang sa magkasakit ang ama niya, kailangan nila ng malaking pera para matustusan ang dialysis nito tatlong beses sa isang linggo. Pumayag siya sa offer ni Jervis. nung una nga ay sumusunod lang siya sa gusto nitong mangyari hanggang sa may nangyari na sa kanila, unti unti na siyang nahuhulog dito at minahal na nga niya ang lalaki na ganun din naman ang nararamdaman sa kanya, hahadlangan nga yun ni angelica na gagawin ang lahat para makuha si Jervis, Sisirain niya ang reputasyon ni Adelyn bilang isang lisensyadong pharmacist. Sisirain niya ito sa trabaho kay Jervis at sa magulang nito nang magtagumpay sa paninira si angelica ay nagpakalayo layo si adelyn kasama ang magulang at ang magiging anak nila ni Jervis na nasa sinapupunan niya pa. Nang malaman ni Jervis ang paglayo ni adelyn ay halos ikabaliw niya ito pinahanap niya ang dalaga na inabot ng taon. at nang matagpuan ito ay dinakip niya ito at dinala sa maliit na isla ng balabac, dito nga ay ipaparamdam niya sa babae ang sobrang pagmamahal at obsession na nararamdaman niya

Dahil ayaw maghirap ng Mama ni Noella ay kumapit ito sa patalim at siya ang ginamit nito upang hindi mawala ang kayamanang mas pinapahalagahan kaysa sa sariling anak. Ibenenta si Noella ng ina sa isang ilegal at malaking organisasyon na tinatawag na Slave Market, na ibinebenta ang mga babaeng kagaya niya sa mga hindi lang basta mayayaman kundi bilyonaryo na tumatangkilik sa organisasyon na iyon. Hindi alam ni Noella ang kahaharapin lalo pa at wala siyang alam sa kalakaran ng organisasyon na iyon subalit alam niyang may hindi mangyayari sa kaniya lalo pa ang bumili sa kaniya ay isang lalake na sa paningin niya malupit at hindi makakawala rito ng buhay. Si Diego Alejandro Betancourt na kasapi rin sa Mafia organization na humahawak sa slave market na kumuha kay Noella at pinili lang siya ng binata upang maging taga-init ng kama nito at gawin ang nais nito sa kaniya hangga't hindi siya nito pinagsasawaan. Ngunit nalaman ni Noella na hindi rin siya basta pakakawalan ni Diego sa oras na pagsawaan siya nito dahil para kay Diego lahat ng mga pinagsasawaan nitong pag-aari ay hindi na muling mapapakinabangan pa ng iba. Ano kaya ang mangyayari kay Noella sa oras na magsawa sa kaniya si Diego? Paano kapag nalaman niyang may mas malalim pang dahilan si Diego kung bakit ayaw siya nitong pakawalan basta at ang dahilan niyon ay kapalit ng buhay niya? Slave Market Series 1

Kinakayod ni Ella ang hirap ng pagiging-escort para sa mga utang ng mabisyo niyang nanay. Mula pa bata nang siya ay magsimulang pasukin ang iba't-ibang trabaho dahil sa hirap ng buhay. Isang simpleng babae na walang ibang pinangarap kung hindi ay ang magkaroon ng maganda at payapa na pamumuhay. Ngunit, nang dahil sa isang kasalanan na hindi naman siya ang gumawa ang kaniyang pagbabayaran. Nang dahil sa pagkakahawig nito sa isang gold digger na minamahal ng isang bilyonaryong tao ay tuluyan na nagbago ang takbo ng kaniyang buhay. Gumanda ang kaniyang pamumuhay, wala na ang araw-araw na pagsabak niya sa pagpapasaya sa iba't-ibang lalaki sa bar at kahit hindi ito magtrabaho ay maaari na niyang bilhin at gawin ang lahat ng naisin nito habang, kapalit ng mga ito ay ang pagkakakulong niya sa isang lalaki na minsan man ay hindi niya nakilala o nakita sa tanang buhay. Isang lalaki na sa una pa lang ay pinakitaan na siya ng kasamaan at pagmamalupit. Dito na ba tuluyan mababago ang isang normal at payapang pamumuhay ni Ella? Titingnan na lamang ba niya itong oportunidad para iahon sa hirap ang kaniyang sarili at nanay o mas pipiliin niya pa rin na tumakas sa nakasasakal na kamay at nakasusulasok na pag-uugali nito? Paano niya nga ba magagawa na malulusutan ang problema na hindi naman siya ang gumawa?

Sa madilim na sulok ng kanyang silid, isinumpa ng isang lalaki ang kanyang kapalaran. Ipinanganak na may birthmark na halos sakop ang kalahati ng kanyang mukha, lumaki siyang iniiwasan ng mga tao—at sa huli, siya na mismo ang lumayo. Ang tanging nagmahal sa kanya ay ang kanyang mga magulang, ngunit kahit ang sariling kapatid ay hindi pa siya nasisilayan. Dahil sa mga pangungutya at pag-iwas ng iba, isinara na niya ang kanyang puso—lalo na pagdating sa mga babae. Hindi na niya hinangad na mahalin o mahalin pa ng iba. Ngunit nagbago ang lahat nang dumating ang isang babaeng katulong sa kanilang bahay. Sa hindi niya maipaliwanag na dahilan, naagaw nito ang kanyang atensyon. May kakaiba rito, at hindi niya mapigilan ang sariling mahulog. Ngunit isang araw, isang lihim na usapan ng kanyang mga magulang at ng babaeng iyon ang kanyang narinig—isang kasunduang pag-aasawa kapalit ng malaking halaga. Isang pagtataksil. Isang panloloko. Sa galit at pagkasuklam, isinumpa niya ang babae. "Gold digger!" Wala itong pinagkaiba sa lahat ng iba pang tao. Mula noon, nagbago ang kanyang pagtingin dito. Hindi na pagmamahal ang nais niyang ipadama—kundi paghihiganti. Pero hanggang kailan niya maitatanggi ang tunay niyang nararamdaman? At totoo nga bang panloloko lang ang naging dahilan ng babae sa paglapit sa kanya? Abangan ang kanilang kwento—isang kasunduang puno ng sakit, galit, at isang pag-ibig na pilit na itinatanggi.