Kabanata 13

"Leanne's POV"

Ang hirap talagang ka-bonding ni Sophia, pabigla-bigla na lang naglalaho na parang bula. Haaay, napaikot na naman siya ng lalaking yun. Kailan kaya siya magigising sa katotohanan?

Inihiga ko ang aking katawan sa nakalatag na tela sa buhanginan at nagsunbathing, isinuot ko ang salamin sa aking mga mata upang hindi diretsong tumama sa aking paningin ang matinding sikat ng araw.

Habang ako ay masarap ang higa ay napansin ko ang isang lalaki na pabalik-balik at kung sino-sinong babae ang kalapit.

Ibinaba ko ang aking salamin para makita ng malinaw ang mukha ng lalaking ito, I can say that he is good looking, matangkad, may maamong mukha at mukhang matalino yun nga lang, "babaero," bulong ko. Dinapuan ako ng kaba sa aking kalooban ng lingunin niya ako, mabilis kong ibinaling ang aking paningin sa ibang lugar.

Nakita ko na pahakbang siya nang may babaeng biglang sumulpot at lumingkis sa kanyang braso, "honey, kanina pa kita hinahanap," malambing niy