Chapter 3

3rd Person's POV

Hindi ni Dasha maiwasang mapatingin kay Blaise buhat nang dumating ito. 

Limang taon na ang nakalipas, pero tila mas lumamig at lumupit ang pakikitungo ni Blaise sa lahat. Bukod doon ay isang bagay ang napansin ni Dasha, tulad noon ay mahilig pa rin si Blaise sa itim na bagay— mula sa pang itaas nito hanggang sa kanyang pang ibaba. Bakas na bakas sa awra niya ang pagiging mataas na tao. 

"Good evening! Finally, you're here," masayang bati ni Mr. Aquino. Kinamayan niya ito. 

"Good evening, Mr. Devaro!" magalang na bati ni Kate. 

"Glad you're here," si Mr. Rosales. 

Hindi inabala ni Blaise ang sarili na batiin pabalik ang mga ito. 

"Mr. Devaro, let me introduce Dasha to you," nakangiting sabi ni Mr. Aquino. 

"G-Good evening..." ani Dasha. 

Nagtaka ang lahat nang hindi man lang nito tapunan ng tingin si Dasha. Dahil siya ang investor na inaasahan ng mga ito, isinawalang bahala na lamang nila ito. 

Lubos na ikinabahala ni Dasha ang mga napapansin niya kay Blaise. Gayunpaman, pilit niyang pinakalma ang sarili.

Para sa kanyang trabaho. 

Limang taon na ang nakalilipas, pero tila mas lumamig at lumupit ang pakikitungo ni Blaise sa lahat. Isang bagay pa ang napansin ni Dasha, tulad noon ay mahilig pa rin si Blaise sa itim na bagay— mula sa pang itaas nito hanggang sa kanyang pang ibaba. Gayunpaman, bakas na bakas sa awra nito ang pagiging mataas na tao. 

"Bukod dito, may mahalaga pa'kong lakad," malamig pa sa niyebe ang salitang 'yon mula kay Blaise. 

Natigilan si Dasha. Sandali itong natulala kay Blaise. Hindi niya maipaliwanag ang nararamdaman,  lalo nang magtama ang kanilang mga mata.

Nag-init ang kanyang mukha. Agad nitong inalis ang tingin sa lalaki sapagkat pakiramdam niya ay tila pinapaso ito ng titig n'yon. 

Nagsimula siyang makaramdam ng takot. Tila nais niyang maglaho sa mga oras na iyon. Wala lamang siyang magawa, 'pagkat kailangan niya ang trabahong mayroon siya. 

"Kumalma ka, Dasha. Kumalma ka..." bulong nito sa kanyang sarili. 

Hindi niya alam kung bakit, pero kita nito mula sa kanyang peripheral vision na hindi hinihiwalay ni Blaise ang pailalim na titig sa kanya. Nakaramdam pa siya ng hiya nang mahagip ng kanyang mga mata na sa kanyang puwang sa dibdib ito nakatingin. 

Marahil ay dahil iyon sa kanyang suot na dress.

Kung bakit ba naman kasi ito ang pinasuot sa kanya ni Kate, sa isip-isip niya. 

Inanyayahan ni Von si Blaise sa main seat. "Have a seat, Mr. Devaro, para makapagsimula na tayo, " salita niya. 

Nakaramdam siya ng kaba nang dahan-dahang lumapit si Blaise. Bawat hakbang ay parang sinusukat ang distansya nilang dalawa. Hanggang sa makaupo ito sa harapan niya. Umupo rin ang miyembro ng creative team sa iba’t ibang upuan.

Tahimik na nakiramdam si Dasha nang magsimulang magpaliwanag at makipag-usap ang malalaking tao na kanyang kasama. 

"And what will I gain if I invest that much?" 

Nakapagpa-angat iyon ng tingin ni Dasha kay Blaise. 

"Walang pagbabago..." bulong ni Dasha sa sarili. 

Muli siyang nagbaba ng mukha nang sandaling tapunan siya ni Blaise ng tingin. Dahilan nang kanya muling pagtahimik. 

Hindi na ito kumibo, habang patuloy sa pag-uusap ang mga kasama niya sa room. Hindi siya umiimik kung hindi hingiin ang kanyang opinyon o panig.

Ramdam ni Dasha ang bigat sa tono ng pananalita ni Blaise sa t'wing makikipagpalitan ito ng salita sa kanyang mga kausap. Tila galit na galit ito sa mundo. 

Tulad ni Dasha, marami ring iniisip si Blaise. Isa na ro'n ang babaeng kanyang minamahal noon pa man. Gusto niya itong yakapin buhat nang makita niya, ngunit ang kanyang mainit na nararamdaman ay agad napapalitan ng panlalamig sa t'wing naaalala ang pag-iwan nito sa kanya.

"Kung may concern ka pa, Mr. Devaro, maari mo rin idulog sa executive director ng Prime Vision Studios, Ms. Kate. Also, kay Ms. Alesi." Magalang na sabi ni Mr. Aquino. 

Walang ekspresyon ang mukha ni Blaise nang tumingin kay Mr. Aquino. 

"Really? Sa totoo lang, 'yan ang gusto kong malaman kanina pa," tila walang ganang tugon ni Blaise. "Anong purpose ng iba na narito kung walang sasabihin? Isang halimbawa na ang tulad ni Ms. Alesi?"

Napalunok si Dasha nang marinig ang sinabi ni Blaise. 

"Mr. Devaro?" nagtatakang sambit ni Mr. Aquino. 

Pinagmasdan ni Von Rosales si Dasha. Kanina niya pa napapansin ang trato ni Blaise rito. Napapikit siya at nag-alalang baka hindi nila makuha ang panig ni Blaise bilang investor, dahil sa napapansin nito kanina pa. 

"How about the others, Mr. Aquino? Hindi ko makuha ang punto niyo kung para saan ang iba niyo pang kasama?" Tumingin ito kay Von dahil napapansin ni Blaise na kanina pa ito nakatingin kay Dasha. 

Walang nakasagot dahil sa matinding tensyon na dinudulot nito sa kanila. 

Matalim na tumingin si Blaise kay Rosales. 

“Mr. Devaro, ang Prime Vision Studio ay lehitimong kompanya. Hindi po kami gagawa ng mga bagay na magbibigay ng masamang ekspresyon at imahe rito. Kaya't ano man ang iniisip niyo, ay walang basehan. Narito kaming lahat dahil mahal namin ang kumpanya na aming pinagtatrabahuhan."

Napabuga ng hangin si Dasha. Ramdam niya ang kanina pang malamig na pakikitungo ni Blaise pagdating sa kanya. Para sa kanya, mukhang natapos na ang limang taong hinanakit at galit nila sa isa’t isa. Ngayon, tila hindi na sila magkakilala. At pabor iyon sa kanya.

“Good, if that so," malamig na tugon ni Blaise.

Matapos ang ilang minutong pag-uusap ng mga 'to ay nilagdaan ni Blaise ang papel na inabot sa kanya ni Mr. Aquino. Matapos ang deal, agad na nagtungo si Dasha sa restroom. 

Agad na sumunod sa kanya si Kate.

"Dasha," tawag niya rito. "Can you tell me, anong meron sa inyo ni Mr. Devaro? Ramdam ko ang tensyon sa pagitan niyong dalawa."

Mapait na ngumiti si Dasha. “W-Wala."

"Kilala kita, Dasha," sabi nito. 

Seryosong itong timingin sa kanya. 

"Wala naman siguro akong dapat ipaliwanag—"

"Meron," putol niya sa pagsasalita ni Dasha. "Dahil muntik nang matadamay ang kapakanan ng kumpanya—"

"Wala akong kasalanan." Mabilis na tugon ni Dasha. 

Magsasalita sana si Kate, ngunit bigla itong natigilan nang mag-ring ang cellphone niya. 

Marahil ay importante ang tawag. Kaya lumayo siya mula kay Dasha, at walang pag-aalinlangan 'yong sinagot. 

Papasok na si Dasha sa pinto ng CR nang bigla itong matigilan dahil sa humawak sa kanyang braso. Nanlaki ang mga mata nito nang hilahin siya sa loob. 

“Blaise, let me go!” Pabulong na sigaw ni Dasha. 

“Mananahimik ka, o ako ang gagawa ng ingay dito?banta nito. 

Walang nagawa si Dasha kundi ang sundin ito.

"Ano pa bang gusto mo? Nakalimutan mo na ba ang sinabi mong titigilan mo na'ko?" anito. 

Blaise tsked. 

"Nakalimutan mo na rin ba ang sinabi ko? Titigilan kita kapag umalis ka at hindi na bumalik pa."

Napalunok si Dasha. 

"Please, Blaise. 'Wag na natin pahirapan ang mga sarili natin! Matagal na panahon ang lumipas. Nakalimutan na kita—"

"Puwes, ako hindi. Hindi ako papayag. Hinding-hindi..."