Chapter 19: Unknown Package

"Titus! Ang kulit mo talagang bata ka! Sinabi na nga ng mommy mo na hindi ka pwedeng lumabas!" Nauubusan ng pasensya na hinabol ni Ana ang alaga. Kung anak niya lang ang bata ay kanina pa niya ito pinalo sa sobrang tigas ng ulo!

"Let's go, Darwin!" utos ni Titus sa driver na kanina pa naghihintay sa loob ng sasakyan. Umiling na lang ang lalaki sa paraan ng pananalita ng bata. Ni hindi nito alam ang gumalang sa mga nakakatanda. Parang hari kung mag-utos at magsalita.

"Titus!"

Humarurot na ang sasakyan at naiwan si Ana na umuusok ang ilong sa galit. Agad niyang inireport ang pag-alis ng bata kay Katie.

"Papalitan na talaga kita sa susunod! Kaya nga ikaw ang kinuha ko para mabantayan siya nang mabuti pero lagi kang natatakasan! Isa pa talaga at malalagot ka na sa akin!"

Lalong lumukot ang mukha ng babae. Siya pa talaga itong napagalitan. Anong magagawa niya kung sintigas ng bato ang bungo ng anak ng mga ito?

Pilit naman na kinalma ni Katie ang sarili at muling binasa ang mga reports na