4: Fiance

"Okay na siguro 'to." 

Pinagmasdan ni Karleigh ang hitsura sa harapan ng salamin. Nakasuot siya ng dark blue sheath dress at puting kitten hills. Sabado ngayon at ito din ang araw na napag-usapan nila ni Shawn para makilala niya ang mga magulang nito. Napurnada pa tuloy ang pamamahinga niya. 

Kinuha na niya ang blue pouch sa kama at saka na lumabas ng kwarto. Dahil sa heels niya ay rinig na rinig ang bawat hakbang niya sa pagbaba ng hagdan. Agad siyang napansin ni Kirk na abala sa paghuhugas ng pinggan.

"Sabado ngayon, ah. Saan ka pupunta at bihis na bihis ka?" tanong nito.

Napalunok si Karleigh. Hindi dapat malaman ng kuya niya ang kagagahang pinasok niya. Tumikhim siya at saka inayos ang sarili bago lumapit sa kapatid.

"Ahh… m-mamamasyal lang kami nila Zahra at Bri," kandautal niyang tugon.

Napatigil sa paghuhugas ang kapatid at tumaas ang isang kilay nito dahil sa narinig mula kay Karleigh. 

"Anong oras ka uuwi?" maawtoridad niyang tanong habang pinapasadahan ng tingin ang babae mula ulo hanggang paa. 

"Ite-text na lang kita kapag pauwi na kami. 'Wag kang mag-alala, hindi naman ako magpapagabi."

Tila hindi pa kumbinsido ang kuya niya kaya naman kinakabahan na siya na baka mahalata siya nitong nagsisinungaling. Nakahinga siya ng maluwag nang bumalik na ito sa ginagawa.

"Sige, mag-ingat ka," wika nito.

Abot langit ang ngiti niyang niyakap ang kapatid. "Thanks, Kuya."

**

Habang nasa byahe ay hindi na mabilang ni Karleigh kung ilang beses ba siyang nagdasal. Kahit na parang role playing lang gagawin nilang dalawa mamaya ni Shawn ay hindi pa din siya mapakali. Parang mas nakakakaba pa nga ang gagawin nila, hindi niya alam kung akong klaseng mga tao ang sasalubong sa kanya sa bahay ng binata.

"Gusto mo bang dumaan muna ng simbahan?" basag ni Shawn sa katahimikan habang nagmamaneho.

Napadilat ng mata niya si Karleigh at tumingin sa lalaki. Bakas sa mukha nito ang kaba lalo na sa mga butil ng pawis na tumutulo mula sa kanyang noo.

"Pwede ba?" 

Tumawa si Shawn dahil sa naging sagot nito. 

"Relax, Lei. Hindi naman mga halimaw ang mga magulang ko, they're nice, trust me." Pinipilit niyang pagaanin ang loob ni Karleigh dahil base pa lang sa hitsura nito'y mukhang gusto nang tumakbo pababa ng kotse.

Nang mapansin ang pananahimik ng babae ay napatingin siya dito. Nagulat si Karleigh nang hawakan ni Shawn ang kamay niyang nakapatong sa kanyang hita. 

"You're with me, sweetie. Nothing to worry about," wika niya sa pinaka malambing na tono.

Nagtayuan ang lahat ng balahibo sa katawan ni Karleigh sa ginawa ng lalaki kaya mabilis niyang hinugot ang kamay sa mga hawak nito. Umayos siya ng upo at pilit na ngumiti.

"O-okay na pala 'ko. Malayo pa ba tayo?" 

Ilang minuto pa ang lumipas ay pumasok sila sa isang malaking puting gate. Namangha si Karleigh sa taas ng bakod at ang malawak na bakuran na sumalubong sa kanila pagpasok pa lang. May fountain sa kanang bahagi nito at mas lalo siyang namangha nang makita ang isang mansyon na may tatlong palapag. Kulay gray ito.

Sabay na silang pumasok sa loob nang makababa ng sasakyan. Sinalubong sila ng mga katulong na sabay-sabay yumukod upang magbigay galang.

"Where's Mom and Dad?" tanong ni Shawn sa isang katulong. 

"Nasa likod po sila." Isang babaeng twenty years old ang sumagot sa kanya.

Tinungo nila ang likurang bahagi ng bahay. Mayroon doong malaking swimming pool at sa tabi no'n ay mayroong pavilion na may lamesa at mga upuan, naroroon ang isang babae at isang lalaking nagkukwentuhan at ito marahil ang mga magulang ni Shawn.

"Mom, Dad."

Napalingon ang mag-asawa sa anak at napatayo sila nang makita ito. Nang makalapit ay para bang mabubuwal si Karleigh sa kinatatayuan niya kaya mabilis siyang humawak sa braso ng binata upang humingi ng suporta.

"Mom, Dad, this is Lei, my fiancee. Lei, this is my Mommy Darcey and my Daddy Lazar," pakilala niya.

"Wow! You look gorgeous, hija." B****o sa kanya ang ina ni Shawn.

"S-salamat po," kandautal niyang tugon.

Mas dumoble ang kaba niya nang lumapit na sa kanya si Lazar na seryoso ang tingin sa anak at maya-maya'y binaling ang tingin sa kanya. 

"So, she's the girl, huh?" 

Ramdam ni Shawn ang panlalamig ng kamay ng kasama kaya hinawakan niya iyon. 

"Yes, Dad. The girl that I will marry."

Ilang segundo pa ay sumilay ang isang ngiti sa labi ng matanda. "Great to see you, Lei."

Matapos no'n ay naupo na sila sa hapag. Napalunok na lang si Karleigh nang makita ang mga putaheng nakahain sa lamesa. Parang nagutom ulit siya kahit na nakatatlong bulos siya ng kanin kanina sa kanila. 

"Anong trabaho mo, hija?" tanong ni Lazar.

Napatingin si Lei sa binata at nagtatanong ang mga nito kung sasabihin ba niya ang totoo. Sumenyas ang lalaki kaya naman tumingin ulit siya sa matanda.

"Ahh… sa HAC po."

"You mean, Huang Animation Company?"

"Opo, alam niyo po pala 'yon?"

"Yeah, Shawn, 'di ba doon nagtatrabaho 'yong kapatid ni—"

"Karleigh, let's eat. Masasarap 'tong food, I'm sure na magugustuhan mo 'yan." Kaagad na pinutol ni Shawn ang sasabihin ng ama at nagsimulang hainan ng pagkain si Karleigh.

Naguguluhan man ay ngumiti ang babae at siya na mismo ang kumuha ng pagkain. Tiningnan ni Shawn ng makahulugan ang ama, mukhang nakuha naman iyon ni Lazar at saka tumikhim.

"Anyway, saan kayo nagkakilala ng anak ko?"

"In a restaurant."

"Sa sidewalk po." Magkapanabay nilang tugon. 

Nagkatinginan sila at nagbabanta ang mga mata ng lalaki. Pasimpleng inapakan ni Karleigh ang paa ni Shawn. Napangiwi ang binata dahil sa ginawa ng babae ngunit kalauna'y pilit na ngumiti sa mga magulang.

"W-we met in the sidewalk in front of a restaurant," wika niya at pinipigilang mapasigaw. 

Napatango-tango ang mag-asawa kahit na nag-aalangan pa kung maniniwala ba sa sinabi ng anak. Marami pa silang napag-usapan at mukhang kumbinsido naman ang mga magulang ng binata base sa mga mukha nito habang kakwentuhan si Karleigh. 

**

Nakatukod ang kamay ni Karleigh sa lamesa habang nakapatong naman doon ang kanyang ulo. Abala siya sa paggawa ng anime figure para sa presentation niya for promotion nang biglang dumating si Briah.

"Lei, may naghahanap sayo," wika niya at tumingin pa mula sa pinagmulan.

Nangunot ang noo ni Karleigh bago itigil ang ginagawa. 

"Sino?"

Ngumiti si Briah ng makahulugan bago tumayo ng tuwid. "Go and see for yourself."

Wala ng nagawa ang dalaga at iniwan ang tinatrabaho bago na maunang maglakad patungo sa lobby ng departamento. Nakasunod lamang si Briah sa kanyang likuran habang papalapit siya nang papalapit sa isang lalaking nakatalikod mula sa kanyang pwesto.

Napatigil siya nang mahulaan kung sino nga ba iyon, nagpakawala siya ng buntong-hininga bago na tuluyang lapitan ang lalaki. 

"Anong ginagawa mo dito, Gael? May trabaho pa 'ko." Mababakas sa tono ng kanyang pananalita na wala siyang interes na makipag-usap kay Gael.

Humarap ito sa kanya. May hawak itong bouquet ng mga bulaklak. Nasa 5'8 ang tangkad, he has a stocky body that fits him so good. Siya si Gael Fabro, ang matagal ng nanliligaw kay Karleigh. 

"For you," wika niya at inabot ang hawak sa babae. 

Tiningnan muna iyon ni Karleigh bago kuhanin at ibigay kay Briah. 

"Makakaalis ka na." Akmang tatalikuran na niya ito nang biglang kabigin ng binata ang kanyang pulso na dahilan upang mapaharap siyang muli.

"Wait!" maagap niyang wika, "ito naman napaka suplada. Tatanungin lang sana kita kung pwede kang maimbitahan sa dinner mamaya."

Sarkastikong ngumiti si Karleigh. "Hindi."

Napanguso si Gael dahil sa sagot nitong parang hindi man lang pinag-isipan. 

"'Yan naman lagi ang sagot mo, eh. Kahit ngayon sana, Lei. Bigyan mo naman ako ng chance."

Napairap naman si Karleigh dahil sa pagpapa-cute nito sa kanya. Kung pwede lang i-delete si Gael sa buhay niya ay ginawa na niya. Kaso parang virus na kahit paulit-ulit na palayasin, paulit-ulit ding bumabalik. 

Tinanggal niya ang pagkakahawak nito sa kanyang kamay at saka niya ito hinarap. Mabuti na lang at kasing haba ng traffic sa EDSA ang pasensya niya sa lalaking ito, kundi ay baka mauna pa siyang sumabog sa Taal Volcano. 

"Ano bang hindi mo maintindihan sa salitang "hindi ako interesado sayo"?"

Nawala ang ngiti ni Gael ngunit mabilis din iyong nagbago. Tila ba sanay na siya sa masasakit na salita sa kanya ni Karleigh kaya hindi na niya iyon dinadamdam. 

"Lei—"

"Babe, what's going on here?"

Lahat sila ay napalingon sa pinagmulan ng tinig. Nanlaki ang mga mata ni Karleigh nang makita si Shawn na pumasok sa glass door. Nakapamulsa itong lumapit sa kanya at saka siya inakbayan.

Salubong ang kilay ni Gael habang nakatingin sa kakadating lamang na lalaki habang si Briah ay bagsak ang pangang nakatingin sa kaibigan. Maging si Zahra na kakadating lang ay naibagsak ang mga papeles na dala dahil sa nasaksihan.

"Anong ginagawa mo dito?" Bulong man ngunit may inis sa boses ni Karleigh. 

Imbis na sumagot ay pinisil lamang nito ang balikat niya. 

"Mind to introduce yourself?" tanong ni Gael na halata sa boses ang inis. 

Malugod na inilahad ni Shawn ang palad sa kanya. 

"I'm Deshawn Moore… Karleigh's fiance."