Kabanata 11: "Love Quarrel"

Hindi alam ni Miles kung paano susuyuin si Kennedy. Panay ang sulyap niya rito subalit umaakto itong hindi siya nakikita.

Pagkatapos nitong kumain ay mabilis itong umalis sa hapagkainan at dumeretso sa labas ng mansion.

"Kumain lang ho kayo Master, sayang naman ang pagkain." Natigilan siya sa pagtayo at muling umupo.

Ayaw niyang sumama ang loob ng mayordoma sa kanya. Nakiusap siya ritong lutuin ang paborito ni Kennedy pero mukhang wala sa mood ang asawa para kumain ng maayos at kasalanan niya ito.

"Salamat po sa pagkain." Paalam niya rito at tumayo na para umakyat sa kwarto nilang mag asawa.

Ibinabad niya ang sarili sa loob ng shower. Napaisip siya sa mga nasabi niya, nasisiguro niyang nasaktan niya Ito at mas masasaktan niya kapag umalis na siya.

"If you want to repay me, then love me Miles, Love me because love is the only thing in this world that I don't have. So boy, be my love."

Naisip niya ang mga katagang ito na iniwan ni Kennedy sa kanya. Bayad na nga ba siya at minahal niya