XII. Skip a beat

Pagdating nila sa Hotel ay dumiretso agad sila sa department store. Kanya-kanya na silang bumili ng susuotin nila mamaya at ilang perasong swimsuits para sa plano nilang swimming mamaya. Napagdesisyon nilang sa infinite pool mag-stay mamaya dahil sa nabanggit nina Liam na may fireworks after midnight. Nalaman din nila na pool party na gaganapin mamaya at may inimbitahang banda at ilang kilalang artista para mag-perform mamaya. Tamang-tama lang pala na nagkaayan sila na magpuntang Baguio ngayon dahil umaayon sa kanila ang pagkakataon.

Nang makapamili ay isang luxury suit ang ibinigay sa kanila ng Manager ng bachelor Den nang makita ang kanyang gold card.

"Ah, this is life!" saad ni Stephany at pabagsak na naupo sa mahabang sofa. "Sinong mag-aakalang ganito kagara ang tutuluyan nating hotel."

"This place is the center of the city, just look outside. It's amazing!" buong paghanga naman ni Sally na napayakap pa sa sarili dahil sa lamig. "No polluted air around," sabi pa nito at suminghap.