KABANATA 75

"Gusto mo bang samahan kita, Nak?" Si Mama na may pag-aalala ang tingin sa akin.

Pareho kaming nakaayos ngunit iba ang destinasyon. Dalawa rin ang tricycle na nag-aabang sa gate. Isa para sa kanila na papuntang grocery store. Ang isa ay para sa akin papuntang terminal ng jeep.

"Kaya ko na po, Ma. Alam ko naman po kung saan kukuha ng Cenomar."

Pilit akong ngumiti. Kahit gusto kong magpasama sa kanya ay pinipigilan ako ng matalim na tingin ni Papa.

Kahit gaano ko pa palakasin ang loob ko ay humihina lamang iyon lalo na sa tuwing naiisip ko na galit sa akin si Papa at gusto na akong alisin sa pamilya.

"Hindi naman tayo magtatagal. Nandoon naman ang Papa mo sa grocery store," pilit pa nito.

Kita ko naman na gusto talagang sumama ni Mama, ang problema ay tutol si Papa. At ayaw ko na mas magalit pa ito o idamay pa si Mama.

"Hindi na po, Ma. Okay lang po, kaya ko na-"

"Lorna, kasalanan niya ang nangyari sa kanya kaya pabayaan mo