CHAPTER 12

NASA harap na ng restaurant si Ehra kung saan pumasok sina Dwight at Felicity nang bigla siyang kabahan. Parang gusto na niyang umatras sa binabalak, pero nandito na siya. It's now or never!

Huminga siya nang malalim.

"Kaya mo 'yan, Monang. Saka hindi ka naman papatay ng tao para matakot. You just have to play some trick. After all, ito naman talaga ang gusto mo diba? Ang makita mong manggalaiti sa galit si Dwight at umiyak sa harap mo mismo. Kaya mo 'yan, Monang! Go girl!" pagpapalakas-loob niya sa sarili.

At hindi nagtagal ay nagtuloy-tuloy na siya sa loob ng restaurant. Nang makapasok, iginala agad niya ang aking paningin. Hinanap ang kinaroroonan ni Dwight at nobya nito.

"Nasa'n na kaya ang mokong na 'yun?" paanas na bulong niya.

Pagkuwa'y naglibot siya sa loob ng restaurant. Marami-rami na ring mga costumer. At abala ang lahat ng crew. Mula sa counter hanggang sa kinaroroonan niya ngayon. Katunayan, nilapitan siya ng isang waitr