CHAPTER 13

BAHAGYA siyang napaurong mula sa kinatatayuan nang mapagbuksan ni Ehra ng gate si Dwight. Siya pala ang kanina pa kumakatok at halos sirain na nito ang gate sa lakas ng pagkatok nito. Mabuti na lang at sila lang ni Darla ang tao sa Mansiyon nang hapong iyon. Lumabas kasi sina tito Manuel at tita Isabel para bumisita sa isa nilang kaibigan sa kabilang bayan.

Paano nalaman ng mokong na 'to ang bahay? sabi niya sa isip-isip.

"A-Anong ginagawa mo dito?" pagsusuplada niya.

"Pumunta ako dito para kaladkarin ka papunta kay Felicity. Alam mo ba na galit na galit sa akin ang girlfriend ko dahil sa'yo? Kaya kailangan mong sumama sa akin!" tiim-bagang na sagot nito.

Halos mamula na ang mukha nito at magsalubong ang mga kilay sa galit.

"Umalis ka na, Dwight!" pagtataboy niya.

"Narinig mo naman siguro ang sinabi ko, diba? Inumpisahan mo ito, kaya tatapusin ko. Hindi mo pa ako lubos na kilala, Ehra!"

Napaurong siya sa pagkabigkas