Chapter 19

Zedic's POV

"Mukhang mapapalitan na yata si Salve bilang kusinera sa bahay na 'to ah?" 

Agad akong napalingon ng marinig kong magsalita si Aling Sol sa likuran ko. Nakangiti itong nakatingin sa akin habang wala namang reaksyon ang mukha ko.

"Bakit ho aalis na ba si ate Salve?" pagtataka kong tanong naman.

Naglakad ito papalapit at naupo rin paharap sa akin, nasa veranda kami ng kwarto ko at nakaupo sa harap ng medyo katamtamang laki ng mesa nakalatag roon ang isang baso at bote ng alak na iniinom ko.

"Hindi iyon ang ibig kong sabihin, sa tingin ko lang naman mapapalitan na siya kung gugustuhin mo, mukhang mas masarap yatang magluto si Mitch tama ba ako?" Nanunukso ang ngiting umukit sa labi nito at hindi ako nakasagot.

"Ngayon ko lang kasi napansin sa paulit-ulit na paghain namin ng pagkain sa hapag ay ngayon mo lang ito naubos kainin," dag