Illicit Desire #1: Warmth Of His Touch

TULALA si Ariah habang nakamasid sa lapida na may pangalan ng kaniyang Ate. Kakalibing lang nito kanina ngunit hindi pa rin siya umaalis sa kinatatayuan. Kanina pa siya natakayo roon at parang wala nang balak pang umalis. Umuulan na nang malakas ngunit parang wala lang iyon sa kaniya, basang-basa na ang kaniyang damit. Nakaluhod lang siya roon habang pinapanood ang lapida ng kaniyang yumaong Ate.

Ayaw niyang mawala sa paningin ang kapatid maski ang lapida na may nakaukit na pangalan ng kaniyang Ate. Kanina ay halos gustuhin na niyang sumama sa hantungan ng kapatid at umiiyak na tinatawag ang pangalan nito. Buti na lang naroon ang kaniyang mga kaibigan upang pigilan siya. Pilit niya kasing inaawat ang mga lalaki na siyang nagbababa ng kabaong ng kaniyang Ate sa malalim na hukay.

"Ariah, halika na. Umuwi na tayo. Kailangan mo nang magpahinga." Kung hindi lang lumapit si Emily na matalik niyang kaibigan ay hindi siya mababalik sa katinuan.

"I can't. A-ayaw kong mawala siya sa panginin ko." Saad niya na muli na namang kumawala ang masasaganang luha sa mata.

"Wala siya dapat dyan eh. Wala siya dapat dyan sa ilalim. She should be here. With me. Hindi niya dapat ako iniwan. I need her." Halos napaos siya dahil sa panginginig ng kaniyang labi. Hindi siya masyadong makapagsalita ng maayos dahil sa pag-iyak.

"Shhh. Tahan na. Hindi makabubuti sayo na manatili dito. Mas mabuting umuwi muna tayo at magpahinga ka. Sa susunod na araw na lang tayo bumalik kapag maayos ka na, okay?"

Ilang ulit niyang pinasadahan ng tingin ang pangalan na nakaukit sa lapida. Mas lalong nanikip ang kaniyang dibdib sa isiping wala na nga talaga ang kaniyang pinakamamahal na ate. Ang taong tanging meron na lang siya na nag-alaga sa kaniya, ay nawala pa. Ngayon ay nag-iisa na lang siya.

"You should put yourself together, Ariah. Hindi ka nag-iisa. I'm still here with you. Hindi kita iiwan, okay? I'll be by your side." Hinawakan nito ang kaniyang magkabilang balikat at iniharap siya rito.

"Hey, look at me. I said tingnan mo ako, Ariah," walang buhay niyang tiningnan ang seryoso nitong mukha, "Put yourself together, Ariah. I need you to be strong. Magpakatatag ka hindi para sakin o para sayo. Magpakatatag ka alang-alang kay Shawn. Shawn needed you the most. Gawin mo ito para sa Ate mo, to make her happy and be proud of you. Please, gawin mo ito para kay Shawn. Be strong again like you always do. Please, Ariah."

Muling nabuhay ang nalugmok niyang puso at isipan nang marinig ang sinabi ng kaibigan. Emily's right, she needs to be strong. Someone needed her more than she needed her sister. Hindi niya pwedeng pabayaan ang naiwan ng kaniyang Ate at responsobilidad niya iyon bilang kapatid. Alam niyang mahirap tanggapin ang lahat. Mahirap tanggapin na wala na ang kaniyang pinakamamahal na kapatid. Ngunit sa oras na iyon ay hindi siya pwedeng maging mahina at magmistulang daga na basang-basa sa ulan dahil lang sa kagustuhan niyang manatali. Kailangan niyang maging malakas at maging matatag. Now, she needs to go home and see that little boy.