Kabanata 4 Inexpicably Drawn to Her

“She's not my girlfriend, tita."

Tumaas ang kilay ni Luna. ‘Aba’t nauna pa niya akong i-deny. Ano bang akala niya? Papatulan ko siya? Nasobrahan yata ito sa hangin kaya nagkaroon ng benda sa ulo niya eh. Kahit nuknukan siya ng guwapo, kahit sobrang bango at hot niya, h-hinding-hindi ako m-mahuhulog sa k-kaniya. Teka. Bakit mukha akong nag-aalangan?’ Winaglit niya ang laman ng kaniyang isipan. Napaismid siya nang mapansin niya ang kamay ng lalaki sa kaniyang bewang. Hinayaan niya lang ito.

Ngumiti si Diana. “Talaga? Bakit nakaalalay ka pa rin sa kaniya? Type mo?” Kinindatan niya si Yael.

Yale's face suddenly burned out of shyness. Hindi niya napansin na pagkatapos niyang ibaba ang babaeng sinalo niya kanina ay muli niyang hinawakan ang bewang nito.

Marahang hinawakan ni Luna ang kamay ng binata at inalis iyon sa pagkakahawak sa kaniya.

‘What the hell am I doing? Bakit hinintay ko pang siya mismo ang mag-alis ng pagkakahawak ko sa kaniya?’ inis na sigaw ng isip ni Yael. Tumayo siya nang maayos at napalunok. Hindi niya magawang lingunin ang babae.

“Pasensya na po kayo sa misunderstanding. Hindi ko po kilala ang lalaking ito at mas lalong hindi ko po siya boyfriend." Nilingon ni Luna ang binata. Pinasadahan niya ito ng tingin mula ulo hanggang paa. “He's far from my type."

Napaubo si Yael sa kaniyang narinig mula sa dalaga.

“Anyway, maraming salamat sa pagsalo mo sa akin kanina. If you don't mind, magbabayad na ako ng mga pinamili ko."

Hindi na napigilang mapatawa ni Diana nang makita niya ang pagkainis sa mukha ng kaniyang pamangkin. “Mukhang hindi tumalab ang karisma mo sa babaeng ‘yon. Nasanay akong mga babae mismo ang naghahabol sa'yo. What happened, my dear nephew? Mukhang nabawasan na ang kaguwapuhan mo ah," pabirong wika niya.

Sinenyasan ni Diana ang isa sa mga staff niya na sundan ang babae ang alamin ang pangalan nito. Agad naman itong umalis.

Inayos ni Yael ang kaniyang coat at buhok. “Wala pang natanggi sa isang Yael Anderson, tita. Isa pa, ang daming matang nakatingin sa atin kanina. Siyempre, mahihiya siyang umamin. Alam na alam ko na ang strategy ng mga babae. Playing hard to get para mas makuha ang atensyon ko.”

Napatawa si Diana. "Sabi mo eh. Anyway, where are the reports?”

Iniabot ng secretary ni Yael ang files kay Diana.

Agad na binuklat ni Diana ang mga dokumento. “Good." Ibinigay niya sa kaniyang secretary ang documents. Napatingin siya sa direksyon ng pinto nang makita niyang umalis ang babaeng nakakuha ng atensyon niya kanina. “I like her."

“Ano naman ang nagustuhan mo sa kaniya, tita?" Nilingon ni Yael ang babae. Nag-aabang ito ng masasakyan sa labas. ‘She really looks familiar. Where did I meet her and why? Why do I feel nervous whenever she's around?’

“I don't know. Basta, magaan ang loob ko sa kaniya. Mukha siyang mabait pero mukha ring palaban at may paninindigan." Nakatingin pa rin si Diana sa labas ng clothing store niya. Lumapit sa kaniya ang staff niya at ibinulong sa kaniya ang pangalan ng babae. “Luna. Her name suits her well. She's pretty like the goddess of the moon.”

‘So, Luna ang pangalan niya.’ Nang makita ni Yael na hindi pa nakakasakay ang babaeng sinalo niya kanina ay agad siyang nagpaalam sa kaniyang Tita Diana. “Tita, I have to go na pala. May appointment pa akong kailangang puntahan. Babalik din ako mamaya sa Monte Carlos. Sasama ka ba?"

“Hindi. Dito muna ako. May mga kailangan pa akong ayusin dito. Anyway, maraming salamat sa pagdala ng mga reports. I really appreciate that you came all the way here kahit sobrang busy mo rin. Iyakap mo ako sa Mommy Freya at kapatid mo pagbalik mo sa Monte Carlos ha. Pakisabi rin sa Daddy Jacob at mga tito mo na bawas-bawasan na ang adventures at baka maaga silang magkita-kita ng lolo mo sa langit.” Bumuntong hininga si Diana. "Miss na miss ko na si papa.”

Niyakap ni Yael ang kaniyang Tita Diana. “I also missed Lolo Vandolf, tita. Don't be sad. Nasa masaya at payapang lugar na si lolo ngayon."

“Sige na at baka mapaiyak pa ako. Alam kong marami ka pang aasikasuhin. Babalik na rin ako sa office ko. Maraming salamat, Yael. Mag-iingat ka. Don't forget to text me kapag nasa Monte Carlos ka na ulit.” B****o si Diana sa kaniyang pamangkin at saka tumalikod dito.

“President Anderson, saan po pala tayo pupunta? As I remember, wala po kayong ibang appointments dito sa Monte Rocca,” sambit ng sekretarya ni Yael habang nakasunod sa kaniyang amo. Malalaki ang hakbang nito kaya halos matapilok na siya kahahabol dito.

Huminto sa paglalakad si Yael. Muntik nang mabangga sa likod niya ang kaniyang sekretarya. "You don't need to come with me, B. It's a personal matter. Go to the nearest spa and pamper yourself. Ipapasundo na lang kita kay Zack kapag pauwi na tayo ng Monte Carlos.”

Yumuko ang sekretarya. "Sige po, President Anderson.”

Sumakay na ng sasakyan si Yael.

"Saan po tayo pupunta, Sir Yael?” tanong ni Mang Edwin.

"’Tay Edwin, sundan mo po ang babaeng ‘yon."

Tumingin sa salamin ang driver. “Po?"

"Sumakay na po siya. Sundan mo po ang jeep na sinasakyan niya. No matter what happens, don't lose her.” Nakasentro ang atensyon at paningin ni Yael sa babaeng nakabangga niya kanina. Sa may dulong upuan ito ng jeep nakasakay at nakatingin sa kaniyang direksyon.

"Type niyo po ba siya, sir?” natatawang tanong ni Mang Edwin.

Napaubo si Yael. "H-Hindi po, ‘tay. M-May kailangan lang po akong itanong sa kaniya.”

Ngumiti lang si Mang Edwin habang sinusundan ang babaeng tinutukoy ng kaniyang amo. "Mukhang may natipuhan ng babae si Sir Yael. Kailangan itong malaman ni Ma’am Freya at Sir Jacob,” bulong niya.

"’Tay Edwin, may sinasabi ka po ba?”

"Ah wala po, Sir Yael. Wala pa po kayong maayos na pahinga. Umidlip po muna kayo at gigisingin ko na lang po kayo kapag bumaba na ang baba—”

"No. I am not going to close my eyes until she's standing in front of me.” Nagulat si Yael sa kaniyang sinabi. ‘Why am I invested in that woman? And why the hell am I going after her? Am I really interested in her?’ he thought while staring at Luna.