Chapter Seven

SABI ni Hannah, kailangan niyang itulak si GB dahil hindi tama na halikan siya nito. Hindi naman sila magkarelasyon para gawin ang bagay na ito, ngunit, hindi niya magawa. Para ngang may sariling isip ang kanyang mga kamay dahil hindi niya namalayan na naglakbay na iyon paakyat sa braso at balikat ni GB tapos pumulupot na ang mga kamay niya sa batok nito. Mas gusto kasi niyang matikman ang halik ni GB. 

Ito ang unang halik niya ngunit hindi naman niya maikukonsidera ang sarili na walang alam sa pakikipaghalikan dahil may pagkakataon na nagbabasa rin naman siya ng romance pocketbook kahit sinasabi niyang hindi siya naniniwala sa pag-ibig. Siyempre, kailangan din naman niyang suportahan ang mga nobela ni Chesca, nahagilap niyang ikatwiran sa sarili pagkaraan. Bukod din sa pagbabasa ng romance pocketbook, hindi rin niya napipigilan ang sariling manood ng porn. Siyempre nais din naman niyang magkaroon ng ideya sa pakikipagtalik. 

Ewan niya kung bakit kahit na sin