ALAM man ni Mark Wayne na hanggang ngayon ay si Lance pa rin ang mahal ni Jillian, hindi naman maaaring tumanga na lang siya habang pinanonood kung paanong magyakapan ang dalawa. Kailangan niyang makuha at maibalik si Jillian sa kanyang buhay. Wala siyang pakialam kung mahal siya nito o hindi.
Siya ang asawa, siya ang may karapatan.
"Jillian, umuwi na tayo!" Matigas niyang sabi. Nangako rin siya kay Bianca na dadalhin na niya ang asawa ngayon pauwi. Hindi man niya kilala ang pagkatao ng isang Bianca Francisco, pero tiyak niyang may panganib itong dala. Kaya, kailangan na niyang mailayo si Jillian kay Lance.
"Hindi ako sasama sa'yo, hindi kita kilala!" Sigaw ni Jillian na nakayakap pa rin kay Lance.
Nang mga sandaling iyon, pakiramdam niya'y dinudu
ANG kondisyong ibinigay sa kanya ni Bianca ay ipapagamit sa kanya ang chopper ng pamilya nito pero kailangan niyang maisama sina Jillian at Lance pabalik. Inakala niya kasi na agad niyang madadala si Jillian pa-Manila kapag nakita siya ngunit paano niyang magagawa ngayon iyon kung hindi nga siya nito maalala.Sa tingin nga niya ay gusto pa nitong ipagtabuyan siya dahil nagawa niyang saktan ang kinikilala nitong asawa. Mararahas na buntunghininga ang kanyang pinawalan nang maisip niyang ginawa ni Lance bilang 'asawa' ni Jillian."Sabi ho ni Ma'm kailangang kasama ko rin kayo pabalik ng Manila," ani ng pilotong si Andy. Sa tingin niya ay matanda lang ito ng tatlong taon."Sabihin mo na lang hindi pa kami makabalik. May problema pang inaayos.""Pero…"
WALA man siyang matandaan tungkol sa asawa raw niyang si Mark Wayne Toledo, naisip ni Jillian na hindi siya dapat maging unfair dito. May malaking kasalanan na nga siyang nagawa rito na hindi niya alam kung magagawa niyang aminin dito at humingi ng tawad. Napalunok lang siya ng may katanungang biglang sumuot sa kanyang isipan, paano kung nagbuntis siya?Napalunok siya ng kung ilang ulit. Siyempre, wala na siyang choice kundi ang umamin. Saka, nangako siya kay Lance na kahit na anong mangyari ay hindi sila maghihiwalay. Ibig niyang tuparin ang pangako niyang iyon, pero, paano? Eh, hindi naman ito ang tunay niyang asawa na pinangakuan niya ng panghabambuhay?Parang gusto niyang maging makasarili at piliin na lang na si Lance. Nakasisiguro kasi siyang ito naman talaga ang kanyang mahal pero kahit na wala siyang maalala sa ngayon, napagtanto niyang hindi naman gano
TULAD nang nakagawian nina Lance at Jillian, tuwing umaga ay magkahawak kamay silang naglalakad sa baybaying dagat. Kung dati ay palagi silang nagkukuwentuhan, ngayon ay tahimik sila. Nagpapakiramdaman.Hindi na nakatiis si Jillian. “Dapat ay magalit ako sa’yo, Lance.”“I know,” bulong nito. “I’m sorry.”Marahas na buntunghininga ang kanyang pinawalan saka hinarap ito. Dapat ay sampalin niya ito, suntukin niya ang dibdib nito, itulak sa karagatan at murahin ito. Kaya lang ni isa sa mga iyon ay hindi niya magawa. Mas nangingibabaw ang pagmamahal na nararamdaman niya rito kaysa galit.Ni hindi nga niya mabitawan ang kamay nito dahil mahal niya ito. Mahal na mahal. Kaya, hindi niya napigilan ang mapahagulgol. Pagka
WALA si Lance nang magising si Jillian kinaumagahan. Si Mark Wayne ang nakita niyang nakatitig sa kanya nang magising siya. Hindi niya tuloy malaman kung maiilang siya o mahihiya rito."Maganda Umaga," masiglang sabi nito sa kanya."Good Morning din," wika niya. “Si Lance?”Malalim na buntunghininga ang pinawalan ni Mark Wayne. “Bakit ba ang wala ang hinahanap mo?”“Sorry.”"Maggu-grocery daw siya. Nagdadalawang isip pa ngang iwanan ka.""Kanina pa siya umalis?" Tanong niya rito. Kahit alam na niyang ito ang kanyang asawa, nagawa pa rin niyang ibigay ang sarili niya kay Lance. Pakiramdam tuloy niya'y sinadya na niyang pagtaksilan ito
KUNG hindi lang magugutom ang kanyang reyna, hindi talaga aalis si Lance. Kaya lang nai-stress din siya kapag kumakalam na ang sikmura ni Jillian. Para itong nagiging monster. Tumatalim ang tingin at nanunulis ang nguso. Ang sarap tuloy ihagis sa kama!May kaba lang siyang naramdaman nang maalala niyang si Mark Wayne lang ang kasama ni Jillian sa bahay kaya naman binilisan na lamang niya ang kanyang pagkilos. Sabihin man na si Mark Wayne ang tunay na asawa ni Jillian, siya pa rin ang mahal ni Jillian kaya dapat lang na sila ang magsama.Umaasa siyang tutuparin ni Jillian ang ipinangako nito sa kanya. Na kung anuman ang relasyon nito kay Mark Wayne ay tatalikuran nito dahil siya ang mahal nito. Dapat ay masiyahan siya sa sinabing iyon ni Jillian pero hindi niya magawa. Hindi pa kasi naaalala ni Jillian na may anak ito kay Mark Wayne.
BUMUKAS ang pinto ng kuwarto at pumasok si Lance pero ngumuso lang si Jillian. Ayaw sana niyang makita ito pero tiyak naman niyang hindi siya nito hahayaang lumabas ng silid hanggang sa hindi sila nakakapag-usap. Kaya, ang ginawa niya, hinagilap niya ang kumot at nagtalukbong.Talaga kasing naiinis siya rito. Biro mo ba naman, pinagluto niya ito ng adobo tapos pipintasan lang nito. Hindi na tuloy niya napigilan ang maiyak. Para kasing hindi nito na-appreciate ang kanyang effort. Gayung sabi ni Mark Wayne, the way to a man's heart is through his stomach.Ayaw na sana niyang marinig ang kuwento nito tungkol sa kanilang dalawa dahil hindi niya alam kung ano ang kanyang magiging reaksyon. Para kasing kahit bumalik na ang kanyang alaala ay hindi na niya magagampanan pa ang papel niya rito. Si Lance na kasi ang buhay niya.
PAKIRAMDAM ni Jillian ay isa siyang ‘kriminal’ na tumatakas kaya naman abot-abot ang kabog ng kanyang dibdib nang marating niya ang bankang de motor na ginagamit ni Lance. Para nga mas madali ang pagtakas ay sumakay na siya rito at maya-maya lang ay nakita na niya si Lance na tumatakbo. Nang mapaandar na ni Lance ang sasakyan ay parang nakahinga na siya nang maluwag. Ngunit, saglit lang niyang naramdaman iyon dahil lumitaw si Mark Wayne.Hindi naman ito humabol sa kanila, nanatili lamang itong nakatayo sa may labasan, nakahalukipkip at nakakunot ang noo. Kaya, para hindi na siya ma-guilty pa, iniwas na niya ang tingin dito. Alam niyang mali ang kanyang ginagawa dahil ito ang asawa niya at sumama siya sa ibang lalaki pero talagang hindi niya kayang pigilin ang sinasabi ng kanyang puso.“I love you, Jillian,” wika sa kanya ni Lance.
"HI sa inyong dalawa," ngiting-ngiting sabi ni Mark Wayne kina Jillian at Lance na hindi pa rin maawat sa pagtititigan kahit na nakapasok na sa bahay. Tiyak tuloy niyang hindi napansin ng mga ito ang pagtalim ng kanyang tingin.Kung ibang lalaki lang siya, siguradong nagwawala na siya ngayon. Kahit mahal na mahal niya ang kanyang asawa, tiyak na masasaktan niya ito. Sumama ito sa ibang lalaki at halos beinte kuwatro oras na nawala. Hindi siya tanga para hindi niya maisip na nagpalipas ito ng gabi sa kung saan."I'm sorry," wika ni Jillian pero ang ngiti ay abot hanggang mata. Ang sarap sampalin! Bakasakaling matauhan na.Marahas na paghinga na lamang ang kanyang pinawalan sa halip na magpakita ng galit. Kailangan niyang maging mabuting tao sa harapan ng kanyang asawa kung talagang gusto niya