Chapter 12

Chapter 12

Napabuntong hininga muna ako habang nakatayo dito sa harap ng gate. Humuhugot ng lakas ng loob para sakaling pag nagkita kami ni Michael ngayong araw, makakausap ko sya ng normal at parang walang nangyari.

Kaya ko 'to!

Sabi ko sa isipan ko bago tuluyang pumasok ng gate.

Habang naglalakad biglang may tumapik sa balikat ko. Agad ko naman tiningnan kung sino iyon.

"Kamusta na ang pakiramdam mo?" Tanong agad ni Dark sa'kin pagkatagpo ng mata namin. Binigyan ko naman sya ng isang taos-puso na ngiti.

"Ayos na ako. Salamat nga pala kahapon. Pasensya na rin sa inasal ko." Sabi ko sa kanya habang nakahawak sa batok ko.

Sobra kasi akong nahihiya sa kanya. Halos kakikilala pa lang namin pero nakita na nya agad ang mga ganung sides ko. Pero labis naman ang pasasalamat ko dahil sya iyong kasama ko kahapon at hindi kung sino-sino lamang. Meron kasi parte sa puso ko na nagsasabing mapagkakatiwalaan sya.

Umiling ng marahan si Dark. "Don't worry about it. How's your arm, by the way?" Sabi n