Share

Chapter 1

Author: Rina
last update Last Updated: 2024-10-06 22:21:44

Mariin na pinikit ni Shaun ang mga mata at sinandal ang ulo sa sofa. Kakababa niya lang ng tawag mula sa Pilipinas. Kagaya nang nakaraang linggo ay pinapauwi na siya ng kan’yang lolo.

Dalawang taon na ang nakalipas nang makapagtapos siya ng business course. Dapat ay uuwi na siya ngunit nagsinungaling siya sa ama at lolo, at sinabing kailangan n’ya pa’ng hasain ang kaalaman sa paghawak ng negosyo sa pamamagitan nang pamamasukan sa mga kilalang kompanya sa bansa kung nasaan s’ya.

Iyon ay isang kasinungalingan, dahil ang totoo ay nabigyan siya ng pagkakataon na aralin ang kursong culinary na siyang tunay niyang ninanais.

Dumilat siya nang marinig ang pagtunog ng oven, hudyat na luto na ang lasagna na ginawa n’ya. Lumapit siya dito at kinuha ang putaheng pinag-eksperimentuhan n’yang lagyan ng ibang sangkap.

Bata pa lang nais n’ya nang maging sikat na chef. Paano ba naman kasi ay lumaki siyang tumutulong sa ina sa pagluluto ng ulam na ibinibenta nila sa kanilang lugar. Iyon ang tumustos sa kanilang pang-araw-araw.

Inayos niya ang plating at naghanda na din ng inumin.

Mabilis niyang tinungo ang pintuan upang pagbuksan ang matalik na kaibigan na kanina n’ya pa hinihintay.

Subalit hindi inaasahang bisita ang tumambad sa kan’yang harapan.

“Matt?” Sa kabila nang pagkabigla ay niyakap n’ya ito nang mahigpit.

Halos anim na taon na silang hindi nagkikita ng kapatid. Natatawa na nga lang siya sa tuwing sinasabi ng kan’yang mga kaibigan na tumingin lang siya sa salamin ay parang nakita niya na din sa personal ang kakambal.

Identical twins sila ni Matt. Kung unang beses silang masisilayan, mahihirapan na makita ang pagkakaiba nila. Kapwa matangos ang ilong, makapal ang kilay,pareho ang tangkad at laki ng katawan pati ang kompleksyon ng balat. Kahit pa sabihin na naiwan sa Pilipinas ang kapatid niya samantalang siya ay nasa America, hindi naapektuhan ng klima ang kulay nila, kulay pinoy pa din. Matikas at matipunong tingnan.

Ang pagkakaiba nila ay ang kulay at ayos ng buhok. Nakahagod palikod at natural na kulay itim ang kay Shaun, samantalang kay Matt naman ay wavy mullet ang istilo na kinulayan ng ash brown. Bukod doon, may nunal si Shaun sa leeg habang si Matt naman ay wala.

Pinapasok n’ya ang kapatid at pinaupo sa sala. Inalok n’ya ito ng makakain at maiinom ngunit tumanggi ito.

“Ano’ng nangyari?” nag-aalalang tanong ni Shaun. Nararamdaman n’yang may kakaiba sa kapatid. Alam niyang hindi iyon pumunta doon para lamang surpresahin s’ya.

Tila nagdadalawang isip pa itong sabihin ang pakay, ngunit inudyok n’ya ito.

“Pwede ba ako’ng humiram sa’yo ng limang milyon?”

Kung nagulat siya sa biglaang pagbisita nito, mas nagulat siya sa laki ng halagang hinihiram nito.

“Wala ako’ng ganon kalaking pera,” sagot n’ya. Saan naman siya kukuha ng ganoon kalaking halaga?

“Hindi ba’t paborito ka naman ni lolo at ni dad, sigurado ako’ng kapag humiram ka sa kanila ay magbibigay sila.”

Nabatid niya ang pagiging desperado nito base sa tono ng pananalita. Pinakatitigan n’ya ang kapatid. Umiwas ito at ibinaling sa center table ang tingin.

Naalala niya kung paano nila ipinangakong kailanman ay hindi hihingi ng kahit ano man na halaga sa ama, subalit nabali iyon nang magkasakit ng cancer ang kanilang ina. Malaking halaga ang kailangan nila para sa chemotheraphy, kaya labag man sa loob ay pinuntahan nila sa munisipyo ang ama na noon ay councilor ng Lungsod ng La Trinidad.

Kinilala sila nito at buong pusong tinanggap. Nang tumuntong sila ng highschool ay lumala ang kondisyon ng ina. Sa puntong iyon ay pilit silang kinuha ni Don Felipe, ang kanilang lolo. Hindi sila sumama ngunit malupit si Don Felipe, pinatigil lahat ng sustentong ibinibigay ng kanilang ama, at ang tulong pinansyal sa gamutan ng kanilang ina.

Dahil sa panggigipit ng sariling lolo, napagpasyahan ng magkapatid na ang isa sa kanila ay kailangang magsakripisyo na manirahan sa poder ng ama, at si Shaun iyon. Samantalang si Matt ang nanatili sa poder ng ina upang alagaan ito.

Hindi naglaon, binawian ng buhay ang kanilang ina. Pilit n’yang hinikayat si Matt na sumama sa kan’ya ngunit sadyang nais nitong panindigan ang hindi pagkilala sa sariling ama at lolo. Kumpara kasi sa kan’ya na mabait, si Matt ay matigas ang puso.

Iyon ang dahilan kung bakit mas malapit si Shaun sa ama at lolo.

“Bakit mo kailangan nang ganoon kalaking halaga?” usisa n’ya.

Ang alam niya ay hindi naman natigil ang ama sa pagbigay ng sustento sa kapatid hanggang sa makapagtapos ito ng kolehiyo. Maganda din ang trabaho nito sa isang clinic bilang dentista.

“Gusto ko kasi’ng magtayo ng sarili ko’ng clinic,” anito.

“Alam mo naman kung gaano kahigpit si lolo sa pera, ‘di ba? Hindi iyon basta-basta maglalabas ng pera, lalo pa ngayon na nagmamatigas pa ako’ng umuwi.” Nararamdaman niya na isang araw ay bigla na lang susulpot ang isa sa mga tauhan ni Don Felipe upang kaladkarin s’ya pauwi.

Naiiling na pinagmasdan siya ni Matt. “Kung sana ako na lang ang pinili nilang maging future CEO ng kompanya, isang tawag lang nila uuwi na ako. Nando’n ang pera, Shaun.”

Sa totoo lang ay hindi niya gustong pinag-uusapan ang tungkol sa kompanya kapag kapatid ang kausap. Bukod kasi sa nakikita n’yang hindi patas na wala man lang magiging papel ang kakambal sa kompanya ng kanilang lolo ay hindi n’ya ito makitaan ng interes. Subalit ngayon ay tila biglang nag-iba ang ihip ng hangin. Ganito ba ito kadesperado na makapagtayo ng sariling klinika?

“Paano kung ikaw na lang kaya ang magtrabaho sa kompanya?” Bigla ay tanong niya dito.

Nangunot ang noo nito, at maya-maya’y sumilay ang ngiti sa labi na para ba’ng isang ideya ang pumasok sa isipan. “Magpapanggap ako’ng ikaw?”

Saka lang napagtanto ni Shaun ang sinabi. Malayo ang loob ni Don Felipe kay Matt kaya malabong tanggapin nito sa kompanya ang kakambal n’ya, maliban na lamang kung magpapalit sila ng katauhan.

Ilang taon na din siyang hindi nakita ng ama at lolo. Ganoon din si Matt na kahit nasa Pilipinas lang ay hindi kailanman nagpakita dito, at tanging buwanang sustento lang ang nagsilbing koneksyon dito.

“Pwede, kaya mo ba?” Hindi sigurado si Shaun kung tama ba siya sa nais ipagawa sa kapatid. Subalit alang-alang sa kan’ya-kan’ya nilang pangarap ay lalakasan n’ya ang loob.

“Deal,” walang pag-aalinlangan na sagot nito.

“Pero, pagkauwi kailangan ko daw magpakasal sa anak ni Congressman Bentiz.” Iyon ang isa pa’ng dahilan kung bakit ayaw n’yang umuwi.

Nagkamot ng ulo si Matt, tila kagaya niya ay ayaw din nitong matali sa anak ng pulitiko dahil alam nilang wala nang kawala dito magkamatayan na.

“Magpapanggap ako na may nobya, nang sa ganun wala nang kasal na maganap,” suhestyon ng kakambal n’ya.

“Saan tayo maghahanap ng papayag na magpanggap na nobya ko or mo bilang ako?” Naisip niya nang malabong makahanap ng babae na kakagat sa plano nila nang hindi hihingi ng kapalit na malaking halaga ng pera.

“May kakilala ako sa Pilipinas.”

Umiling siya sa sagot nito.

“Hindi pwede. Kilala ko si lolo baka paimbestigahan n’ya ang babae. Dapat ay ‘yong galing dito sa America.”

Kailangan nilang pagplanuhan nang maigi ang binabalak. Hindi sila maaaring mahanapan ng kahit maliit na butas.

“Why not me? Handa ako’ng maging nobya mo Matt na magpapanggap na si Shaun,” pagsabat ng isang babae sa kanilang usapan.

Continue to read this book for free
Scan code to download App

Latest chapter

  • My Real Husband   Epilogue

    “Wear your smile young gentlemen,” saad ni Christine sa kambal nang magsimula nang magpaso ang mga ito.Ilang minuto pa ang lumipas. Dali-dali nang nilapitan ng organizer ang puting kotseng may bulaklak sa harapan. Kumatok siya sa bintana.Ang kinakabahang si Cianne ang lulan nito. Gayunpaman, hindi mapapansin sa kan’yang mukha ang kaba dahil natatakpan iyon ng puting belo.“Let’s go.”Sa hudyat ng organizer ay bumaba na siya. Huminto siya sa tapat ng nakasarang pintuan. May ilang tao sa paligid niya. Ang iba ay nag-aayos ng kan’yang suot na puting gown, habang ang ilan naman ay kumukuha ng litrato. Panay ang salita ng organizer, subalit wala siyang maintindihan. Panay na lang ang kan’yang pagtango at pagngiti.Samu’t-saring emosyon ang nararamdaman niya. Masaya, kinakabahan, nasasabik, hindi niya na mabatid. Subalit isa lang ang sigurado, panatag ang puso niya.Dahan-dahan na bumukas ang pintuan. Tumambad sa kan’ya ang kulay asul na bulaklak na disenyo sa gitna ng simbahan.“This is

  • My Real Husband   Chapter 129

    “The kids are fighter! Hindi ko inaasahan na dalawang session pa lang ay bumabalik na ang sigla nila. They still have trauma pero with your guidance, napalaki ng chance na makalimutan nila ang nangyari,” balita ng psychiatrist kay Shaun nang lumabas na ang mga bata sa opisina nito matapos ang counseling.Nang araw ng sana’y kasal nila ni Cianne ay nagising siya sa magandang balita mula sa pribadong imbestigador. Natunton na nito ang kinaroroonan ng mga bata at kasalukuyan nang ni-re-rescue ang kambal. Tandang-tanda niya pa ang galak n’ya ng araw na iyon nang lumabas siya ng kwarto upang ibalita iyon sa kan’yang asawa, subalit ang sayang kan’yang nadama ay mabilis na napalitan ng takot nang mabasa ang note na iniwan nito.Nangako ito’ng babalik kasama ang mga bata.Kinutuban siya nang masama lalo pa nang ibalita ng pribadong imbestigador na hindi nila nakita si Cianne sa lugar kung nasaan ang kan’yang mga anak.Sa tulong ng mga cctv footages ay nasundan niya, kasama ang mga otoridad, a

  • My Real Husband   Chapter 128

    Higit isang oras pa lang si Cianne na nakahiga sa kama ay dahan-dahan na s’yang bumangon. Nag-aagaw na ang dilim at liwanag sa labas. Dapat sana’y hindi siya nakakatulog sa kasabikan ng kasal, hindi dahil sa labis na pag-aalala sa kambal.“Saan ka pupunta?” paos na tanong ni Shaun sa kan’ya na kagaya niya ay hirap din makatulog.Ang totoo’y ayaw pa sana nitong umuwi, pinilit niya lang para magawa niya ang plano.“Magpapahangin lang ako sandali sa labas,” pagsisinungaling niya.Kapag ganoon kasi ang sinasabi niya, alam na kaagad ni Shaun na gusto niyang mapag-isa kahit sandali lang.Mabilis ang ginawa n’yang pagkilos, gayunpaman, hindi niya nakalimutan ang mag-iwan ng note. Anuman ang mangyari, pinapangako n’yang ililigtas niya ang mga anak.Nang makalabas ay agad siyang sumakay sa kotseng kan’yang nabook. Nagpahatid siya sa malapit na pier. Nagpasalamat siyang naabutan niya pa ang unang byahe.Ayaw niyang mag-aksaya kahit kaunting panahon, kaya ang isang oras na byahe ng barko ay napa

  • My Real Husband   Chapter 127

    “Hindi ba p’wedeng sabay na lang tayong pumunta sa simbahan bukas?” tanong ni Shaun kay Cianne habang inaayos ng huli ang gagamitin ng mga bata bukas sa kasal.Inabot niya kay Manang Alice ang mga sapatos at matapos magbilin ay hinarap niya ang parang batang si Shaun na naghihintay ng atensyon niya.“Hindi nga p’wede. Gusto mo ba’ng tumutol pa bukas si ate sa kasal dahil hindi natin sinunod ang pamahiin ng mga magulang namin noong nabubuhay pa sila?” pagtataray niya. Paano’y kagabi pa ito nangungulit sa kan’ya.Ngumuso ito pagkatapos ay lumapit at niyakap siya mula sa tagiliran.Inamoy nito ang leeg niya at dumampi ng isang mabilis na halik doon. Sa gulat ay siniko niya ang tiyan nito, dahilan para dumaing ito at lumayo.“I-reserve mo nga ‘yang landi mo pagkatapos ng kasal bukas.”Imbes na sumeryoso ay tumawa pa si Shaun. Tila natutuwa pa ito na naaasar siya.Maya pa’y dalawang sunod na busina ang narinig nila sa labas. Tinanaw nila iyon mula sa bintana.Kinuha niya ang kan’yang bag n

  • My Real Husband   Chapter 126

    “Mommy, I got three stars!” masayang balita ni Sean habang nakataas ang kamay na may tatlong tatak ng stars.“Me too, mommy!” Tinaas din ni Kean ang sa kan’ya.Nakangiting ginulo ni Cianne ang buhok ng dalawang bata. Kahit anong pagod niya talaga sa trabaho ay nawawala sa tuwing sinasalubong siya ng kambal.“Don’t erase it yet. Daddy will be home soon. Show it to him.”Masayang bumalik sa kwarto ang mga ito habang sinusundan n’ya ng tingin. Karaniwan nang sabay nilang sinusundo ni Shaun sa paaralan ang dalawa ngunit naging abala ang huli sa kompanya. Hinahabol din nitong matapos ang mga mahahalagang bagay bago ang araw ng kanilang kasal.“I forgot the papers,” saad niya sa sarili nang makalimutan sa kotse ang mga papeles na kan’yang inuwi upang pirmahan.Nagtungo siya sa garahe upang kunin ang naiwang dokumento nang mapansin ang kotseng nakaparada sa tapat ng kanilang bahay.Naglakad siya palapit sa gate. Takip-silim na ngunit naaaninag niya pa din ang sasakyan, kaya nasabi niyang pa

  • My Real Husband   Chapter 125

    “Daddy, when are you going home?” nakalabing tanong ng kambal kay Shaun nang tumawag ito kinagabihan.Unang araw nito sa business trip na pinaalam kay Cianne nang nakaraan.“The day after tomorrow my twins,” nakalabing sagot din nito.Natawa si Cianne sa itsura ng asawa. Para itong batang iniwan sa paaralan at gusto nang umuwi.“Akala ko ba isang araw ka lang d’yan?” Sumingit siya sa usapan at seryosong nagtanong. Kunot ang kan’yang noo na tila tutol na um-extend pa ito ng isang araw doon.Gusto n’ya lang takutin ang asawa.Mukhang tagumpay dahil mabilis na naglaho ang ngiti nito sa labi at animo’y naalarma.“Mahal, kasi may event sa kabilang resort. I was invited, I couldn’t say no dahil nandoon din si Alvaro, ‘yong investor na matagal na namin gusto kunin ni dad, remember? But if you want me now beside you, as much as I want you here, I’ll book a ticket now going home.” Tumayo pa ito at nilalagay na ang ilang gamit sa bag.Parang mas nagmukha pa tuloy ito’ng sabik na bumalik sa kani

  • My Real Husband   Chapter 124

    Wala sa isipan ni Cianne ang engrandeng kasal. Nang sinabi nga ni Shaun na nais nitong ibigay ang pangarap niyang kasal, ay wala siyang ibang maisip kundi isang simpleng seremonya sa simbahan. Ganoon siguro kapag kontento ka na sa buhay. Sapat na sa kan’ya na umuwi sa bahay kasama ang mga anak at asawa pagkatapos nang nakakapagod na araw.Kagaya nang kan’yang nais, simpleng pag-iisang dibdib sa simbahan ay pinaplano niya kasama ang wedding organizer na kinuha ni Shaun.Kahit anong busy ng lalaki ay nagagawa pa din siyang samahan nito sa mga paghahanda.“Hindi kaya maumay nito kaagad ang mga bisita? What do you think, mahal?” tanong sa kan’ya ni Shaun nang mag-food tasting sila.Tumango siya bilang pag-sang-ayon. Nakakailang desert na sila ngunit wala pa din pumapasa sa panlasa ng lalaki.“Okay na ‘to,” saad ni Shaun sa panghuling desert na tinikman nila.Hindi iyon gaanong swak sa panlasa niya kaya bahagya siyang umiling sa asawa.Lumapit ito sa kan’yang tainga ay bumulong.“The visit

  • My Real Husband   Chapter 123

    Paulit-ulit na nilalagay ni Shaun sa kan’yang isipan ang sinapit ng kan’yang kakambal an si Matt habang pinagmamasdan ang hinang-hina nang si Don Felipe. Tila ba pilit niyang pinapaalala sa sarili na dahil sa nakaratay na matanda ay nawala ang mga mahal niya sa buhay. Subalit tila wala iyong epekto nang tuluyan nang pumatak ang luha mula sa kan’yang mga mata. Unti-unti ay napalitan ang galit ng awa.“Salamat dahil pumunta ka.”Mabilis niyang pinunasan ang luha. Pinapatigas niya ang eskpresyon kahit pa nanlalambot ang kan’yang puso.“Patawarin mo ako sa mga nagawa ko, lalo na kay Matt. Alam kong hindi maiibsan ng paghingi kong ito ng tawad ang sakit na naidulot saiyo nang nangyari pero gusto kong malaman mo na labis akong nagsisisi.” Hindi malinaw ang pananalita nito ngunit dama niya ang sinseridad sa boses nito.Ano pa nga ba ang magiging rason nito para maging masama gayong pisikal na ito’ng nasasaktan dahil sa karamdaman?“Saiyo din Cianne. Patawad kung muntik ko nang mapahamak ang

  • My Real Husband   Chapter 122

    “Ang kukulit ng mga apo ko, Shaun,” nakangiting reklamo ng ama ni Shaun nang ihatid nito ang mga bata mula sa eskwela.Pinagmasdan niya ang ama na maupo sa sofa habang marahan na hinihilot ang tagiliran. Hindi niya mapigilan ang mas lalong paglawak ng ngiti. Natutuwa siyang makita na kahit papaano ay umaaliwalas na ang mukha ng ama. Paano’y abswelto na ito sa kasong korapsyon. Tanging ang madrasta at lolo niya na lamang ang iniimbestigahan.“Napapayag mo ba si Mr. Chen na mag-invest sa negosyong pinaplano mo?” tanong nito pagkalaon.Tumango siya. “Yes dad, and please say negosyo natin. You’re part of it.”Kagaya ng relasyon nila ni Cianne ay nagsisimula na din siyang buuin ang kan’yang career. Head chef pa din naman siya ng kan’yang nobya, ngunit tuwing sabado o kung may espesyal na okasyon na lamang iyon. Paano’y gumagawa na siya ng pangalan sa larangan ng culinary, dahilan upang maging mas abala siya.Marami na siyang produktong pagkain na naimbento, karaniwang mga ready to eat na p

Explore and read good novels for free
Free access to a vast number of good novels on GoodNovel app. Download the books you like and read anywhere & anytime.
Read books for free on the app
SCAN CODE TO READ ON APP
DMCA.com Protection Status