Chapter 24: Elevator

"SHINE, may nakalimutan ako, mauna ka nang bumaba," ani Stan.

"Ulyanin. Sige na, hintayin na lang kita sa lobby."

"Sige, sige." Nagmamadali nang iniwan ni Stan ang dalaga.

Agad nang sumakay ng elevator si Sunshine nang bumukas iyon. Magsasara na sana ang pinto nang isang kamay ang pumigil sa pagsara no'n. Kasabay ng muling pagbukas ng pintuang metal ay ang pagpigil naman ng dalaga sa kaniyang hininga nang mapagsino ang may-ari ng kamay na iyon.

Saglit na tinapunan ni Norman ng tingin si Sunshine bago ito tuluyang pumasok sa loob at as usual nakapamulsa ang mga kamay na tumayo sa kabilang bahagi ng elevator at animo hari na nagmamay-ari ng mundo sa pagkakatayo.

Pakiramdam ni Sunshine ay sinasakal siya ng katahimikang namamayani sa pagitan nila ng binata. Hindi niya inaasahan ang pagsasabay nilang iyon at nataon pa na silang dalawa lang ang naroon. Hindi siya mapalagay sa presensiya nito, lalo na't naroon pa rin ang galit na nararamdaman niya para rito. Gusto niya itong komprontahin, ng